Բողոքի ցույցը շարունակվում է

IMG 0705Այս պահի դրությամբ Էլեկտրաէներգիայի թանկացման դեմ պայքարողները շարունակում են իրենց խաղաղ նստացույցը Բաղրամյան պողոտայում։

Հիշեցնենք, որ բողոքի ակցիաները սկսել են հունիսի 19-ից: Որոշված էր անցկացնել երթ, սակայն հանրահավաքից հետո մարդիկ որոշում են չհեռանալ Ազատության հրապարակից այնքան ժամանակ, քանի դեռ չեղյալ չհայտարարվի էլեկտրաէներգիայի թանկացման մասին որոշումը: Որոշվում է կայացվում՝ նստացույց անել մինչև հունիսի 22-ը, որից հետո, եթե իշխանությունների կողմից որևէ քայլ չարվի, երթով շարժվել դեպի Բաղրամյան պողոտա՝ նախագահի նստավայրին մոտ: Դրանից հետո ոստիկանները հրելով մտել են ցուցարարների շարքերը, սպառնալով ուժ կիրառել՝ հրապարակից կհեռանալու դեպքում: 2 օր Ազատության հրապարակում գիշերելուց հետո, հունիսի 22-ին հավաքի մասնակիցները ինչպես և որոշված էր շարժվում են դեպի Բաղրամյան պողոտա և գիշերը լուսացնում այնտեղ: Հունիսի 23-ի վաղ առավոտյան ոստիկանությունը ջրցան մեքենաների միջոցով և ուժի կիրառմամբ ցրում է հավաքը: Քաղաքացիների մի մասը տարբեր աստիճանի վնասվածքներով, կապտուկներով և սալջարդներով տարվում է հիվանդանոցներ, մյուս մասը ոստիկանական բաժանմունքներ: Այս ընթացքում ոստիկանական ուժերի կողմից հավաքի մասնակիցներին և ԶԼՄ ներկայացուցիչներին հասցվել է ոչ միայն առողջական, այլև նյութական վնաս, մասնավորապես մարդկանց ծեծելուց, սպառնալուց և հայհոյելուց բացի, լրագրողների ձեռքերից խլվել են և կոտրվել տեսախցիկներ, պատռվել լրագրողական վկայականներ: Պատահել են դեպքեր, երբ բժիշկը հրաժարվել է օգնություն ցուցաբերել տուժածին: humanrightstv.am կայքում կարող եք ծանոթանալ պարբերաբար թարմացվող տեսանյութերին և ստանալ լրացուցիչ տեղեկատվություն:



  • Տեղադրված .
  • Դիտումներ: 1515
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association