• Հելսինկյան Ասոցիացիան տրամադրում է իրավաբանական առցանց խորհրդատվություն: find-us-on-facebook-logo

  • Մեր փաստաբանների հետ կապ հաստատելու համար, find-us-on-facebook-logo

  • խնդրում ենք, Ձեզ հուզող հարցերով դիմել ֆեյսբուքյան էջի միջոցով find-us-on-facebook-logo

  • աշխատանքային օրերին ժամը 11:00 - 18:00 ժամանակահատվածում: find-us-on-facebook-logo

Հերթական շինծու գործը Մեհրաբներում. Տեսանյութ

Հեղինակ՝ Nina вкл. . Опубликовано в Բանակ

Capture ijevan

Տավուշի մարզի ընդհանուր իրավասության դատարանում դատավոր` Ռաֆիկ Մելքոնյանի նախագահությամբ շարունակվում է Արտակ և Կառլեն Սարգսյանների և Մանուկ Մարգարյանի նկատմամբ հարուցված քրեական գործի քննությունը: Սույն գործի քննության ընթացքում գրեթե բոլոր վկաները հրաժարվել են իրենց նախաքննական ցուցմունքներից և հայտնել որ նման ցուցմունք չեն տվել, կամ ցուցմունքները տրվել են սպառնալիքի ներքո: 

 

Այսօր տեղի ունեցած դատական նիստին չեն ներկայացել և ոչ մի վկա, չի կատարվել նաև դատարանի բերման ենթարկելու որոշումը, այդ պայմաններում հրապարակվել է վկա Արթուր Վարդանյանի ցուցմունքները որտեղ նշել է, որ ականատես չի եղել դեպքին և իրեն ասել են դեպքի մասին, մինչդեռ չէր նշել աղբյուրը, որի պատճառով էլ պաշտպան Անի Թորոսյանը միջնորդել է այդ վկայի ցուցմունքները հանել ապացույցների շարքից, անթույլատրելի ապացույց ճանաչելու հիմքերից մեկն էլ նշվել է այն փաստը, որ վկայի բացակայության պատճառով հնարավոր չէ հարցեր ուղղել վերջինիս, որն էլ նաև մարդու իրավունքների և հիմնարար ազատությունների եվրոպական կոնվենցիայի խախտում է: Դատարանը որոշեց միջնորդությանը անդրադառնալ դատական ակտ կայացնելիս: 

Հելսինկյան ասոցիացիայի դիտորդ` Արման Վեզիրյանին, տրված հարցազրույցում փաստաբան` Անի Թորոսյանը, հայտնեց, որ սույն քրեական գործը շինծու է, արարքին սխալ որակում է տվել և մեղադրողը պետք է հրաժարվեր մեղադրանքից: Մանրամասները տեսանյութերում: 

Հիշեցնենք` համաձայն մեղադրական եզրակացության ՀՀ ՊՀ թիվ 21127 զորամասի զինծառայողներ` Կառլեն Սարգսյանին, Արտակ Սարգսյանին և Մանուկ Մարգարյանին մեղադրանք է առաջադրվել ՀՀ քրեական օրենսգրքի 358 հոդվածի 3-րդ մասի 1-ին կետով այն բանի համար, որ 13.02.13թ. ժամը 07-15-ի սահմաններում զորանոցում ծառայողական պարտականությունները կատարելու` իրենց դիտողություն անելու, ննջարանում մաքրություն կատարելու, ննջասենյակից դուրս հրավիրելու, համար վաշտի սպայական սենյակում վիճաբանության է բռնվել իրենց նկատմամբ պետ հանդիսացող Դավիթ Մկրտչյանի հետ և բռնություն գործադրել, հրել և ձեռքերով հարվածներ են հասցրել վերջինիս դեմքին` պատճառելով թեթև վնասի հատկանիշներ չպարունակող վնասվածքներ:

 

 

 

 

Տեսանյութերը` Հելսինկյան ասոցիացիայի:

 



                                                                       logoUSAID     logo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”