Խոշտանգմամբ կորզված ցուցմունքներ

dataran-xdr-broyani-datՀՀ Կենտրոն և Նորք Մարաշ վարչական շրջանների ընդհանուր իրավասության դատարանում քննվող`  Խդր Մամոյի Բրոյանի  վերաբերյալ ՀՀ քր. օր. 266 հոդվածի 3-րդ մասի 2-րդ կետով, 266 հոդվածի 4-րդ մասով, 268 հոդվածի 3-րդ մասով, 268 հոդվածի 2-րդ մասի 1-ին և 2-րդ կետերով, 165 հոդվածի 4-րդ մասով Սամվել և Մանվել Մարտիկի Ասատրյանների վերաբերյալ ՀՀ քր. օր. 266 հոդվածի 3-րդ մասի 2-րդ կետով, 266 հոդվածի 4-րդ մասով և 268 հոդվածի  3-րդ մասով,   քրեական գործի դատական քննության  ընթացքում ամբաստանյալներ` Խդր Բրոյանը, Մանվել և Սամվել Ասատրյանները  ցուցմունքներ են  տվել, որ քրեական գործի նախաքննության ընթացքում իրենց նկատմամբ  խորթ մեթոդներ են կիրառվել, ենթարկվել են խոշտանգումների, ծեծի և բռնության: Սպառնալիքի ազդեցության տակ տվել են  իրականությանը չհամապատասխանող  ցուցմունքներ:

 ՀՀ Ոստիկանության Երևան քաղաքի վարչության ձերբակալված անձանց պահելու վայրում, ինչպես նաև քրեակատարողական  հիմնարկում արձանագրվել են նրանց մարմնի վրա եղած մարմնական վնասվածքներ, սակայն նկատի ունենալով, որ իրենց մշտական ուղեկցել են ոստիկաններ, վախի ազդեցության տակ ցուցմունք են տվել, որ վնասվածքները ստացել են ընկնելու հետևանքով:  Խդր Բրոյանի, Մանվել և Սամվել Ասատրյանների պաշտպաններ Ռուզաննա Սիրեկանյանը և Հրանտ Գևորգյանը ՀՀ Վճռաբեկ դատարան բողոք են բերել՝ ամբաստանյալների խախտված իրավունքները վերականգնելու նպատակով բեկանել 25.07.2011թ. ՀՀ վերաքննիչ քրեական դատարանի կողմից կայացրած որոշումը   և կայացնել նոր դատական ակտ: Վճռաբեկ բողոքը դեռևս քննության չի առնվել:

 

Անտեսելով ամբաստանյալների՝ դատարանի դահլիճում արված հայտարարությունները խոշտանգումների հետևանքով կորզված ցուցմունքների վերաբերյալ՝ 2011թ. օգոստոսի 26-ին, ժամը 12 :50-ին, Կենտրոն և Նորք-Մարաշ վարչական շրջանների ընդհանուր իրավասության դատարանը դատավոր Գ. Ավետիսյանի նախագահությամբ հրապարակեց դատավճիռ, որով Խդր Մամոյի Բրոյանին դատապարտեց 12 տարվա, Մանվել և Սամվել Ասատրյաններին՝ 10 տարվա ազատազրկման:

  • Տեղադրված .
  • Դիտումներ: 2759
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association