Warning: getimagesize(/home/hrtv/public_html/hahr/images/Կունգուրցև.jpg): failed to open stream: No such file or directory in /home/hrtv/public_html/hahr/plugins/content/social2s/social2s.php on line 1659

Կարեն Կունգորցեվի քրեական գործը նոր ընթացք ստացավ. տեսանյութ

ԿունգուրցևՎանաձորում տեղի ունեցած սպանության մեջ մեղադրվող Կարեն Կունգորցևի մեղադրանքը փոխվել է, այդ մասին հայտնել է Հելսինկյան ասոցիացիայի փաստաբան Արայիկ Պապիկյանը, ով իրականացնում է մեղադրյալի շահերի պաշտպանությունը: Եթե նախկինում նրան մեղադրում էին դիտավորյալ սպանության հոդվածով, ապա հիմա սպանության փորձի: Սակայն սա միակ փոփոխությունը չի, որը տեղի է ունեցել այս գործով․



սույն թվականի օգոստոսի 26-ին ձերբակալվել է «Վանաձոր» բժշկական կենտրոնի վիրաբուժական բաժանմունքի վարիչ՝ Վլադիմիր Ղուկասյանը, վերջինիս մեղադրանք է առաջադրվել մասնագիտական պարտականությունների նկատմամբ անբարեխիղճ վերաբերմունք դրսևորելու և դրանք ոչ պատշաճ կատարելու հետևանքով անզգուշությամբ բուժվող հիվանդի մահն առաջացնելու համար:
Այս քրեական գործով Հելսինկյան ասոցիացիան լրագողական հետքննություն էր կատարել, որի արդյունքում պարզվել էր, որ Կարեն Կունգորցևը ենթարկվել է խոշտանգումների՝ ինքնախոստովանական կորզելու նպատակով, բայց միևնույն է վերջինս չի ընդունել և չի ընդունում մեղքը, ավելին այն փաստը, որ նա առնչություն չունի դեպքին երևում է և ոստիկանության տարածած տեսանյութից: Նախաքննության մարմինը շուրջ տաս ամիս անհիմն մեղադրանքով Կ․Կունգորցևին պահում է կալանքի տակ, և իրական հանցագործին գտնելու փոխարեն, բժիշկին է ձերբակալում, այդպիսով աջակցելով իրական հացագործին խուսափել պատասխանատվությունից։
Այլ դեպքում կարելի էր փաստել, որ նախաքննության մարմինը բազմակողմանի քննություն է իրականացրել և գտել ևս մեկ մեղավոր անձի, որ մեղադրյալի մեղադրանքը մեղմացվել է, եթե․․․
Եթե դեռևս 2013 թվականի հոկտեմբերի 25-ին՝ դեպքից տասներկու օր անց, Հելսինկյան քաղաքացիական ասամբլեայի Վանաձորի գրասենյակի ղեկավար՝ Արթուր Սաքունցը, սույն գործով tert.am-ին տրված հարցազրույցում, նշելով նախաքննության մարմնի «մենթական մոտեցման» մասին, չհայտներ իր մտահոգությունը արդյո՞ք սպանվածին պատշաճ բժշկական օգնություն ցուցաբերվել է, թե ոչ։ Ի դեպ այդ նույն հարցազրույցում վերջինս նշել էր, որ «КГБ-ի Արտակի 16-ամյա որդին եղել է երևանցի մարզիկների հետ կռվի մտած վանաձորցիների խմբում», չնայած ընթերցելով հարցազրույցը հասկանալի չէ, թե ինչու է իրավապաշտպանը հայտնում այդ մասին, բայց Վանաձորում լուրեր են տարածված, որ 15 ամյա տղային սպանել է ԱԱԾ-ի աշխատակցի որդին, սրա մասին նաև հրապարակվել էր այսօր news.am կայքում։ 





 Տեսանյութը՝ epress.am-ի  etv-ի համար։



  • Տեղադրված .
  • Դիտումներ: 1729
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association