Ոստիկանությունում չեն ծեծել, դիմել են «մարտավարական հնարքների»

Այսօր Կենտրոն և Նորք Մարաշ վարչական շրջանների ընդհանուր իրավասության դատարանում շարունակվել է քաղաքացի Ռոբերտ Հովսեփյանին Ոստիկանության Կենտրոնի բաժնում ծեծի ենթարկելու գործովդատաքննությունը: Դատական նիստը սկսվել է դատախազի ճառով: Վերջինս միջնորդել է Հովսեփյանին ծեծած երկու օպեր-լիազորներին՝ Խաչիկ Բախբուդարյանին և Արտակ Բարսեղյանին մեղավոր ճանաչել և ազատազրկել 4 տարով՝ 2 տարի նախկին աշխատանքին վերադառնալու արգելքով:


Դատախազն իր ճառում նկատել է նաև, որ օպեր-լիազորներն անցել են իրենց լիազորությունները՝ բերման ենթարկվածին ծեծելով՝ մի շարք գողությունների մեջ խոստովանություն կորզելու համար, ավելին՝ դա արել են հոկտեմբերի 3-ին, մինչդեռ խախտումով արձանագրության մեջ գրել են, թե Հովսեփյանին բերման են ենթարկել միայն հոկտեմբերի 4-ին:
Նշենք, որ խոշտանգված Հովսեփյանը մեղավոր է ճանաչվել գողություն կատարելու մեջ և դատապարտվել 7 տարվա ազատարկման:
Ինչպես Epress.am-ին փոխանցել է դատական նիստին ներկա Հելսինկյան ասոցիացիայի դիտորդ Զարուհի Հովհաննիսյանը, այսօրվա նիստին ճառել են ասել նաև օպեր-լիազորների պաշտպանները:
Արտակ Բարսեղյանի պաշտպան Լիպարիտ Սիմոնյանը դատարանին ասել է, որ ամբաստանյալները չեն ծեծել Հովսեփյանին, այլ միայն «մարտավարական հնարքների» են դիմել՝ փորձելով թույլ չտալ, որ նա փախնի ոստիկանության բաժնից:
Մյուս ամբաստանյալի պաշտան Արայիկ Ալավերդյանը, ասել է, որ այդ «մարտավարական հնարքներին» ամբաստանյալները դիմել են իրենց վերադասների հրահանգով:
Նշենք, որ դատարանի առջև օպեր-լիազորների հարազատները բողոքի ակցիա էին անցկանցում՝ պահանջելով արդար դատավճիռ և «անմեղ ամբաստանյալների ազատ արձակում»:
Հաջորդ դատական նիստը տեղի կունենա օգոստոսի 30-ին: ճառերով հանդես կգան ամբաստանյալները:

Տեղեկատվությունը` Epress.am-ի:

  • Տեղադրված .
  • Դիտումներ: 2152
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association