Միքայել Դանիելյան. Սա զինվորա-ոստիկանական քրեական պետություն է

Mikayel-Danielyan---ChairmanՁերբակալված, ապա ազատ արձակված Տիգրան Խաչատրյանի նկատմամբ քրեական հետապնդման դադարեցման փաստը մեծ արձագանք է առաջացրել հասարակական շրջանակներում:
Շատերի համար ի սկզբանե պարզ էր, որ իշխանական վերնախավի ներկայացուցիչների համար ստեղծված անպատժելիության մթնոլորտում Սյունիքի նախկին մարզպետի որդին պետք է ազատ արձակվեր, շատերն էլ վրդովված են Սյունիքի նախկին մարզպետի՝ Լիսկայի որդու ազատման փաստից, հասարակության այդ ներկայացուցիչները պնդում են, որ դա բացահայտ արհամարհանք է արդարադատության նկատմամբ, որ մեր երկրում արդարադատությունը իրականացվում է ընտրողաբար, սպանություն կատարած անձին կարող են ազատ արձակել առանց հիմնավորման, իսկ ընդդիմադիր ակտիվիստին կարող են դատապարտել մի քանի տարվա ազատազրկման՝ միմիայն նրա քաղաքական հայացքների պատճառով:
Հասարակությանը մտահոգող այս հարցերով դիմեցինք Հելսինկյան քաղաքացիական ասոցիացիայի ղեկավար Միքայել Դանիելյանին:
-Պարոն Դանիելյան, ինչպե՞ս եք վերաբերվում Ավետիք Բուդաղյանի սպանության գործով ձերբակալված Տիգրան Խաչատրյանի ազատմանն ու քրեական հետապնդման դադարեցմանը:
-Ես ասել եմ, մի անգամ ևս ասեմ, ես այդ հարցով չեմ հետաքրքրվում, ինձ չեն հետաքրքրում իշխանության վերին օղակների և օլիգարխների միջև ռազբորկեքը:
-Հասարակության մեջ կա կարծիք, որ դա ուղղակի արհամարհանք է արդարադատության և հասարակության նկատմամբ, երբ մարդասպանին կարող են ազատ արձակել, իսկ, օրինակ, Տիգրան Առաքելյանի նման ընդդիմադիր ակտիվիստին կարող են ձերբակալել և վեց տարվա ազատազրկման դատապարտել միայն իր քաղաքական հայացքների և դիրքորոշման պատճառով:  Ի՞նչ կասեք այս մասին:
-Հասարակությունը նո՞ր է իմացել, որ իրեն արհամարհում են, հասարակությունը պետք է իմանար, որ իրեն արհամարհում են այն ժամանակ, երբ մարտի 1-ի կատարողներից ոչ մեկը չի դատապարտվել, ոչ թե՝ որ Խաչատրյանին բաց են թողել, թե ոչ:
Ծիծաղելի է այժմ խոսել արդարադատության վիճակի մասին, դրա վրա սարքված է ամբողջ երկիրը: Տիգրան Առաքելյանը մարդ է, որն ընդդիմադիր է, և դրա համար նստել է բանտում: Զարմանում եմ, որ մարդիկ դեռ զարմանում են այսպիսի բաների վրա: Մենք ապրում ենք մի երկրում, որտեղ ամեն ինչ այդպես էլ պետք է լինի: Մեր երկիրը զինվորա-ոստիկանական քրեական պետություն է, բա ուրիշ ի՞նչ էիք ուզում, ուզում եք, որ մեր ընդդիմության ներկայացուցիչներին բաց թողնեն, իսկ իշխանության ներկայացուցիչներին դատե՞ն: Այդպիսի բան չկա: Ես դրա համար եմ ասում՝ մարտի 1-ի մասին պետք հիշել, այլ ոչ թե՝ որ Խաչատրյանի տղային բաց են թողնում:
 
Տեղեկատվությունը՝ iLur.am-ի: 
  • Տեղադրված .
  • Դիտումներ: 1618
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association