«Հելսինկյան ասոցիացիա» իրավապաշտպան հասարակական կազմակերպությունը խստորեն դատապարտում է վերջին շրջանում Հայաստանի Հանրապետությունում տեղի ունեցող մարդու իրավունքների կոպիտ ու բազմակի խախտումները։
Ժամանակակից աշխարհում պետության ժողովրդավարական լինելու կարևորագույն ցուցիչ իրավականությունը լրջագույն հարվածի տակ է դրվել, ինչը պարարտ հող է անձնիշխանության հաստատման համար։
Երբ վտանգվում է իրավաբանական օգնություն ստանալու անձի իրավունքը, թիրախավորում, հետապնդվում, խոչընդոտվում է իրավապաշտպան գործունությունը, կալանավորում է փաստաբանը, ապա պարզ է դառնում, որ չի գործում որևէ իրավական ստանդարտ։
Քաղաքական իշխանությունները պարտավոր են զերծ մնալ դատաիրավական համակարգի նկատմամբ ցանկացած ազդեցությունից, իսկ վերջիններս պարտավոր են ենթարկվել բացառապես Սահմանադրությանն ու օրենքներին։
Իշխանությունները պարտավոր են անհապաղ և տեսանելի միջոցներ ձեռնարկել, որպեսզի ապահովվի իրավունքի գերակայությունը և որպես գործուն քայլ՝ անհապաղ ազատ արձակել կալանավորված փաստաբան Ալեքսանդր Կոչուբաևին։
Թողնել մեկնաբանություն
You must be logged in to post a comment.