ԽԱՊԿ-ն ներկայացրեց 2-րդ եռամսյակային զեկույցը

Ա.Մելիքյան  լուսանկարը http://www.a1plus.am-իԱյս եռամսյակում արձանագրվել է լրագրողների նկատմամբ ֆիզիկական բռնության 2 դեպք` ի տարբերություն նախորդ եռամսյակի, երբ ոչ մի դեպք չի դիտվել:2011թ. հուլիսի 19-ին, լրատվական դաշտում տեղի ունեցած խախտումները ամփոփելիս` Խոսքի ազատության պաշտպանության կոմիտեի նախագահ Աշոտ Մելիքյանը հայտարարեց, որ դիտվել է ընդհանուր առմամբ 10 իրավախախտում:

Ֆիզիկական բռնության առաջին դեպքը ապրիլի 21-ին “Հրապարակ” օրաթերթի դեմ “Զինվոր” ՀԿ-ների համագործակցության իրավապաշտպան համակարգող խորհրդի նախագահ Մարգարիտա Խաչատրյանի ագրեսիվ վերաբերմունքն է:

Երկրորդ դեպքը նույնպես տեղի է ունեցել ապրիլին, երբ “Հրազդան” ստադիոնում ֆոտոլրագրող Աշոտ Առուշանյանին հարվածել է Երևանի “Արարատի” գլխավոր մարզիչ Արկադի Անդրեասյանը:

Աշոտ Մելիքյանն անդրադարձավ նաև “Ա1+” հեռուստաընկերության գործով Եվրադատարանի 2008թ որոշմանը, որը մինչ օրս ՀՀ իշխանությունները կյանքի չեն կոչել. “Մենք համարում ենք այն մրցույթը, որը տեղի ունեցավ հեռարձակման ոլորտում, ամենևին էլ չէին արտահայտում այն սպասելիքները, որոնք կային”:

Հաշվետվության մեջ նշվում է, որ ԶԼՄ-ների և նրանց աշխատակիցների նկատմամբ ճնշումների 6 դեպք է գրանցվել` առաջին եռամսյակի 15-ի փոխարեն: Իսկ տեղեկություններ ստանալու և տարածելու իրավունքի խախտումների դեպքերն ընդամենը 2-ն են եղել, ինչը կրկնակի քիչ է նախորդ եռամսյակի համեմատությամբ:

Թեև հաշվետվությունը վերաբերում էր երկրորդ եռամսյակին, Աշոտ Մելիքյանը անդրադարձավ նաև Գյումրիի “Գալա” հեռուստաընկերության հետ կապված վերջին իրադարձություններին, երբ Վճռաբեկ դատարանը մերժեց հեռուստաընկերության հայցը:

Այնուամենայնիվ “Գալա” հեռուստաընկերության լրագրող Արմենուհի Վարդանյանը նշում է, որ իրենք պայքարելու են մինչև վերջ և ցավով ավելացնում. “Մեր երկրում շատ դժվար է գործել ազատ: Ցանկացած պարագայում փորձում են ամեն ինչ անել, որ լռեցնեն լրագրողին, որպեսզի լրատվամիջոցը կամ չաշխատի, կամ էլ աշխատի ինչ-ինչ գրաքննությամբ”: 

Տեղեկատվությունը http://www.a1plus.am

  • Տեղադրված .
  • Դիտումներ: 2271
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association