• Slideshow1
  • John Hay
  • vladimir-visotskiy
  • Honoré Mirabeau 4
  • Hunter S tomson
  • «Ժողովրդավարությունը վատ վարչակարգ է, բայց ոչ ոք ավելի լավը դեռ չի հորինել»:

    Ուինստոն Չերչիլ ,Բրիտանացի քաղաքական գործիչ
  • «Պետական բռնակալության սարսափը հազվադեպ է տեսնում նա, ով չի փորձում դրան դիմակայել»:

    Ջոն Հեյ ,Ամերիկացի դիվանագետ
  • «Իրական խենթերը քիչ են, ահա և չկա առաջնորդ»:

    Վլադիմիր Վիսոցկի ,Դերասան և պոետ
  • «Կամավոր ստրուկներն ավելի շատ բռնապետներ են ստեղծում, քան թե բռնապետները՝ ստրուկներ»:

    Օնորե Գաբրիել Միրաբո ,Ֆրանսիացի քաղաքական գործիչ
  • «Ազատությունը մեռնում է այն ժամանակ, երբ այն պետք չէ»:

    Հանթեր Ս. Թոմսոն, ամերիկացի լրագրող

Հելսինկյան ասոցիացիա իրավապաշտպան հասարակական կազմակերպության ՀԱՅՏԱՐԱՐՈՒԹՅՈՒՆԸ

Slideshow1rrrrr.jpg
Հայաստանի Հանրապետությունը շարունակում է խուսափել Մարդու իրավունքների և հիմնարար ազատությունների պաշտպանության ոլորտում իր քաղաքացիների և միջազգային հանրության առջև ստանձնած պարտավորությունները կատարելուց:

Վերջին ամիսների ընթացքում քաղաքացիների, հասարակական ակտիվիստների, լրագրողների, ձերբակալված ու կալանավորված անձանց հանդեպ ցուցաբերվող աննախադեպ ճնշումներին ավելացել են նաև ճնշումները փաստաբանների նկատմամբ: Բազմաթիվ են դարձել դեպքերը երբ իշխանության անունից հանդես եկող պաշտոնատար անձինք կամ կառույցները փաստաբանին (քրեական գործով պաշտպանին) արգելում և խոչընդոտում են վերջինիս կողմից իր մասնագիտական գործունեությունն իրականացումը:

Հայաստանի իշխանությունների կողմից փաստաբանների նկատմամբ գործադրվող անօրինական սահմանափակումները ոչ միայն ներպետական օրենսդրության, այլ նաև միջազգային իրավունքի կոպիտ խախտում են:

Հայաստանը միացել և իր օրենսդրության բաղկացուցիչ մաս է դարձրել մարդու իրավունքների վերաբերյալ բազմաթիվ միջազգային փաստաթղթեր, մասնավորապես՝

Եվրոպայի անվտանգության և համագործակցության խորհրդակցության Հելսինկիի 1975 թվականի եզրափակիչ ակտը, որի 7-րդ մասի համաձայն՝ Հայաստանի Հանրապետությունը պարտավորվել է՝ աջակցել մարդու իրավունքների համընդհանուր և արդյունավետ հարգանքը, մարդու իրավունքների և հիմնարար ազատությունների բնագավառում գործել ՄԱԿ-ի կանոնադրության նպատակներին ու սկզբունքներին համապատասխան, կատարել իր պարտավորությունները, ինչպես դրանք սահմանված են այդ բնագավառի միջազգային հռչակագրերում ու համաձայնագրերում;

Հանցագործությունների կանխմանը և իրավախախտների հետ վարվելաձևին նվիրված ՄԱԿ-ի ութերորդ կոնգրեսի ընդունած Իրավաբանների դերին վերաբերող հիմնարար սկզբունքները, որի համաձայն՝ Հայաստանի Հանրապետությունը պարտավորվել է՝ ապահովել կալանված անձի իրավունքը իրավախորհրդատուի օգնությունը օգտագործելու, դիմելու նրան և խորհրդակցելու նրա հետ, ինչպես նաև բոլոր ձեռբակալված, կալանված կամ բանտարկված անձանց տրամադրել պատշաճ հնարավորություններ, ժամանակ ու պայմաններ իրավաբանի այցելության, նրա հետ առնչվելու և խորհրդակցելու համար` առանց ձգձգման, միջամտության կամ գրաքննության և լիակատար գաղտնիության պահպանմամբ:

 
Հաշվի առնելով այն հանգամանքը, որ ՀՀ-ն կոպտորեն խախտում է իր պարտավորությունները, ընդուպ՝ խոչընդոտելով փաստաբանների, հատկապես՝ քրեական գործերով պաշտպանների մասնագիտական գործունեությանը, Հելսինկյան ասոցիացիան դատապարտում է իշխանությունների այդօրինակ գործելաոճը և կոչ է անում Միջազգային կազմակերպություններին, Միջազգային իրավապաշտպան կազմակերպություններին՝

Միջազգային իրավունքի և Հայաստանի մասնակցությամբ պայմանագրերով սահմանված ընթացակարգերին համապատասխան գործուն ազդեցություն ցուցաբերել և պահանջել ՀՀ իշխանություններից դադարեցնել Մարդու իրավունքների և հիմնարար ազատությունների ոլորտում, ներառյալ փաստաբանների նկատմամբ կիրառվող անօրինական սահմանափակումները:
  • Դիտումներ: 1255
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association