Հայտարարություններ

«Հելսինկյան ասոցիացիա»-ն մտահոգություն է հայտնում

071.jpg

Օգոստոսի 12-ին՝ ժամը 22:00-ի սահմաններում, Թումանյան-Աբովյան խաչմերուկում, Աբովյան փողոցը հատելիս, հետիոտնի գծանշանի վրա Աննա Գոյունյանը ենթարկվել է վրաերթի: Վրաերթի արդյունքում նա ստացել է ողնաշարի կոտրվածք:
«Հելսինկյան ասոցիացիա» դիմած նրա որդին Հարություն Գյամջյանը հայտնել է, որ հետաքննիչի կողմից բավարար ջանքեր չեն գործադրվում գործի համար էական նշանակություն ունեցող տեղեկատվության հավաքագրման հարցում:  Մասնավորապես, մինչ այս պահը հետաքննիչը բավարար ջանքեր չի գործադրել դեպքի վայրում տեղադրված տեսախցիկներով արձանագրված դեպքի տեսաձայնագրությունները ձեռք բերելու համար:

Եւ տուժող կողմին եւ «Հելսինկյան ասոցիացիա»-յի դիտորդին բանավոր կարգով հայտնել են, որ դեպքի վայրում տեղադրված տեսախցիկները շարժական են և չեն ֆիքսել դեպքը:

Մինչդեռ «Հելսինկյան ասոցիացիա»-յի կողմից կատարված ուսումնասիրություններն ապացուցում են հակառակը: Նշված վայրում տեղադրված տեսախցիկները ֆիքսված են և բավարար տեսադաշտ ունեն դեպքի վայրը տեսաձայնագրելու համար:

«Այս հանգամանքը լուրջ մտահոգության և հիմնավոր կասկածի առիթ է տալիս՝ կասկածել հետաքննիչի անաչառ լինելու, եթե ոչ՝ դիտավորությամբ ժամանակ «ձգելու» հարցում, որպեսզի դեպքի օրվա տեսաձայնագրությունները «օբյեկտիվ» պատճառներով այլեւս հնարավոր չլինի դարձնել գործի նյութ եւ ապացույց»,- ասում է «Հելսինկյան ասոցիացիա» ՀԿ նախագահ Նինա Կարապետյանցը:

Նա նաեւ կասկածներ է հայտնում՝ արդյոք մեղքն ընդունող անձն է եղել ղեկին։

«Հելսինկյան ասոցիացիա»-ն նամակ է ուղարկել ոչ միայն ՀՀ ոստիկանապետ Վալերիյ Օսիպյանին, այլ նաեւ Պետական վերահսկողական ծառայության պետ Դավիթ Սանասարյանին, սակայն մինչ այսօր արձագանք չկա։

«Ակնկալում ենք, որ Դուք կստանձեք այս գործի վերահսկողությունը  և միջոցներ կձեռնարկեք քաղաքացու բարձրացրած խնդրին լուծում տալու համար, հատկապես հաշվի առնելով այն հանգամանքը, որ խնդիրը չի վերաբերում միայն մեկ մասնավոր դեպքի, այլ կրում է համակարգային բնույթ: Քաղաքացու հետ առաջնային շփում ունեցող օղակներում տիրող իրավիճակն արդարացիորեն դժգոհություն է առաջացնում, ինչը չափազանց վտանգավոր է և կարող է անդառնալի հետևանքներ ունենալ հակահղափոխական ուժերի կողմից «ճիշտ» օգտագործման պարագայում»,- նշված է նամակում:

Իսկ ողնաշարի կոտրվածք ստացած 81-ամյա կինը շարունակում է մնալ հիվանդանոցում։ Բուժող բժիշկը հայտնել է,   որ նա ընդամենը մեկ կոտրվածք ունի։ Այնինչ այլ բժիշկներ, տեսնելով ռենտգեն հետազոտության տվյալները, փաստել են, որ նա երկու կոտրվածքներ ունի: Մինչդեռ փորձագետը բանավոր հայտնել է, որ տուժողին միջին ծանրության վնասվածք է հասցվել։ «Հելսինկյան ասոցիացիա»-ն այստեղ կոռուպցիոն ռիսկ է տեսնում։

  • Տեղադրված .
  • Դիտումներ: 559
0
0
0
s2sdefault
032.jpg

Տաջիկստանի 4-ամյա բնակիչ Իբրահիմ Համազա Տիլլոզոդայի մոտ հայտնաբերվել է նարնջի մեծությամբ քաղցկեղի ուռուցք, որի բուժումը հնարավոր չէ իրականացնել երկրում։

Կյանքի եւ մահվան սահմանագծին գտնվող տղայի բուժումը հնարավոր է միայն արտերկրում։ Տաջիկստանի իշխանությունները, սակայն, թույլ չեն տալիս երեխային դուրս բերել երկրից։

Պատճառն այն է, որ Իբրահիմ Համզան ընդդիմադիր գործիչների ընտանիքի անդամ է: Նրա հայրը եւ պապը քաղաքական հետապնդումներից խուսափելու պատճառով փախել են Տաջիկստանից:

Նորվեգիայի Հելսինկյան կոմիտեի Կենտրոնական Ասիայի բաժնի ներկայացուցիչ Մարիուս Ֆոսումը հայտարարել է, որ Տաջիկստանի իշխանությունները պետք է անմիջապես թույլ տան, որ 4-ամյա Համզան եւ նրա ընտանիքը մեկնեն երկրից՝ երեխայի պատշաճ բուժօգնությունն ապահովելու համար: Human Rights Watch-ի Կենտրոնական Ասիայի բաժնի հետազոտող Սթիվ Սվերդլովն էլ նշել է, որ Տաջիկստանի իշխանությունները կարծես պատանուն պատանդ են պահում՝ հոր եւ պապի վրա ճնշում գործադրելու համար:

«Հելսինկյան ասոցիացիա»-ն եւս միանում է կոչին եւ Տաջիկստանի իշխանություններին հորդորում օր առաջ թույլատրել երեխային դուրս բերել երկրից՝ պատշաճ բուժօգնությունն ապահովելու համար։

Մանրամասներն անգլերենով այստեղ՝

  • Տեղադրված .
  • Դիտումներ: 472
0
0
0
s2sdefault
047.jpg

ԵԱՀԿ Ժողովրդավարական հաստատությունների և մարդու իրավունքների գրասենյակը հայտնում է, որ ատելության հողի վրա 2017 թվականի ընթացքում կատարված հանցագործությունների դեպքերի վերաբերյալ տեղեկություններ կարող եք ուղարկել ԵԱՀԿ / ԺՀՄԻԳ  մինչև սույն թվականի հուլիսի 15-ը: Գրասենյակը շնորհակալություն է հայտնում բոլոր նրանց, ովքեր իրենց ներդրումն են ունեցել այս գործում։   

Այժմ, քան երբևէ կարևոր է ատելության հողի վրա կատարված հանցագործությունների դեպքերի դիտորդման և փաստաթղթերի կարգավորման գործընթացը: Քաղաքացիական հասարակության կողմից այդ դեպքերի վերաբերյալ նյութահավաք գործունեությունը ԵԱՀԿ / ԺՀՄԻԳ-ի կողմից իրականացվող աշխատանքների անբաժանելի մասն է:

Դեպքերի վերաբերյալ տեղեկություն տրամադրելու համար այցելեք  http://hatecrime.osce.org/ civilsociety/։ 

Այս գործընթացի և ատելության հողի վրա կատարված հանցագործությունների դեպքերի մասին տեղեկություն ստանալու համար կարող եք դիտել  կարճ տեսանյութ հետևյալ հղումով՝ http://www.osce.org/odihr/ 312101։

  • Տեղադրված .
  • Դիտումներ: 689
0
0
0
s2sdefault

Աշխատանքի հայտարարություն

join-our-team-e1466601751717.jpg

«Հելսինկյան ասոցիացիա» իրավապաշտպան հասարակական կազմակերպությունը հայտարարում է մրցույթ փաստաբանի օգնականի թափուր հաստիքի համար։

Պահանջվում է ներկայացնել աշխատանքային կենսագրական (CV) լուսանկարով և ուղեկցող նամակ .">. հասցեով` վերնագրի մեջ նշելով «Փաստաբանի օգնական»։

Նախնական հավանության արժանացած թեկնածուները կհրավիրվեն հարցազրույցի: 

  • Տեղադրված .
  • Դիտումներ: 2118
0
0
0
s2sdefault

Հայտարարություն

049.png

Քաղաքացիական հասարակության ներքոստորագրյալ կազմակերպություններս ողջունում ենք ժողովրդի հաղթանակը և կարևորում ենք քաղաքացիական ինքնագիտակցության և արժանապատվության զարթոնքը։ Գնահատելի են պատասխանատու, թափանցիկ և հաշվետու կառավարում իրականացնելու համար վարչապետի հռչակած սկզբունքները։ Մենք գիտակցում ենք անցումային ժամանակահատվածում նոր կառավարության առջև ծառացած խնդիրների ծանրությունը և սպասվող աշխատանքի դժվարությունը։

շարունակել կարդալ

  • Տեղադրված .
  • Դիտումներ: 1228
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association