Դատարան

Վճռաբեկ դատարանը վարույթ է ընդունել Հրաչյա Ֆալանջյանի մոր բողոքը

136.jpg

Վճռաբեկ դատարանը վարույթ է ընդունել 2016 թ․ մայիսի 13-ին սպանված` ոստիկանության կապիտան Հրաչյա Ֆալանջյանի մոր բողոքը։  Այս մասին տեղեկացրեց փաստաբան Արայիկ Պապիկյանը։ Հիշեցնենք, որ նախաքննության սկզբում Հրաչյա Ֆալանջյանը տուժող, իսկ   Մարիետա Անտոնյանը տուժողի իրավահաջորդ էին  ճանաչվել, սակայն հետագայում կարգավիճակը վերացվել էր։  Մինչդեռ  ՍԴ-ն որոշում է ընդունել, որ սպանված անձը եւս  հնարավորություն պետք է ունենա արդարացվելու։  Սակայն մայրը երկու տարի է գործում կարգավիճակ չէր  կարողանում ձեռք բերել։ Դիմել էին  քննիչին, նախաքննության մարմնին, դատարան, որ վերականգնեն իրենց  իրավունքը, սակայն  դիմումները մնում էին  առանց քննության։

  • Տեղադրված .
  • Դիտումներ: 170
0
0
0
s2sdefault

Ինչո՞ւ խտրական մոտեցում ցուցաբերվեց «Սասնա ծռեր»-ի հարցում

132.jpg

28-ամյա անկախ Հայաստանի  պատմության մեջ կիրառվել է 11 համաներում՝  1992, 1995, 1997, 1998, 2001, 2006, 2009, 2011, 2013 եւ 2018 թվականներին։ Ընդ որում՝  1995թ. հուլիսի 5-ին, ՀՀ Սահմանադրության ընդունման կապակցությամբ հայտարված համաներումից մեկ ամիս անց հայտարարվել է ևս մեկ՝ փոքր համաներում, քանի որ «Սահմանադրության ընդունման կապակցությամբ համաներում հայտարարելու մասին» ԱԺ որոշման մեջ փոփոխություն էր կատարվել, որի արդյունքում համաներումը տարածվում էր նաև ՀՀ Քրեական օրենսգրքի 185 հոդվածի՝ (Ուրիշի գույքը դիտավորությամբ ոչնչացնելը կամ վնասելը, որը զգալի չափերի վնաս է պատճառել) երկրորդ և երրորդ մասերի վրա:

Այն ժամանակ արդարադատության նախարարի պաշտոնակատար  Արտակ Զեյնալյանը, նախորդ տարվա    հոկտեմբերի 31-ին խորհրդարանի արտահերթ նիստում, ներկայացնելով  Երեւանի 2800-ամյակին եւ Առաջին Հանրապետության 100-ամյակի կապակցությամբ  համաներման եւ  Քրեական օրենսգրքում փոփոխություններ մտցնելու օրենքի փաթեթի նախագիծը, նշեց, որ այն տարածվելու է 6500 անձանց վրա եւ մեծ համաներում է լինելու։

 Համաներման տեսքտի մեջ նշված էր նաեւ «Սասնա ծռեր»-ի անունը։  Սակայն նրանք քրեական հետապնդումից կազատվեին միայն այն ժամանակ, երբ տուժող կողմը առարկություն չունենա։ Մինչ այդ հայտարարված նախորդ տասը համաներումների ժամանակ երբեւէ տուժողների կարծիքը հաշվի չի առնվել։

   Ի դեպ,   Հայաստանի ոստիկանապետ, այն ժամանակ Երեւանի փոխոստիկանապետ Վալերիյ Օսիպյանն արդեն առարկել է համաներման դեմ՝ նշանակում է «Սասնա ծռեր»-ը չեն օգտվի համաներումից։

«Կոնկրետ այս գործով  ես չեմ հասկանում տրամաբանությունը։ Առաջին օրվանից ասել եմ, որ սա շատ խտրական համաներում է։ Ինձ համար բացարձակ ընդունելի չէ այսպիսի խտրական վերաբերմունքը այն մարդկանց նկատմամբ, ովքեր փորձեցին ապստամբություն անել»,- ասում է «Հելսինկայն ասոցիացիա» ՀԿ նախագահ Նինա Կարապետյանցը։

   «Սասնա ծռեր»-ի գործով փաստաբան Արայիկ Պապիկյանը  նշում է, որ համաներումը երբեմն հատուկ նպատակով է արվում, այսինքն՝ իր մեջ  միայն իրավաբանություն պետք չէ փնտրել, այն նաեւ քաղաքական որոշում է։ Պաշտպանը շեշտում է՝  այս գործով համաներման կիրառմանը,  ինչպես ցույց տվեց ընթացքը, միայն ոստիկանության աշխատակիցներն են դեմ, իսկ մյուս անձինք չեն առարկում։

«Առաջինը որպես առարկող հանդես եկավ ոստիկանապետը՝ պետության բարձրագույն իշխանության ներկայացուցիչներից մեկը։ Անհասկանալի էր, որ պետությունը՝ բարձրագույն իշխանությունը մի կողմից հայտարարում է  հասարակության մեջ հաշտեցման գործընթաց սկսելու մասին, մյուս կողմից  այդ իշխանության մեկ այլ ներկայացուցիչ, դեմ է առարկում։  Սա այսօրվա պետական բարձրագույն  իշխանության  քաղաքականությունն է։ Աջ ձեռքը չգիտի, թե ձախ ձեռքը ինչով է զբաղվում»,- ասում է Արայիկ Պապիկյանը։

Փաստաբանը կարծում է, որ  իրավական առումով անհեթեթ է նման կարգավորում տալը, որովհետեւ  նախորդ տարիների  համաներումները  կիրառելիս  որեւէ մեկի կարծիքը չեն հարցրել․ «Մարտի 1-ի գործերով համաներում կիրառվեց։ Ունեինք  10  զոհ, որոնցից երկուսը ոստիկան էին, հարյուրավոր տուժածներ, ֆիզիկական բռնության ենթարկվածներ, տուժածների մեջ կային նաեւ բազմաթիվ ոստիկաններ։ Ոչ ոստիկանապետը,  եւ ոչ էլ որեւէ մեկը ոչ միայն առարկություն չներկայացրեց, այլ համաներման մասին որոշումներում նրանց կարծիքը հարցնելու մասին նորմ կամ դրույթ չի եղել»։

  Փոխարենը գործով մեկ այլ պաշտպան՝ Արա Ղարագյոզյանը ընդգծում է՝   շատ գործերով տուժողները դեմ են լինում, սակայն համաներումը կիրառվում է։

«Ցավում եմ, որ Արտակ Զեյնալյանը, լինելով իրավապաշտպան, միշտ նա է օրենքի որոշակիության հարց բարձրացրել,  խտրականության դեմ պայքար մղել, բայց հիմա ըստ էության այդ որոշումով  տեղի է ունենում խտրականություն։  Ինչո՞ւ պետք է բոլորը օրենքի առջեւ հավասար չլինեն։ Գտնում եմ, որ սա հակասահմանադրական նորմ է,  եւ բոլորը պետք է օրենքի առջեւ հավասար լինեն։ Եթե բոլորը տուժող են, բոլոր տուժողների նկատմամբ պետք է հավասար մոտեցում ցուցաբերել, ոչ թե միայն պետք է նշվի «Սասնա ծռեր»-ի մասով, իսկ մյուս տուժողների մասով անտեսվի»,- ասում է փաստաբանը։

   «Սասնա ծռեր»-ի գործով փաստաբան Արայիկ Պապիկյանը գիտի, թե ինչու այդպիսի համաներում կիրառվեց՝ առաջիկայում ընտրություններ էին տեղի ունենալու։

«Իշխանությունները փորձում էին հնարավորինս հանրային տիրույթում հարաբերական անդորր ապահովել։  Նրանց հաջողվեց ոչ միայն ստանալ բավարար թվով քվեներ, նաև հետագայում այլեւս այն լարվածության օջախները, որոնք կարող էին խոչընդոտել կամ որեւ կերպ ազդել ընտրություների վրա,  դրանք այլեւս  էական չէին իշխանությունների համար։  Այս առումով կարծում եմ, որ իշխանությունը լուրջ եւ ճակատագրական սխալ թույլ տվեց  իրենց հաշվարկների մեջ։ Իրենց հաշվարկները շատ ծանր հետեւանքներ են ունենալու հենց իրենց համար»,-եզրափակեց Արայիկ Պապիկյանը։

  • Տեղադրված .
  • Դիտումներ: 607
0
0
0
s2sdefault

Դատարանը մերժեց գլխավոր դատախազի բողոքը

119.png

Վերաքննիչ քրեական դատարանը մերժել է գլխավոր դատախազ Արթուր Դավթյանի բողոքը։ Դատախազը բողոք էր ներկայացրել Արայիկ Մուրադյանի գործով։

Լոռու մարզի ընդհանուր իրավասության դատարանի դատավոր Լուսինե Աբգարյանը կարճել էր պաշտպան Արայիկ Պապիկյանի պաշտպանյալ Արայիկ Մուրադյանի նկատմամբ հարուցված քրեական գործը։ Վերջինս մեղադրվում էր սպանության փորձ կատարելու մեջ։

Թե նախաքննության, եւ թե դատաքննության ընթացքում պաշտպանական կողմը պահանջել էր արարքը վերաորակել՝ Քրեական օրենսգրքի 112՝ ծանր մարմնական վնասվածք պատճառելը կամ 113՝ թեթեւ մարմնական վնասվածք պատճառելը, հոդվածներով։ Թեեւ գործով տուժողն էլ որեւէ բողոք չուներ, սակայն մեղադրանքի կողմը պնդել էր մեղադրանքը։ Դատավոր Լուսինե Աբգարյանը, սակայն, Արայիկ Մուրադյանի արարքը վերաորակել է ՔՕ 113 հոդվածով եւ, տուժողի բողոքի բացակայության հիմքով, քրեական հետապնդումը կարճել։

Դատախազությունը 30-oրյա ժամկետից ուշ էր ներկայացրել բողոքը՝ նշելով, որ խաթարվել է արդարադատության բուն էությունը։ Պաշտպան Արայիկ Պապիկյանը, սակայն նշում է, որ որեւէ հիմք չկա դրա վերաբերյալ։

Դատախազությունը պահանջում էր բեկանել 22.08.2018 թ դատավճիռը, Արայիկ Մուրադյանին մեղավոր ճանաչել ՀՀ քր. օր-ի 34-105 հոդվածով նախատեսված հանցանքի կատարման համար և նշանակել պատիժ` մեկ տարի ժամկետով ազատազրկման ձևով։ Ի դեպ, շուրջ մեկ տարի Արայիկ Մուրադյանը գտնվել է կալանքի տակ։

Դատավոր Մխիթար Պապոյանը մեղադրողից հետաքրքրվեց, թե ինչու են պահանջում մեկ տարվա ազատազրկում, երբ անձը համարյա մեկ տարի անցկացրել է կալանավայրում։

Մեղադրողը դատավորի ինչպես այս, այնպես էլ մյուս հարցերին չպատասխանեց։

Խորհրդակցական սենյակից վերադառնալուց հետո դատավորը մերժեց բողոքը՝ ուժի մեջ թողնելով Լոռու մարզի ընդհանուր իրավասության առաջին ատյանի դատարանի դատավճիռը։

  • Տեղադրված .
  • Դիտումներ: 197
0
0
0
s2sdefault

Արայիկ Պապիկյանի պաշտպանյալի նկատմամբ հարուցված քրեական գործը կարճվել է

060.png

   Լոռու մարզի ընդհանուր իրավասության դատարանի դատավոր Լուսինե Աբգարյանն այսօր կարճել է պաշտպան Արայիկ Պապիկյանի պաշտպանյալ Արայիկ Մուրադյանի նկատմամբ հարուցված քրեական գործը։

   Արայիկ Մուրադյանը մեղադրվում էր սպանության փորձ կատարելու մեջ։

«Պաշտպանյալս, համաձայն գործի նյութերի, 4 անգամ   մարմնական վնասվածք էր հասցրել տուժողին, բայց թափանցող կամ ծանր վնասվածքներ չկային։ Ե՛ւ նախաքննության, ե՛ւ դատաքննության ընթացքում մենք պնդում էինք, որ սպանության փորձ չի եղել, պաշտպանյալս ուղղակի ցանկացել է, իր բառերով ասեմ, վախեցնել կամ կարգի հրավիրել։ Ցավոք սրտի,   այդ ընթացքում նաեւ մարմնական վնասվածք է հասցրել»,- ասում է Արայիկ Պապիկյանը։

Թե նախաքննության, եւ թե դատաքննության ընթացքում պաշտպանական կողմը պահանջել էր արարքը վերաորակել՝ Քրեական օրենսգրքի 112՝ (Ծանր մարմնական վնասվածք պատճառելը) կամ 113 հոդվածներով՝ թեթեւ մարմնական վնասվածք պատճառելը։

       Փոխարենը մեղադրանքի կողմը պնդել էր մեղադրանքը եւ միջնորդել՝ կիրառելով Քրեական օրենսգրքի 64 հոդվածը՝ այն է՝ օրենքով նախատեսվածից ավելի մեղմ պատիժ նշանակելը՝ Արայիկ Մուրադյանին դատապարտել 5 տարվա ազատազրկման։

   Այս գործով տուժողը պնդել էր, որ որեւէ բողոք չունի։

Դատավոր Լուսինե Աբգարյանը Արայիկ Մուրադյանի արարքը վերաորակել է ՔՕ 113 հոդվածով եւ, տուժողի բողոքի բացակայության հիմքով, քրեական հետապնդումը կարճել։

Շուրջ 1 տարի է Արայիկ Մուրադյանը գտնվում էր կալանքի տակ։

  • Տեղադրված .
  • Դիտումներ: 533
0
0
0
s2sdefault

Հաղորդագրություն Կարեն Կունգուրցևի գործի մասին

Kungurcev_Arayik.png

2018 թ. հուլիսի 20-ին ՀՀ Վճռաբեկ դատարանը կքննի Կարեն Կունգուրցևի գործով տուժողի իրավահաջորդի ներկայացուցիչ Արմինե Ֆանյանի և պաշտպան Արայիկ Պապիկյանի վճռաբեկ բողոքները:

Հիշեցնենք, որ գործը վերաբերում է շուրջ 5 տարի առաջ՝ 2013 թվականի հոկտեմբերի 13-ին Վանաձոր քաղաքում 15-ամյա հանդբոլիստ Դավիթ Հովակիմյանի դանակահարությանը, որի հետևանքով Դավիթը հիվանդանոցում մահացել էր:

Հելսինկյան ասոցիացիան իրականացրել է քրեական գործի ամբողջ ընթացքի մշտադիտարկում, ինչպես նաև Կունգուրցևին ապահովել փաստաբանական ծառայություններով:

Կ. Կունգուրցևին նախ առաջադրել էին մեղադրանք ՀՀ քրեական օրենսգրքի 104-րդ հոդվածի 1-ին մասով (սպանություն), հետագայում՝ նախաքննության ավարտին նրա մեղադրանքը փոփոխեցին և առաջադրեցին նոր մեղադրանք՝ ՀՀ քրեական օրենսգրքի 34-104.1 հոդվածով (սպանության փորձ):

Քրեական գործը քննվեց Լոռու մարզի առաջին ատյանի դատարանում դատավոր Ն. Հովակիմյանի նախագահությամբ: Գործով կայացավ ավելի քան 40 դատական նիստ, որը տևեց շուրջ 20 ամիս և ավարտվեց 2016 թ. ապրիլի 15-ին կայացված արդարացման դատավճռով:

Նույն օրը Կունգուրցևն ազատ արձակվեց դատարանի դահլիճից:

Մեղադրող դատախազը ներկայացրեց վերաքննիչ բողոք, որը Մանուշակ Պետրոսյան, Մհեր Արղամանյան, Մխիթար Պապոյան կազմով քննվեց 13 ամիս: Արդյունքում բեկանվեց արդարացման դատավճիռը, Կարեն Կունգուրցևին առաջադրվեց նոր մեղադրանք՝ ՀՀ քրեական օրենսգրքի 112-րդ հոդվածի 2-րդ մասի 14-րդ կետով, և նա դատապարտվեց ազատազրկման 7 տարի ժամկետով:

Կարենը նույն օրը կրկին կալանավորվեց:

Ազատության մեջ գտնվելու ժամանակաընթացքում Կարենը ամուսնացել էր, ծնվել էր նրա որդին, ում, ի հիշատակ սպանված պատանու, անվանել էին Դավիթ:

Կարեն Կունգուրցևը մշտապես պնդել է, որ ինքը դանակահարության հետ առնչություն չունի, ինքն անմեղ է, իրեն ստիպել են խոսոտովանել, բռնության են ենթարկել, որին մասնակցել են նախիկին ոստիկանապետի տեղակալ Անուբախ Համբարյանը, այլ բարձրաստիճան ոստիկաններ:

Կարենի կողմից հանցանքը կատարծ լինելու պաշտոնական վարկածին չեն հավատում նաև տուժողի իրավահաջորդը և նրա ներկայացուցիչը, ովքեր մշտապես պնդել են, որ Կարենը մեղավոր չէ, և որ նա չի կատարել հանցանքը:

Դեպքից կարճ ժամանակ անց, մինչ օրս մամուլում և սոցցանցերում ակտիվորեն շրջանառվում են լուրեր, որ Դավիթի դանակահարությունն իրականացրել է ԱԱԾ նախկին աշխատակցի որդին, ով գործով հանդես էր գալիս որպես վկա:

Քրեական գործը լայնորեն լուսաբանվել է ինչպես տեղական ԶԼՄ-ներով, այնպես էլ միջազգային իրավապաշտպան կազմակերպությունների զեկույցներում:

Հելսինկյան ասոցիացիա

  • Տեղադրված .
  • Դիտումներ: 1846
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association