Հայտարարություններ

Նախաքննական մարմինն արհամարհում է դատարանի նախադեպային որոշումը

     Երեւան քաղաքի առաջին ատյանի ընդհանուր իրավասության դատարանի դատավոր Հարություն Մանուկյանն ամիսներ առաջ աննախադեպ  որոշում է կայացրել․ նա   ճանաչել է արդեն 10 տարի առաջ, ըստ պաշտոնական վարկածի, գլխուղեղում կայծակնային կերպով առաջացած ուռուցքից մահացած Արթուր Ղազարյանի մոր՝ Իրինա Ղազարյանի իրավունքների խախտման փաստը  եւ պարտավորեցրել վարույթն իրակացնող մարմնին  նրան տրամադրել  գործի նյութերը։ Արթուրի ծնողները երկար  ժամանակ է, ինչ պարբերաբար բարձրաձայնում են՝ իրենց որդուն սպանել են։ Վերաբացված գործի նյութերին ծանոթանալու բողոքը դատարան էր ներկայացրել   «Հելսինկյան ասոցիացիա» ՀԿ փաստաբան Արայիկ Պապիկյանը։ 

   Այս որոշումը դատավորը կայացրել էր կողմերի բավականին երկար քննարկումներից հետո։ Փաստաբանն սա շրջադարձային եւ իրավունքի զարգացման տեսանկյունից բավականին լուրջ քայլ են համարում,  քանի որ իրավապահ մարմինները, դատախազությունը եւ քննչական մարմինները, կայուն ձեւավորված պրակտիկայի համաձայն, նախաքննության գաղտնիքի անվան տակ, գործի նյութերը չէին տրամադրում տուժող կողմին։

   Դատախազությունն էլ չբողոքարկեց որոշումը եւ այն մտավ օրինական ուժի մեջ։

Սակայն մեր իրավապահ համակարգի ներկայացուցիչները կարծես արհամարհում են այս նախադեպային որոշումը։ Նախաքննական մարմինը բավարարվել է Արթուր Ղազարյանի մասով գործի նյութերը միայն տուժող կողմին տրամադրելով։ Մյուս գործերով գործում է նույն ձեւավորված պրակտիկան։

   Փաստաբանը զբաղվում է նաեւ 2018 թ․ մայիսի 6-ին սահմանամերձ Տավուշի «Մեհրաբներ» զորամասում սպանված զինծառայող, արմավիրցի Լևոն Թորոսյանի գործով։

  Ըստ պաշտոնական վարկածի՝ Լեւոն Թորոսյանին ինքնասպանության են դրդել։ Սակայն  հարազատները չեն հավատում այդ վարկածին։ Լեւոնի մարմնի վրա առկա են եղել բազմաթիվ վնասվածքներ, արյունազեղումներ, կապտուկներ։

Այս գործով եւս գործում են սահմանափակումները։    Քննիչը հրաժարվել է տուժող կողմին ծանոթացնել իրենց կողմից վկայակոչված վկայի հարցաքննության արձանագրությանը, իսկ հետագայում մերժել է նաև գործի նյութերին ծանոթանալու մասին միջնորդությունը։   

   Քննիչի որոշումներն Արայիկ Պապիկյանը  բողոքարկել է  հսկող դատախազին՝ բողոքին կցելով նաեւ նմանատիպ գործով դատարանի կայացրած որոշումը։ Որքան էլ զարմանալի է, դատախազը ոչ միայն մերժել է բողոքը, այլ նաեւ մերժման համար որեւէ հիմնավորում չի ներկայացրել։

«Պետք է փաստենք, որ նույն իրավիճակի վերաբերյալ դատախազներն ու քննիչները տարբեր վերաբերմունք եւ մոտեցումներ ունեն։ Չեմ ուզում ասել՝ չեն հասկանում,  բայց դիտավորություն,   նախաքննության նկատմամբ անփույթ վերաբերմունքի որոշակի միտում կա»,- ասում է Արայիկ Պապիկյանը։

  Աայնպիսի տպավորություն է ստեղծվում, թե կարծես նախաքննական մարմինը  ծանոթ չէ դատարանի որոշմանը։ «Սա ոչ միայն  անհարգալից վերաբերմունք է դատարանի,  այլ նաեւ իր մասնագիտութան հանդեպ։ Դատախազն առանց պատճառաբանության ակտ է կայացնում, դրանով ցույց է տալիս արհամարհական վերաբերմունք գործի նկատմամբ»։

Նախաքննության ընթացքում   գործի նյութերին չի կարողանում ծանոթանալ  նաեւ փաստաբան   Արա Ղարագյոզյանը։ Ըստ պաշտոնական վարկածի՝ 2018 թ․  «Հոգեկան առողջության պահպանման ազգային կենտրոնի» լոգարանում ինքնասպանություն գործած Արմեն Աղաջանյանի գործով բողոքն արդեն ութ ամիս է դատարանի վարույթում է։ Մինչ այդ՝ տուժողի իրավահաջորդի ներկայացուցիչը քննիչին եւ դատախազին ներկայացրել էր  կյանքի իրավունքի խախտման գործերով ՄԻԵԴ-ի նախադեպային որոշումը, ըստ որի տուժող կողմը պետք է հենց առաջին պահից ներգրավված լինի  գործի նախաքննությանը։  Սակայն այդ որոշումն էլ քննիչի  եւ դատախազի համար նշանակություն չի ունեցել։ Պատասխանը մեկն է եղել՝նախաքննության փուլում իրավունք չունեն ծանոթանալ գործի նյութերին։

 Բողոքն  այն նույն դատավորի վարույթում է, ով բավարարել էր   Արթուր Ղազարյանի մոր՝ Իրինա Ղազարյանի իրավունքների խախտման փաստը  եւ պարտավորեցրել վարույթն իրակացնող մարմնին  տրամադրել  գործի նյութերը։

  «Տեսնենք այս անգամ դատավոր Հարություն Մանուկյանն  ինչ որոշում կկայացնի»,- ասում է Արա Ղարագյոզյանը։

    Դատարանի նախադեպային որոշումը վկայակոչելով՝ փաստաբանը  ցանկացել է ծանոթանալ ոստիկանության բաժնում խոշտանգված  Տիգրան Կարապետյանի գործի նախաքննության նյութերին, սակայն կրկին մերժում է ստացել։ Ներկայացված բողոքով դեռ նիստի օր նշանակված չէ։

  «Հելսիկյան ասոցիացիա» ՀԿ նախագահ, փաստաբան Նինա Կարապետյանցը դատարանի որոշումը չկիրառելը համարում է դատական համակարգի խնդիրներից մեկը։ Նա ցավով է հիշում, որ նույնիսկ Վճռաբեկ դատարանի որոշումներն են օգտագործվել  ըստ նպատակահարմարության։

«Պետք է ձեւավորվի մեկ միասնական մոտեցում։ Դատախազությունն էլ պետք է  կարգադրի, որ նմանատիպ գործերով լինի միասնական մոտեցում։ Չի կարելի թույլ տալ, որ  գործի նկատմամբ  սուբյեկտիվ մոտեցում դրսևորվի։ Սա շատ կարեւոր է»,- հավելում  է իրավապաշտպանը։

Փաստաբան Նինա Կարապետյանցը չի կարծում, որ հարցը չի քննարկվել դատախազի հետ, քանի որ  առանցքային եւ հիմնարար խնդրին  դատարանի կողմից տրվել է լուծում։ Հետեւաբար սա պետք է տարածվեր եւ կիրառության դրվեր ամբողջ համակարգում։

    Ի պատասխան «Իսկ ինչո՞ւ չի արվում» հարցին փաստաբանը մի քանի խնդիր է թվարկում․

«Ոչ ճիշտ կազմակերպված աշխատանքն է։ Մյուս խնդիրը դատախազության գերագնահատումն է։ Դատախազությունն իրեն շատ բարձր է դասում, թեև  միայն  դատավարության մի կողմ է համարվում։ Դատարանի որոշումները պետք է պարտադիր լինեն բոլորի համար»։

  Ըստ Նինա Կարապետյանցի՝ դատական համակարգը  պետք է ցույց տա իր կարեւորությունը՝ ապահովելով պարտադրի որոշումների կիրառումը։ Դատախազությունը պետք է կարողանա ճիշտ գնահատել իրավիճակը, գործել իրավունքի գերակայության սկզբունքով։

  • Տեղադրված .
  • Դիտումներ: 98
0
0
0
s2sdefault

ՀԱՅՏԱՐԱՐՈՒԹՅՈՒՆ

Հարգելի՛ գործընկերներ, շահառուներ, կամավորներ,


Տեղեկացնում ենք, որ Հելսինկյան ասոցիացիան շարունակում է իր աշխատանքային գործունեությունը` այն համապատասխանեցնելով   հայտարարված ռազմական դրության կանոններին։ 

«ՀԵԼՍԻՆԿՅԱՆ ԱՍՈՑԻԱՑԻԱ» ԻՐԱՎԱՊԱՇՏՊԱՆ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆ

  • Տեղադրված .
  • Դիտումներ: 530
0
0
0
s2sdefault

Հայտարարություն Արցախի դեմ Ադրբեջանի հարձակման վերաբերյալ

2020 թ. սեպտեմբերի 27-ին Ադրբեջանի բռնապետական ռեժիմը ծանր հրետանու, տանկերի և հրթիռների գործադրմամբ նախաձեռնեց լայնածավալ հարձակում Արցախի (Լեռնային Ղարաբաղի) շփման գծի ողջ երկայնքով:
Ռմբակոծվում են Արցախի քաղաքներն ու գյուղերը, այդ թվում Ստեփանակերտը, ինչպես նաև Հայաստանի Հանրապետության սահմանը Վարդենիս քաղաքի ուղղությամբ։ Ադրբեջանը հստակ թիրախավորում է քաղաքացիական բնակչությանը՝ կոպտորեն խախտելով միջազգային մարդասիրական իրավունքը և բացարձակ անտեսելով ՄԱԿ-ի գլխավոր քարտուղարի հրադադարի կոչը՝ պայմանավորված Կովիդ-19 համավարակով։
Արցախում (Լեռնային Ղարաբաղում) զինծառայողների և քաղաքացիական անձանց շրջանում արդեն հարյուրից ավելի վիրավոր և տասնյակ զոհեր կա, այդ թվում առնվազն մեկ երեխա։
Այս հարձակումն աննախադեպ է իր ծավալով և ռազմական տեխնիկայի ներգրավման տեսանկյունից։ Կան հստակ ապացույցներ, որ գործողություններն իրականացվում են Թուրքիայի ռեժիմի բացահայտ աջակցությամբ։
Մենք վստահ ենք, որ եթե միջազգային հանրությունը ժամանակին և պատշաճ կերպով չարձագանքի, ռազմական գործողությունները կարող են ընդլայնվել տարածաշրջանում հակամարտության գոտուց այն կողմ, ինչը կհանգեցնի հումանիտար ճգնաժամի, որն ավելի կսրվի կորոնավիրուսի համավարակի բռնկումների հետ կապված իրավիճակի պատճառով:
Մենք հաստատակամ ենք աջակցելու բոլոր ջանքերին՝ ուղղված տարածաշրջանում մարդու իրավունքների, խաղաղության և անվտանգության պահպանման դեմ ուղղված բոլոր մարտահրավերների դիմագրավմանը։
Հայաստանի քաղաքացիական հասարակությունը խստորեն դատապարտում է Ադրբեջանի ռեժիմի սանձազերծած ագրեսիան և դիմում է միջազգային հանրությանը, միջազգային կազմակերպություններին` ՄԱԿ-ին, Եվրախորհրդին, Եվրամիությանը, ԵԱՀԿ Մինսկի խմբի համանախագահներին` շտապ և արդյունավետ միջոցներ ձեռնարկել Ադրբեջանի ռեժիմի ագրեսիան դադարեցնելու և հակամարտության խաղաղ լուծման համար ճանապարհ գտնելու ուղղությամբ բանակցությունները վերսկսելու համար:
Հելսինկյան քաղաքացիական ասամբլեայի Վանաձորի գրասենյակ
Իրազեկ քաղաքացիների միավորում
Թրանսփարենսի ինթերնեշնլ հակակոռուպցիոն կենտրոն
Ժուռնալիստների Ասպարեզ ակումբ
Բաց հասարակության հիմնադրամներ - Հայաստան
«Երիտասարդական ավանգարդ» ՀԿ
«Սինեմարթ» ԵՀԿ
Հանուն հավասար իրավունքների ՀԿ
Համայնքային համախմբման և աջակցության կենտրոն ՀԿ
ՀԱՅ ՁՄԵՌ ՊԱՊ բարեգործական հիմնադրամ
Փինք իրավապաշտպան ՀԿ
Հելսինկյան Ասոցիացիա իրավապաշտպան ՀԿ
«Վելես» իրավապաշտպան ՀԿ
Կանանց իրավունքների տուն
Իրավունքների պաշտպանություն առանց սահմանների ՀԿ
Հանրային լրագրության ակումբ
Միջազգային և անվտանգության հարցերի հայկական ինստիտուտ (ՄԱՀՀԻ)
Հայ առաջադեմ երիտասարդություն ՀԿ
Նոր Սերունդ Մարդասիրական ՀԿ
Խաղաղության երկխոսություն
Քալրֆուլ Հաուս սոցիալ-մշակութային և իրավապաշտպան ՀԿ
Հայկական երիտասարդական լիգա ՀԿ
«Իրավունքի ուժ» իրավապաշտպան հկ
«Տաթևիկ» ՀԿ
Սպիտակի Հելսինկյան խումբ իրավապաշտպան ՀԿ
Կանանց աջակցման կենտրոն ՀԿ
Երիտասարդ Տավուշ ՀԿ
Երեխայի և ընտանիքի զարգացման Կենտրոն բարեգործական ՀԿ
Հայաստանի սոցիալական աշխատողների ասոցիացիա
«Կանանց հզորացման ռեսուրս կենտրոն» ՀԿ
Մարտունու կանանց համայնքային խորհուրդ հկ
Սպառողների աջակցման կենտրոն ՀԿ
Տարածաշրջանային մոնիտորինգային և գնահատման կենտրոն ՀԿ
ՕքսԵՋեն հիմնադրամ
" Սոսե Կանանց Հիմնահարցեր" ՀԿ
Շամս մարդասիրական ՀԿ
Մարտունու համայնքային զարգացման կենտրոն ՀԿ
«Դու մենակ չես» կանանց աջակցման ՀԿ
«Տնտեսական իրավունքի կենտրոն» ՀԿ
Ռեստարտ
Կանանց Ռեսուրսային Կենտրոն
«Դալմա-Սոնա» Հիմնադրամ
Տնտեսական իրավունքի կենտրոն ՀԿ
Առաքելություն Օգնության և Զարգացման ՀԿ
Ճանապարհային երթևեկության անվտանգություն և վերահսկողություն
Անվտանգ երթևեկություն ՀԿ
Թումանյան փաստաբանական գրասենյակ
«Խազեր» էկոլոգամշակութային ՀԿ
«Ուրբան» կայուն զարգացման հիմնադրամ
Մարդու իրավունքների հետազոտությունների կենտրոն
«Հաշմանդամություն և ներառական զարգացում» ՀԿ
«Փոքրիկ Իշխան» կրթահամալիր
Իրավունքի զարգացման կենտրոն ՀԿ
Քաղաքացիական զարգացման և համագործակցության հիմնադրամ
«Ոսկե ծիրան» կինոյի զարգացման հիմնադրամ
Քայլ առաջ ՀԿ
«Հանրային իրազեկման և մոնիտորինգի կենտրոն» ՀԿ
Խտրականության դեմ պայքարի և հանուն հավասարության կոալիցիա
Սոցիալական արդարություն ՀԿ
Սորս հիմնադրամ
«Ուղի դեպի» մշակութային բարեգործական ՀԿ
Սպառողների խորհրդատվության կենտրոն ՀԿ
Առողջապահության քաղաքականության և նորարարության կենտրոն ՀԿ
Իրական Աշխարհ, Իրական Մարդիկ ՀԿ
«Բազմազանություն» սոցիալ-մշակութային, մարդասիրական ՀԿ
Կանանց Ներուժի Զարգացման Կենտրոն ՀԿ
Ունիսոն ՀԿ
Վարորդի ընկեր
«ԼԱՄՊ» հիմնադրամ
«Արծվաբույն Զեյթուն» հայրենակցական միություն
ԷկոԼուր տեղեկատվական ՀԿ
«Սի-Փի-Այ» մարդու իրավունքների հայկական կենտրոն
Իրավունքի Եվրոպա միավորում
«Մենք Կարող ենք» մտավոր խնդիրներ ունեցող երիտասարդների, երեխաների և նրանց ընտանիքի անդամների շահերի պաշտպանության ՀԿ
Աստղացոլք ՀԿ
«Հայաստանի անտառներ» ՀԿ
Լռության ձայն
«Գոյ» բնապահպանա-իրավական հկ
«Յանուս» իրավական հկ
ՏԺԳ հիմնադրամ
«Լիարժեք կյանք» ՀԿ
«Աուդիո-Վիզուալ լրագրողների ասոցիացիա» ՀԿ
«ՍԿԱՐՊ »ներառական առողջական կենտրոն ՀԿ
Ընտանիք և համայնք
Հասարակություն առանց բռնության
Աշխատանք և հայրենիք տարածքային զարգացման ՀԿ
Իրավունքի զարգացման և պաշտպանության հիմնադրամ
Տեղեկատվական համակարգերի զարգացման և վերապատրաստման կենտրոն
«Արմավիրի զարգացման կենտրոն» ՀԿ
Ինֆորմացիայի ազատության կենտրոն
«Հույսի Մեծամոր» ՀԿ
«ՏԱՆԻՔ» ՀԿ
Հանրային քաղաքականության հետազոտությունների ազգային կենտրոն ՀԿ
«Կանանց Ֆորում» ՀԿ
«ԲԼԵՋԱՆ» բնապահպանական, սոցիալական, բիզնեսի աջակցության ՀԿ
«Սատար» Հաշմանդամների ՀԿ
«ԱՍՏՂԻԿ» Հաշմանդամ երեխաների Ծնողների Ասոցիացիա” հկ
ՓՐԿՈՒԹՅՈՒՆ հաշմանդամ երեխաների և երիտասարդների կենտրոն-ՀԿ
Վորլդ Վիժն Հայաստան
Կանանց իրավունքների կենտրոն ՀԿ
ՓՐԿՈՒԹՅՈՒՆ հաշմանդամ երեխաների և երիտսարդների կենտրոն
Կանանց իրավունքների կենտրոն ՀԿ
ԱԼԻՔ ՄԵԴԻԱ ՀԱՅԱՍՏԱՆ
Ազգային ջրային համագործակցություն
Խոսքի և մամուլի ազատության քաղաքացիական հասարակության զարգացման կենտրոն
«Գործընկերություն և ուսուցում» ՀԿ
«Համայնքը և երիտասարդները» երիտասարդական, խորհրդատվական ՀԿ
«Շիրակի ուսւոցիչների միություն» գիտակրթական կենտրոն ՀԿ
Գլոբալիզացիայի և տարածաշրջանային համագործակցության վերլուծական կենտրոն
Երիտասարդները հանուն Արարատի քաղաքացիական֊կրթական ՀԿ
Երեխաների պաշտպանության ցանց
  • Տեղադրված .
  • Դիտումներ: 85
0
0
0
s2sdefault

ԴԱՏԱԿԱՆ ՄՇՏԱԴԻՏԱՐԿՄԱՆ ԵՐԿՕՐՅԱ ԴԱՍԸՆԹԱՑԻ ՄԱՍՆԱԿՑՈՒԹՅԱՆ ՀՐԱՎԵՐ ԳԵՂԱՐՔՈՒՆԻՔԻ ՄԱՐԶՈՒՄ

Հարգելի՛ գործընկեր,

«Աջակցություն դատաիրավական բարեփոխումներին»ծրագրի շրջանակներում Եվրասիա համագործակցություն հիմնադրամի և «Իրավունքի ուժ»  հասարակական կազմակերպության հետ համատեղ, «Հելսինկյան ասոցիացիա» իրավապաշտպան հասարակական կազմակերպությունը համագործակցության է հրավիրում հասարակական կազմակերպությունների ներկայացուցիչների, ինչպես նաև ոչ ՀԿ անդամ իրավապաշտպանների, ակտիվիստների, ուսանողների, արդար դատավարության խնդիրներով հետաքրքրված այլ անձանց, ովքեր հետաքրքրված են դատական մշտադիտարկմամբ՝ տեսական և գործնական իրականացման մակարդակներում։

Դասընթացի նպատակն է մասնակիցներին՝ մարզային ՀԿ-ների ներկայացուցիչներին, ինչպես նաև ոչ ՀԿ անդամ իրավապաշտպաններին, ակտիվիստներին, ուսանողներին, արդար դատավարության խնդիրներով հետաքրքրված այլ անձանց դատական մշտադիտարկման վերաբերյալ գիտելիքի տրամադրումը, իրավական դաշտում առկա կարգավորումների և մեխանիզմների վերաբերյալ իրազեկումը, ինչպես նաև նրանց հմտությունների և կարողությունների զարգացումը՝ այդպիսով  նպաստելով մարզային մշտադիտարկողների թիմի ձևավորմանը և նրանց հետագա ակտիվ գործունեությանը ոլորտում։

Համագործակցության շրջանակներում բոլոր մարզերից կընտրվեն այն դիմորդները, ովքեր երկօրյա դասընթացի տեսական և գործնական փուլերին ամբողջական մասնակցության ցանկություն կհայտնեն և կներգրավվեն տեղի դատարանում դատական նիստերի մշտադիտարկմանը։ Այս փորձառությունը մասնակիցներին կօգնի ձեռք բերել  մեր և գործընկեր կազմակերպությունների ապագա ծրագրերում հետագա մասնակցության համար անհրաժեշտ փորձ։

Յուրաքանչյուր մարզում դասընթացը կկազմակերպվի տեղում


հոկտեմբերի 11-ին և 12-ին՝ Գեղարքունիքի մարզի Մարտունի քաղաքում։

Երկրում համաճարակային իրավիճակից ելնելով, դասընթացների իրականացման օրերը հնարավոր է ենթարկվեն փոփոխության։  Սակայն դասընթացների անցկացման ժամանակ կպահպանվեն համաճարակային անվտանգության բոլոր կանոնները։

Տեղեկացնում ենք, որ մասնակիցների սննդի ծախսերը հոգում է կազմակերպությունը։

Դասընթացի տեսական մասում մասնակիցները կծանոթանան «Դատական մշտադիտարկում և լուսաբանում։ Արդար դատաքննության արտաքին երաշխիքներ» խորագիրը կրող ուղեցույցին, ի թիվս այլ թեմաների, կներկայացվեն նաև դատական մշտադիտարկման (մասնավորապես, քրեական գործերով նիստերի) առանձնահատկությունները, նպատակը, սկզբունքները, դատական մշտադիտարկման ժամանակ մասնագիտական գործունեության ապօրինի խոչընդոտման դեպքեր, դրանց պատճառները և օրինական կարգավորման հնարավորությունները։

Փորձառու մասնագետները կպատասխանեն մասնակիցների  հարցերին, նրանց կտրվի մշտադիտարկողի իրավունքների վերաբերյալ սպառիչ տեղեկություն ինչպես դասընթացի ընթացքում, այնպես էլ դասընթացից հետո։

Դասընթացի գործնական փուլում կկազմակերպվի մասնակիցների փորձնական այց տեղի մարզային դատարան՝ կազմակերպիչ հասարակական կազմակերպության ներկայացուցիչների աջակցությամբ  դատական նիստ դիտորդելու նպատակով։

Հետաքրքրված դիմորդներին խնդրում ենք ուղարկել իրենց տվյալները (անուն
ը, ազգանունը, հեռախոսահամարը, մարզը, լրացուցիչ նաև՝ ՀԿ-ի անունը, եթե անդամակցում կամ հարում է որևէ ՀԿ-ի) հետևյալ էլեկտրոնային փոստի հասցեով՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։։

Դասընթացին մասնակցելու համար կարող եք դիմել մինչև ս.թ․հոկտեմբերի 9-ը ներառյալ։

Լրացուցիչ տեղեկությունների համար զարգահարեք մեզ հետևյալ հեռախոսահամարով՝ 095 750 864:

Հարգանքով՝

«Հելսինկյան ասոցիացիա» իրավապաշտպան հասարակական կազմակերպություն

  • Տեղադրված .
  • Դիտումներ: 95
0
0
0
s2sdefault

ԱլԳ ՔՀՖ ՀԱՅԱՍՏԱՆԻ ԱԶԳԱՅԻՆ ՊԼԱՏՖՈՐՄԻ ՀԱՅՏԱՐԱՐՈՒԹՅՈՒՆԸ

Ի թիվս մի շարք ժողովրդավարական կառույցների, «Հելսինկյան ասոցիացիա» իրավապաշտպան հասարակական կազմակերպությունը ևս միացել է ԱլԳ ՔՀՖ Հայաստանի ազգային պլատֆորմի՝ 2020թ․ սեպտեմբերի 14-ի հայտարարությանը։

2020թ․ սեպտեմբերի 14-ին ՀՀ Ազգային ժողովն արտահերթ նիստով քննարկելու է ՀՀ Սահմանադրական դատարանի դատավորների երեք թափուր տեղերի համար առաջադրված թեկնածուներ Երվանդ Խունդկարյանի, Էդգար Շաթիրյանի և Արթուր Վաղարշյանի ընտրության հարցը:

Արևելյան գործընկերության Քաղաքացիական հասարակության ֆորումի Հայաստանի ազգային պլատֆորմը վերջին երկու տարիների ընթացքում հետևել է Սահմանադրական դատարանի շուրջ տեղի ունեցող զարգացումներին և իր մտահոգությունները հայտնել դրանց կապակցությամբ:

Այսպիսի ընտրությունը ստվերելու է ոչ միայն Սահմանադրական դատարանի, այլև Ազգային ժողովի հեղինակությունը։

Հաշվի առնելով վերոգրյալը` Արևելան գործընկերության Քաղաքացիական հասարակության ֆորումի Հայաստանի ազգային պլատֆորմը պահանջում է մերժել Երվանդ Խունդկարյանի, Էդգար Շաթիրյանի և Արթուր Վաղարշյանի թեկնածությունը Հայաստանի Հանրապետության Սահմանադրական դատարանի դատավորի պաշտոնում։

Հայտարարության ամբողջական տեքստը տես այստեղ։

  • Տեղադրված .
  • Դիտումներ: 153
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association