Դիմում ՀՀ-ում ԱՄՆ Դեսպան Ջոն Հեֆերնին

Հելսինկյան ասոցիացիայի նախագահ Մ.Դանիելյանը և փաստաբան Գ.Խաչատրյանը դիմում են ներկայացրել ՀՀ-ում ԱՄՆ Դեսպան Ջոն Հեֆերնին, մի շարք դատավորներին ԱՄՆ մուտքի արտոնագրեր չտրամադրելու առաջարկով, որի պատճենը ուղարկվել են նաև ՀՀ գլխավոր դատախազ` Ա.Հովսեփյանին և ՀՀ արդարադատության խորհրդին, ստորև ներկայացնում ենք դիմումն ամբողջությամբ:

 

 

ՀԱՐԳԱՐԺԱՆ ՊԱՐՈՆ ԴԵՍՊԱՆ

Հելսինկյան ասոցիացիան մի շարք քրեական գործերով տրամադրել է իրավաբանական օգնություն, որի ընթացքում արձանագրվել են քրեադատավարական նորմերի բազմաթիվ կոպիտ խախտումներ, թե մեղադրողների, թե դատավորների կողմից, սակայն հատկապես ցանկանում ենք նշել Արաբկիր և Քանաքեռ վարչական շրջանների ընդհանուր իրավասության դատարանում քննված` Վռամ Բաղդասարյանի, Շենգավիթ վարչական շրջանի ընդհանուր իրավասության դատարանում` Ավետիք Հովհաննիսյանի և Կոտայքի մարզի ընդհանուր իրավասության դատարանում` Խաչիկ Հովսեփյանի  նկատմամբ հարուցված քրեական գործերով մանրամասներ, քանի որ ցավոք ՀՀ  դատախազությունը և դատարանները օբյեկտիվ  վերաբերմունք չեն ցուցաբերում և իրենց անտարբերությամբ ու անգործությամբ լուծում չեն տալիս` երկարատև ազատազրկում նախատեսող հոդվածներով ակնհայտ անհիմն մեղադրանքով հարուցված քրեական գործերով անօրինականությունների մասին մեր կողմից ներկայացված բազմաթիվ բողոքներին:

ՀՀ դատարանների նման աշխատելաոճը ապացուցում է, որ ՀՀ դատաիրավական համակարգի բարեփոխումները կրում են ձևական բնույթ, ՀՀ դատավորները, թեև ժամանակ առ ժամանակ վերապատրաստվում են այնպիսի իրավական պետությունում, ինչպիսին ԱՄՆ են, շարունակում են լինել դատախազության կամակատարը և գործում չգրված` “դատախազությունը միշտ իրավացի էսկզբունքով, այլ ոչ թե ղեկավարվում են ՀՀ Սահմանադրությամբ, քրեական և քրեական դատավարարության օրենսգրքերով նախատեսված սկզբունքներով:
Հաշվի առնելով այն, որ ԱՄՆ կառավարությունը մեծ ներդրումներ ունի ՀՀ դատաիրավական ոլորտում իրականացվող բարեփոխումներում,
հարց է առաջանում` արդյոք դրանք ծառայում իրենց նպատակին եթե ՀՀ-ում իրավապահ ոլորտում նախատեսված բարեփոխումները կրում են զուտ ձևական բնույթ: Հելսինկյան ասոցիացիան բազմիցս բարձրաձայնել է ՀՀ իշխանության նկատմամբ տարբեր սանկցիաների կիրառման անհրաժեշտության մասին: Այդ իսկ պատճառով մենք առաջարկում ենք որպես նախազգուշական սանկցիա` դիմելու դեպքում մերժել ԱՄՆ մուտք գործել հետևյալ դատավորներին, ովքեր անմիջականորեն իրենց գործունեությամբ վնասում են և խոչընդոտում  ՀՀ-ում դեմոկրատական բարեփոխումներ իրականացնելուն`

Ընդհանուր իրավասության դատարան

  1. Մեսրոպ Մակյան-ՀՀ Կոտայքի մարզ
  2. Սուրեն Կոստանյան-Շենգավիթ վարչական շրջան
  3. Արթուր Մկրտչյան- Արաբկիր և Քանաքեռ-Զեյթուն վարչական շրջաններ

ՀՀ վերաքննիչ քրեական դատարան

  1. Կարինե Ղազարյան
  2. Գրիշա Մելիք-Սարգսյան
  3. Հենրիկ Ադամյան
  4. Գագիկ Ավետիսյան
  5. Եվա Դարբինյան
  6. Սերգեյ Չիչոյան

Կից ներկայացվել է  քրեական գործերի նկարագրությունները/9 էջ/

  • Տեղադրված .
  • Դիտումներ: 3796
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association