Warning: getimagesize(/home/hrtv/public_html/hahr/images/167143.jpg): failed to open stream: No such file or directory in /home/hrtv/public_html/hahr/plugins/content/social2s/social2s.php on line 1659

Փաստաբանի միջնորդությունը բավարարվել է՝ հարուցվել է քրեական գործ.

 

1671432013 թվականի մայիսի 18-ին Լիլիթ Նալբանդյանի ծննդօգնությունը կազմակերպելու նպատակով տեղափոխել են “Վանաձորի բժշկական կենտրոն” ՓԲԸ-ի ծննդատան բաժանմունք: Մայիսի 19-ին, ժամը 01.00-02.00-ի սահմաններում նա ծննդաբերում է, որից կարճ ժամանակ անց Լիլիթի առողջական վիճակը կտրուկ վատթարանում է:

 

Ներկայումս Լ. Նալբանդյանը գտնվում է Երևանի “Էրեբունի” բժշկական կենտրոնում և մայիսի 19-ից մինչ օրս նա գտնվում է կոմայի մեջ: Նրան մինչ օրս պահում են արհեստական ճանապարհով՝ համապատասխան բուժսարքավումների միջոցով:
Քննիչի որոշմամբ 2013 թ. մայիսի 31-ին նշանակվել է դատաբժշկական փորձաքննություն, որ վերաբերյալ եզրակացությունը ստացվել է միայն սեպտեմբերի 10-ին: Փորձաքննությունը կատարվել է թերի և ոչ լիարժեք մասնագիտական, նրանում ներկայացված հետևությունները կասկածելի են և արժանահավատ չեն. փորձագետները փորձել են կոծկել բժիշկների անօրինական գործողություններն ու անգործությունը:
Մասնավորապես փորձագետները նշել են, որ Լ. Նալբանդյանի մոտ առաջացել է թրոմբոէմբոլիա, որն ըստ Լիլիթի հարազատների չի համապատասխանում իրականությանը:
Լիլիթի ամուսինը՝ Արտակ Բարսեղյանը դիմել է քննիչին՝ պահանջելով նշանակել կրկնակի փորձաքննություն և փորձաքննության կատարմանը մասնակից դարձնել իրեն և իր կողմից հրավիրված փորձագետին: Դիմումը բավարարվել է, և սեպտեմբերի 25-ին նշանակվել է կրկնակի հանձնաժողովային փարձաքննություն:

Հաշվի առնելով այն հանգամանքը, որ շուրջ 6 ամիս չկար հարուցված քրեական գործ, ինչը խնդիրներ կարող էր առաջացնել Լիլիթի իրավունքների պաշտպանության հարցում, Հելսինկյան ասոցիացիա իրավապաշտպան կազմակերպության փաստաբան Արայիկ Պապիկյանը հոկտեմբերի 16-ին դիմել է քննիչին՝ միջնորդելով հարուցել քրեական գործ:
Փաստաբանի միջնորդությունը բավարարվել է և քննիչի որոշմամբ հարուցվել է քրեական գործ՝ “Բժշկական սպասարկում իրականացնողների կողմից մասնագիտական պարտականությունները ոչ պատշաճ կատարելու հետևանքով Լիլիթ Գարեգինի Նալբանդյանի առողջության անզգուշությամբ ծանր վնաս պատճառելու դեպքի առթիվ հարուցել քրեական գործ՝ ՀՀ քրեական օրենսգրքի 130-րդ հոդվածի 1-ին մասով” (Բժշկական օգնություն և սպասարկում իրականացնողների կողմից մասնագիտական պարտականությունները չկատարելը կամ ոչ պատշաճ կատարելը՝ դրանց նկատմամբ անփույթ կամ անբարեխիղճ վերաբերմունքի հետևանքով, եթե բուժվող հիվանդի առողջությանն անզգուշությամբ պատճառվել է ծանր կամ միջին ծանրության վնաս՝ պատժվում է տուգանքով՝ նվազագույն աշխատավարձի հարյուրապատիկից երկուհարյուրապատիկի չափով, կամ կալանքով՝ առավելագույնը երեք ամիս ժամկետով):

 

 

  • Տեղադրված .
  • Դիտումներ: 1404
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association