նորություններ

096.jpg
2018 թվականի Նոբելյան խաղաղության մրցանակը կիսել են Դենիս Մուքվեգեն և Նադիա Մուրադը։ Այն նրանց շնորհվել է «իրենց ջանքերի համար՝ վերջ տալու սեռական բռնությանը, որն օգտագործվում է որպես զենք պատերազմի և ռազմական բախումների ժամանակ»։
Երկու դափնեկիրներն էլ հսկայական ներդրում են ունեցել պատերազմական հանցագործությունների վրա ուշադրություն հրավիրելու և դրանց դեմ պայքարելու գործում։ Դենիս Մուքվեգեն իր կյանքը նվիրել է այդ հանցագործություններից տուժածներին օգնություն տրամադրելուն։ Նադիա Մուրադն ինքն է եղել պատերազմական հանցագործության զոհ։ Նա պատմում է իր և ուրիշների հետ տեղի ունեցած դաժանությունների մասին։ Նրանք երկուսն էլ արել են ամեն բան պատերազմի ժամանակ սեռական բռնություններն ավելի տեսանելի դարձնելու համար, որպեսզի մեղավորները պատասխանատվության ենթարկվեն իրենց գործողությունների համար։
Դենիս Մուքվեգեն իրականացնում էր օրվա մեջ իր երկրորդ վիրահատությունը, երբ լսեց, որ արժանացել է 2018թ․ Նոբելյան խաղաղության մրցանակին։ Իսկ դափնեկիրների անունների հայտարարման ժամանակ Նադիա Մուրադը Քեմբրիջում էր՝ Մասսաչուսեթսում։
Նադիա Մուրադը ծագումով եզդի իրաքցի իրավապաշտպան է, թմրանյութերի և հանցագործությունների գծով ՄԱԿ-ի բարի կամքի դեսպան։ Նա արժանացել է Վ․ Գավելի անվան մարդու իրավունքների և Ա․ Սախարովի անվան ազատ մտքի մրցանակին։ 2016թ․ Time ամսագրի կողմից ներառվել է աշխարհի 100 ազդեցիկ կանաց ցուցակում։ Կարևորելով Նադիա Մուրադի գործունեությունը Իսլամական պետության կողմից վերահսկվող տարածքում եզդի կանանց սպառնացող իրավիճակի մասին միջազգային հանրությանը տեղեկացնելու գործունեությունը՝ Իրաքի կառավարությունը 2016թ․ առաջադրել է նրա թեքնածությունը Նոբելյան խաղաղության մրցանակին։
Մանրամասներն անգլերենով տես՝ https://www.nobelprize.org/prizes/peace/2018/summary/
  • Տեղադրված .
  • Դիտումներ: 13
0
0
0
s2sdefault
095.jpg

Վացլավ Հավելի մարդու իրավուքների 6-րդ մրցանակին, որը շնորհվում է քաղաքացիական հասարակությունում մարդու իրավուքների պաշտպանության ակնառու գործունեության համար, շնորհվել է Չեչնիայի (ՌԴ) Memorial մարդու իրավունքների կենտրոնի Գրոզնիի գրասենյակի ղեկավար Օյուբ Տիտիևին։ Մրցանակի հանձնման արարողությունը տեղի է ունեցել այսօր Ստրասբուրգում՝ ԵԽԽՎ աշնանային լիագումար նիստի ժամանակ։

Օյուբ Տիտիևը, ով գտնվում է կալանքի տակ 2018թ․ հունվարից, հայտնի իրավապաշտպան է։ Նա մեծ ներդրում է ունեցել տարածաշրանում մարդու իրավուքների պաշտպանության գործում՝ բարձրաձայնելով տեղի իշխանությունների կողմից իրավախախտումները։ Քանի որ Տիտիևն անազատության մեջ է, մրցանակը հանձնվել է Ալեքսանդր Չերկասովը՝ Memorial մարդու իրավունքների կենտրոնի Գրոզնիի գրասենյակի խորհրդի նախագահին։

Վացլավ Հավելի անվան մարդու իրավունքների մրցանակը տրվում է ամեն տարի Խորհրդարանական վեհաժողովի կողմից ՝ Վացլավ Հավելի անվան գրադարանի և Խարտիա 77 հիմնադրամի հետ համագործակցությամբ։ Այն շնորհվում է Եվրոպայում և նրա սահմաններից դուրս մարդու իրավունքների պաշտպանության գործում ակնառու քաղաքացիական –հասարակական գործունեության համար: Մրցանակին կարող են արժանանալ իրավապաշտպանությամբ զբաղվող անհատներ, ոչ կառավարական կազմակերպություններ կամ հաստատություններ։

Առավել մանրամասն՝ http://assembly.coe.int/nw/xml/News/News-View-EN.asp?newsid=7218&lang=2&cat=37։

  • Տեղադրված .
  • Դիտումներ: 12
0
0
0
s2sdefault
090.jpg

2018թ. մայիսին Հայաստանում իշխանության խաղաղ փոխանցումն իսկապես ուշագրավ էր: Այնուամենայնիվ, շատ բարձր են հանրային ակնկալիքները, որ մարդկանց կյանքում շոշափելի բարելավումներ կլինեն: Կառավարությունը պետք է ուշադրություն դարձնի առավել խոցելի անձանց երկար ժամանակ անտեսված իրավունքների պահպանմանը», - ասաց Մարդու իրավունքների Եվրոպական խորհրդի հանձնակատար Դունյա Միյատովիչը՝ ամփոփելով սեպտեմբերի 15-ից 20-ը Հայաստան կատարած այցի ընթացքը, որը կենտրոնացած էր կանանց իրավունքների, գենդերային հավասարության և ընտանեկան բռնության, տարբեր անապահով և խոցելի խմբերի անձանց մարդու իրավունքների, ինչպես նաև անցյալում տեղի ունեցած մարդու իրավունքների խախտումների համար պատասխանատվության հետ կապված հարցերին:

Հանձնակատարն ուշադրություն է դարձրել կանանց իրավունքներին և նրանց քաղաքական մասնակցության հարցերին: «Կանանց մասնակցությունը Հայաստանի հասարակական կյանքին պետք է ավելի արդյունավետորեն խթանվի, հատկապես որոշումների կայացման բարձր մակարդակներում և տեղական մակարդակում, որտեղ նրանց մասնակցությունը հատկապես ցածր է»: Ժամանակավոր հատուկ միջոցառումները, ինչպիսիք են պարտադիր քվոտաները, կարող են օգտակար լինել կանանց և տղամարդկանց գործունեության ոլորտների կարգավորման համար: Հանձնակատարը խորհուրդ է տալիս կանանց մասնակցության համար կոնկրետ և հավակնոտ նպատակներ հետապնդել, ներառյալ տեղական ընտրությունների համար: «Իշխանությունները նույնպես պետք է ավելին անեն, որպեսզի կանայք և աղջիկներն ակտիվ մասնակցություն ունենան քաղաքական կյանքում, նրանք պետք է աջակցեն կանանց հավասարության և՛ կին և՛ տղամարդ դերակատարներին և կողմնակիցներին, և խթանեն խտրական կարծրատիպերից ազատ գենդերային հավասար կրթական միջավայրի ստեղծմանը», - ասում է Գերագույն հանձնակատար Միյատովիչը:

Ամբողջական նյութը տե՛ս հետևյալ հղումով ՝  https://bit.ly/2OOBsYS

  • Տեղադրված .
  • Դիտումներ: 33
0
0
0
s2sdefault

Շնորհավո՛ր տոնդ, Հայաստան։

089.jpg
Անկախության սերնդի հպարտ ներկայացուցիչ լինելով՝ անկախության կարևորությունը տեսնում եմ պապերիս ու ծնողներիս հայացքում ու խոսքերում։ Դարեր շարունակ տանջված ու օտարի լծի տակ ապրած իմ ժողովուրդն արդեն 27 տարի է հպարտությամբ վայելում է իր ազատ երկրի ամեն բացվող առավոտը։ Այս տարի ազատությունն ու անկախությունն էլ ավելի են արժևորվել մեզ՝ հայոց աշխարհի հպարտ քաղաքացիներիս համար։ Մեր ազատատենչ ոգին ևս մեկ անգամ ապացուցեց, որ հայը այլևս երբեք չի խոնարհի իր գլուխը, այլ միշտ բաց ճակատով ու միասնական ոգով կանցնի իր ճամփան։ Շնորհավո՛ր տոնդ, ի՛մ ազատ ու անկախ Հայաստան։

Արփինե Մաթևոսյան, կամավոր
  • Տեղադրված .
  • Դիտումներ: 53
0
0
0
s2sdefault

Շնորհավո՛ր տոնդ, Հայաստան։

088.jpg

Ինչպես գրում է Կոնգոյի Հանրապետության ազատագրական շարժման գործիչ Պատրիս Լումումբան․ «Միակ բանը, որ մենք ցանկանում էինք մեր երկրի համար արժանապատիվ կյանքի, առանց կեղծավորության արժանապատվության, առանց սահմանների անկախության իրավունքն էր: Կգա մի օր, երբ պատմությունը կասի իր խոսքը»: Հայաստանում այդ օրը եկել է: Մենք ամեն օր ենք ամրապնդում մեր անկաախությունն ու արժանապատվությունը:

Հովհաննա Թորոսյան

  • Տեղադրված .
  • Դիտումներ: 51
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association