Հացադուլ հայտարարած կալանավորին չեն տեղափոխում համապատասխան խուց

Արդեն երկու օր է`«Նուբարաշեն» ՔԿՀ-ում գտնվող կալանավոր ՆարեկՍարգսյանը, ով կալանավորվել  է Խորենացու դեպքերի հետևանքով՝հայտարարել է հացադուլ, սակայն, ի հեճուկս բոլոր կանոնների`նա շարունակում է մնալ  խցում, որտեղ մեկ տասնյակից ավելի կալանավորներ կան:


Այդ մասին մեզ հետ զրույցում տեղեկացրեց Հելսինկյան ասոցիացիայի փաստաբան Արայիկ Պապիկյանը, ով Նարեկ Սարգսյանի պաշտպանն է:
«Քրեակատարողական հիմնարկում պաշտպանյալիս համապատասխան խուց չտեղափոխելու փաստով նրա  նկատմամբ ցուցաբերվում է անմարդկային վերաբերմունք»,- ասաց Արայիկ Պապիկյանը: