Տեղեկանք Կառլեն և Արտակ Սարգսյանների գործով

Դատական նիստին 27.08.2013թ հարցաքննվեցին հրամանատարի տեղակալը անձնակազմի գծով՝ Սամվել Խաչատրյանը և մայոր Վահրամ Հայրապետյանը: Դատարանում Ս.Խաչատրյանը հայտնեց, որ իր տեղեկությունը միայն տուժողի խոսքերից են , նա անձամբ դեպքի վայրում չի եղել , և այն ինչ հայտնում է ՝ հայտնում է միայն տուժող Դավիթ Մկրտչյանի խոսքերից:

Ս.Խաչատրյանը դատարանում նաև հայտնեց, որ տուժող Դավիթ Մկրտչյանը այլ քրեական գործով էլ նախկինում դատապարտվել է: Մեղադրողը առարկում էր, որպեսզի Ս.Խաչատրյանը այդ հարցին պատասխաներ, սակայն դատարանը կարևորեց այդ հանգամանքը , քանի որ դա բնութագրում է նաև տուժողի անձը: Նույնաբովանդակ ցուցմունք տվեց նաև մայոր Վահրամ Հայրապետյանը, ով ևս նշեց, որ այն ինչ հայտնում է դատարանում լսել է տուժողից և նրա տեղեկության աղբյուրը Դավիթ Մկրտչյանն է:


Հիշեցնենք, որ տուժող Դ.Մկրտչյանը նախաքննության ժամանակ հայտնել էր, թե երեք զինծառայողներից Մանուկ Մարգարյանը բռնել է իր ձեռքերը , որպեսզի Արտակ և Կառլեն Սարգսյանները հարվածներ հասցնեն իրեն: Սակայն հետագայում առերես հարցաքննությունների ժամանակ նա նշել էր, որ իրականում չի տեսել Արտակ Սարգսյանի հարվածը , այլ ենթադրում է, որ Արտակն էլ է հարվածել , քանի որ Արտակի կանգնած կողմից էլ է հարված ստացել:Իսկ Մանուկ Մարգարյանի գործողությունները գնահատել է այդպես , քանի որ ըստ Դ.Մկրտչյանի՝ <<եթե Մանուկը բաժաներ, ապա մեջտեղում կկանգներ>>: Նույնը տուժողը պնդեց նաև դատարանում ՝ այսինքն , որ չի տեսել Արտակ Սարգսյանի հարվածը , այլ միայն ենթադրում է , որ վերջինս հարվածել է իրեն:


Քանի որ դատավոր Ռ.Մելքոնյանը գտնվելու է ամենամյա արձակուրդում, ուստի հաջորդ դատական նիստը տեղի կունենա սեպտեմբերի 24-ին :

  • Տեղադրված .
  • Դիտումներ: 1589
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association