Փակել են մայրաքաղաք տանող ճանապարհները

Մարզերից դեպի Երեւան տանող բոլոր ճանապարհները վերահսկվում են, միջքաղաքային տրանսպորտը, ինչպես նաեւ մասնավոր տաքսի ծառայությունները չեն աշխատում։ Այս մասին "Ա1+" լրատվական կայքին տեղեկացրել է ՀՀ առաջին նախագահ, ընդդիմադիր ուժ Հայ ազգային կոնգրեսի առաջնորդ /ՀԱԿ/ Լեւոն Տեր-Պետրոսյանի մամուլի խոսնակ Արման Մուսինյանը։Ըստ նրա՝ վաղ առավոտվանից արդեն փակ են եղել Տավուշ մարզից, Արմավիրից, էջմիածնից Երեւան տանող ճանապարհները։ Նրա փոխանցմամբ՝ Գավառի մայրուղու վրա ձեւավորվել է ՃՈ պահակակետ, որտեղ կանգնեցնում են հասարակական տրանսպորտով եւ տաքսիներով մայրաքաղաք եկող քաղաքացիներին եւ նրանց ետ դարձնում։ Արման Մուսինյանը "Ա1+"-ի հետ հեռախոսազրույցում ասել է, որ այս ամենը հետապնդում է մեկ նպատակ՝ թույլ չտալ ազգաբնակչությանը մասնակցել սեպտեմբերի 9-ին Երեւանի Ազատության հրապարակում ժամը 19-ին կայանալիք ՀԱԿ հանրահավաքին։ Մարզերի բնակիչների՝ հանրահավաքին մասնակցելու մտադրությունը իշխանությունները փորձում են կանխել դեռ երեկվանից։ "Ոստիկանության աշխատակիցները երեկ այցելել են մեր մարզային կառույցների ղեկավարներին եւ ակտիվիստներին ու հորդորել չմասնակցել այսօր կայանալիք ՀԱԿ հանրահավաքին։ Շատերին հրավիրել են ոստիկանություն եւ "բացատրական աշխատանք" տարել",-նշել է Արման Մուսինյանը։  

Ոստիկանությունը շարունակում է ճնշել ժողովրդին

ՀԱԿ գրասենյակից փոխանցում են, որ ոստիկանապետերը անձամբ են վերահսկում բնակիչների հոսքը դեպի մայրաքաղաք կասեցնելու օպերացիան:Արդեն ահազանգ է ստացվել, որ Ճամբարակում առավոտից ոստիկանները չեն թողնում շարժվել դեպի Երեւան եկող գազելները: Ընդ որում` գազելները լիքն են ուղեւորներով, որոնք ոչ թե գալիս են մասնակցելու հարհավաքին,  այլ ամեն մեկն իր անձնական գործերով:

տեղեկատվությունը http://www.a1plus.am
  • Տեղադրված .
  • Դիտումներ: 1903
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association