Քրեական գործ ընդդիմադիր ակտիվիստի նկատմամբ

Samson-Khachatryan

2011թ. մարտի 13-ին, ժամը 16:00-ի սահմաններում ըստ ականատեսների` Վազգեն Սարգսյանի անվան “Հանրապետական” մարզադաշտի մոտ հատուկ ջոկատայինների հագուստով դիմակավոր անձինք կտրել են Սամսոն Խաչատրյանի /ընդդիմադիր ուժ Հայ Ազգային Կոնգրեսի ակտիվիստ, բռնցքամարտի ԽՍՀՄ և Եվրոպայի բազմակի չեմպիոն/ ավտոմեքենայի ճանապարհը, նրան բռնությամբ նստեցրել են իրենց մեքենան և տարել անհայտ ուղղությամբ: Ապա, նրան բերման են ենթարկել Ոստիկանության Կենտրոնական քննչական բաժին։ Ս. Խաչատրյանի հետ բերման էին ենթարկվել նաեւ այդ պահին ավտոմեքենայում գտնվող Միսաք Հովակիմյանը, Պողոս Տրմզյանը: Համաձայն մարտի 14-ի ՀՀ Ոստիկանության կողմից տարածած հաղորդագրության` ժամը 20:00-ին Ս. Խաչատրյանը ձերբակալվել է: Նրա հետ բերման ենթարկված անձինք որպես վկա հարցաքննվել և ազատ են արձակվել:

Մարտի 14-ին Սամսոն Խաչատրյանի նկատմամբ հարուցվել է քրեական գործ ՀՀ քրեական օրենսգրքի 316 հոդվածի 1-ին մասով/ Իշխանության ներկայացուցչի նկատմամբ բռնության գործադրում/: Համաձայն ոստիկանության կողմից տարածած վերոնշյալ հաղորդագրության` “… 2011թ. մարտի 1-ին, ժամը 18.00-ի սահմաններում, Ս. Խաչատրյանը Երևանի Մաշտոց-Կորյուն փողոցների խաչմերուկում չի ենթարկվել ոստիկանության ծառայողների օրինական պահանջներին, դիմադրություն է ցույց տվել և հարվածել` մարմնական վնասվածք պատճառելով ոստիկաններից մեկին: Ս. Խաչատրյանն բաժնում հայտարարել է, որ քաշքշուկի ընթացքում հնարավոր է հարվածած լինի, սակայն չի կարող ասել, թե ում է դիպել հարվածը …”:

http://www.police.am/am/operativampopagir/brnutyun-ishxanakan-nerkayacucchi-nkatmamb/2216-2011-03-14-16-45-03

  • Դիտումներ: 2936
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association