նորություններ

Մարդու իրավունքների այս տարվա կարևորագույն հաղթանակները

120.png

Անցած ամբողջ տարվա ընթացքում Amnesty International-ի մոտ 7մլն կողմնակիցներ ձեռնարկել են մի շարք գործողություններ՝ բողոքի ցույցեր, հայտարարություններ, միջնորդություններ և բազմաթիվ այլ միջոցներ, ամենուր մարդու իրավունքները պաշտպանելու և ջատագովելու համար։

Այդ ամենն ունեցավ հսկայական ազդեցություն․ անարդարությամբ դատապարտված մարդիկ ազատ արձակեցին, օրենքները փոփոխության ենթարկվեցին և ամբողջ աշխարհում համարձակ մարդիկ ոտքի ելան և գործի անցան։

Նյութը պատրաստվել է ոգեշնչվելով 2018թ մարդու իրավունքների կարևորագույն հաղթանակների տարեվերջյան ամփոփումից․․․

Ամբողջական նյութին ծանոթացեք այստեղ։

  • Դիտումներ: 4
0
0
0
s2sdefault

2018թ․ ԵԱՀԿ Զուգահեռ համաժողովի հիմնական թեմաները

118.PNG

2018թ ԵԱՀԿ Զուգահեռ համաժողովի հիմնական թեմաները

Քաղաքացիական հասարակության առաջատար կազմակերպությունների ներկայացուցիչները հավաքվել էին դեկտեմբերի 5-ին Միլանում կայացած Քաղաքացիական հասարակության զուգահեռ համաժողովի շրջանակներում: Ահա միջոցառման հիմնական թեմաները.

Այս տարի ԵԱՀԿ ԶՀ-ի բացման նիստը սկսվեց լռության րոպեով` նվիրված մեր գործընկեր Վիտալի Սաֆարովի հիշատակին, ով ողբերգական կերպով սպանվել էր իր հայրենի քաղաք Թբիլիսիում նեոնացիստական խմբի անդամների կողմից: Մենք կարոտում ենք Ձեզ, Վիտալի:

Ելույթների ընթացքում բանախոսներն անդրադարձել են Իտալիայի նախագահության ընթացքում կատարվածին, բարձրացրել իրենց մտահոգությունները և քննարկել Սլովակիայի ապագա նախագահության առաջնահերթությունները: Քաղաքացիական համերաշխության հարթակի ներկայացուցիչների կողմից քննարկված թեմաներն էին ԵԱՀԿ տարածաշրջանում անվտանգության մտահոգությունների աճը, քաղաքացիական հասարակության համար և՛ ազգային, և՛ միջազգային ասպարեզներում տարածքի կրճատումը, ամբողջատիրական վարչակարգերի թվի աճը և ժողովրդավարական համակարգերին ուղղված սպառնալիքները, օրենքի գերակայությունը և լրատվամիջոցների ազատությունը, ինչպես նաև գենդերային հավասարությունը և միգրացիան։

Միջոցառման ժամանակ քննարկված ևս մեկ կարևոր թեմաներից էր պատմությունների վերամշակումը և մարդու իրավունքների վերաբերյալ հաղորդումների ուղարկման համար նորարարական հաղորդակցման գործիքների կիրառումը: Այս կարճ տեսանյութը տրամադրում է համաժողովի կարճ նկարագիրը՝ https://youtu.be/cZ_AWSc36rU։

ԶՀ-ը ներառել է նաև քաղբանտարկյալների համար համերաշխության ակցիա, որը ներառում էր այնպիսի գործողություններ, ինչպիսիք են `

  • քաղբանտարկյալների իրավիճակի և նրանց ազատմանն ուղղված համընդհանուր դիվերսիֆիկացված բազմակողմանի գործողությունների անհրաժեշտության թարմացումը, ինչն ուղեկցվեց որոշ հայտնի քաղբանտարկյալների մասին պատմող տեսագրություններով,
  • համժողովի մասնակիցների կողմից քաղբանտարկյալների համար բացիկների ստորագրումը,
  • մեկ ընդհանուր միասնական ֆոտոշարք՝ նվիրված ԵԱՀԿ տարածաշրջանի բոլոր քաղբանտարկյալներին և մեկ առանձին՝ կապված Ազիմժոն Ասկարովի գործին:

Ստեղծված ավանդույթի համաձայն փակման նիստն ավարտվեց աչքի ընկած մասնակիցներին 2018 թ. Քաղաքացիական հասարակության առաջարկությունների և «Միլանի հռչակագրի» խորհրդանշական հանձնումով և ԵԱՀԿ մասնակից պետությունների ներկայացուցիչների և ԵԱՀԿ պաշտոնյաների կողմից արված դիտողություններով։

Նյութի աղբյուրը՝ http://www.civicsolidarity.org/article/1566/osce-parallel-conference-2018-highlights։

  • Դիտումներ: 40
0
0
0
s2sdefault

Ոստիկանությունը չի պատասխանել «Հելսինկյան ասոցիացիա»-ին

116.PNG

Օգոստոսի 12-ին՝ ժամը 22:00-ի սահմաններում, Թումանյան-Աբովյան խաչմերուկում, Աբովյան փողոցը հատելիս, Աննա Գոյունյանը հետիոտնի գծանշանի վրա ենթարկվել է վրաերթի: Արդյունքում 81-ամյա կինը ստացել է ողնաշարի կոտրվածք:

   Տուժող կողմը մտահագություն էր հայտնել, որ դեպքի բացահայտման հետ կապված բավարար քայլեր չեն ձեռնարկվում։ Այդ առիթով էլ տուժող Աննա Գոյունյանի որդին՝ Հարություն Գյամջյանը, դիմել էր «Հելսինկյան ասոցիացիա» ՀԿ։

   Նախաքննական մարմինը որեւէ գործողություն չի կատարել դեպքի վայրում տեղադրված տեսախցիկներով արձանագրված դեպքի տեսաձայնագրությունները ձեռք բերելու համար:

Եւ տուժող կողմին եւ «Հելսինկյան ասոցիացիա»-ի դիտորդին ոստիկանությունից բանավոր կարգով հայտնել են, որ դեպքի վայրում տեղադրված տեսախցիկները շարժական են և չեն ֆիքսել դեպքը:

Մինչդեռ «Հելսինկյան ասոցիացիա»-ի կողմից կատարված ուսումնասիրություններն ապացուցում են հակառակը․ նշված վայրում տեղադրված տեսախցիկները ֆիքսված են և բավարար տեսադաշտ ունեն դեպքի վայրը տեսաձայնագրելու համար:

«Հելսինկյան ասոցիացիա» իրավապաշտպան կազմակերպությունը դիմել էր ՀՀ ոստիկանապետ Վալերի Օսիպյանին՝ խնդրելով պարզաբանել, թե որտեղ են  այս տարվա օգոստոսի 12-ին, ժամը 22:00-ի սահմաններում, Թումանյան-Աբովյան խաչմերուկում տեղի ունեցած ավտովթարի տեսանյութերը եւ ինչու չեն տրամադրվել իրենց։

Վալերի Օսիպյանի փոխարեն պատասխանել է Ճանապարհային ոստիկանության պետ Երվանդ Կարապետյանը՝ նշելով հետևյալը․ «12.08.2018 թ․ ժամը 22.00-ի սահմաններում Երեւան քաղաքի Թումանյան-Աբովյան փողոցների խաչմերուկում Սվետլանա Սմբատի Ստեփանյանի վարած «Nissan» մակնիշի 35QM258 հաշվառման համարանիշի ավտոմոբիլով քաղաքացի Աննա Գեւորգի Գոյունյանին վրաերթի ենթարկելու փաստով 17.08.2018 թ․ նշանակվել է դատաբժշկական փորձաքննություն, որի թիվ 1878/h եզրակացության համաձայն վերջինիս առողջությանը պատճառվել է միջին ծանրության վնաս։ Իսկ հարուցված քրեական գործն ուղարկվել է ՀՀ Քննչական կոմիտեի Երեւան քաղաքի վարչություն»։

Բայց պատասխանը էլ ավելի է զարմացրել «Հելսինկյան ասոցիացիա»-ի նախագահ Նինա Կարապետյանցին։

«Որ դեպքը տեղի է ունեցել, մենք էլ գիտենք։ Մեզ համար կարեւոր է, թե ինչու տեսախցիկները չեն ֆիքսել։ Ի դեպ, նշել են, որ տեսախցիկները շարժական են եւ այդ պահին չեն ֆիքսել։ Բայց իրականում տեսախցիկները ֆիքսված են, ու կասկած չկա, որ դրանք կարող էին ֆիքսել։ Այս պատասխանը իրականում մտահագություն է առաջացնում նաեւ կոռուպցիայի հետ կապված, ինչո՞ւ չէ, նաեւ կոռուպցիոն ռիսկեր է պարունակում»,- ասում է Նինա Կարապետյանցը։

Տեսախցիկների մասին առհասարակ որեւէ տեղեկություն չտրամադրելը մի քանի անգամ կրկնապատկել է անհանգստությունները․ «Ակնհայտ է, որ մեր հարցերին չեն պատասխանում, եւ այստեղ միտում կա։ Ուրիշ մոտեցում չի կարող լինել։ Եթե տեսանյութերը չեն տրամադրվել, քննիչը տեսանյութերը չի պահանջել եւ ժամանակին չի վերցրել, հետեւաբար այստեղ կարելի է տեսնել միայն միտում կամ անփութություն, որի արդյունքում կարեւոր ապացույցներից մեկն ուղղակի վերացել է։ Ուրիշ պատասխան սա չի կարող ունենալ։ Երկու դեպքերում էլ պատասխանատվություն պետք է կրեն բոլոր մեղավոր անձինք, հատկապես անհանգստացնող է Ճանապարհային ոստիկանության պետի պատասխանը։ Փոխարենը ճշտելու, թե որտեղ են տեսանյութերը եւ ինչու չեն կցվել գործի նյութերին, ղեկավարությունը գրում է, որ դեպքերը տեղի են ունեցել»,- ավելացնում է Նինա Կարապետյանցը։

«Հելսինկյան ասոցիացիա»-ն նամակ է ուղարկել նաեւ Պետական վերահսկողական ծառայության պետ Դավիթ Սանասարյանին, սակայն մինչ օրս արձագանք չի ստացել։   117.jpg

  • Դիտումներ: 44
0
0
0
s2sdefault
csp_logo_final15x.png

ԵԱՀԿ-ում քաղաքացիական հասարակության համար տարածքի կրճատումը առնվազն նոր հարված է Միլանում կայանալիք Նախարարական խորհրդի նիստին

Մենք՝ Քաղաքացիական համերաշխության հարթակի (CSP) համակարգող հանձնաժողովի անդամներս և քաղաքացիական հասարակության այլ ներկայացուցիչներ ցնցված ենք, որ ոչ կառավարական կազմակերպությունները (ՀԿ-ներն) զրկված են եղել ԵԱՀԿ Նախարարների խորհրդի նիստի բացմանը և փակմանը մասնակցելու հնարավորությունից լիագումար նիստերի դահլիճում, բացի այդ նրանց հնարավորություն չի ընձեռնվել նաև ուղիղ եթերում հետևելու նիստերին կամ 2018թ․ դեկտեմբերի 6-7-ին Միլանում անցկացնել հավելյալ միջոցառումներ:

Առաջին անգամ քաղաքացիական հասարակության ներկայացուցիչները զրկվեցին լիագումար նիստերի դահլիճում ԵԱՀԿ Նախարարների խորհրդի նիստերի բացմանը և փակմանը ֆիզիկապես ներկա գտնվելու հնարավորությունից՝ հակառակ նախկին պրակտիկային և ԵԱՀԿ կանոնակարգին, որն ասում է, որ « միայն բացման և փակման նիստերը պետք է բաց լինեն մամուլի և հասարակության համար, եթե հանդիպումը որոշում չի կայացնում այլ բաց նիստեր իրականացնել»: [1] Թեև լրատվամիջոցների ներկայացուցիչները հնարավորություն ունեցան լիագումար նիստերի դահլիճում բացման և փակման նիստերին մասնակցելու, ՀԿ-ների ներկայացուցիչներին չտրվեց այդպիսի հնարավորություն։

Թեև ՀԿ-ներին տրամադրվել էր առանձին աշխատանքային և հանդիպման տարածք, այն չուներ տեսողական և ձայնային տեխնիկա, որը թույլ կտար նրանց հետևել Նախարարների խորհրդի նիստերին, ինչը նույնպես ուղղակիորեն հակասում էր ԵԱՀԿ կանոնակարգին: [2] ՀԿ-ներին տրամադրված տարածքն առանձնացված էր և, հետևաբար, հնարավորություն չտվեց որևէ բովանդակալից շփում իրականացնել Նախարարների խորհրդի մասնակիցների հետ:

Բացի այդ, նախորդ շաբաթ Իտալիայի ԵԱՀԿ Նախագահությանը արված հարցումից հետո՝ հավելյալ միջոցառումների կազմակերպման և / կամ նպաստելու հնարավորության վերաբերյալ, Քաղաքացիական համերաշխության հարթակին տեղեկացրել էին, որ այս տարի չեն լինելու հավելյալ միջոցառումներ, սակայն Միլանում հանկարծակի տեղեկացվեց, որ ըստ էության հավելյալ միջոցառումները նախապատրաստվել են առանց ՀԿ-ների մասնակցության: Սա հստակ ցույց է տալիս, որ ՀԿ-ները ողջունելի են այնքան ժամանակ, քանի դեռ դրանք անտեսանելի են և լուռ:

ՀԿ-ների ֆիզիկական ներկայությունը լիագումար դահլիճում ոչ միայն կազմակերպական, այլև քաղաքական հարց է, ինչպես նկարագրված է Հելսինկյան գործընթացի մեջ քաղաքացիական հասարակության մասնակցության ապահովման մասին հայտարարության մեջ , որը հրապարակվել է ԵԱՀԿ-ի կողմից (հրապարակված Քաղաքացիական համերաշխության պլատֆորմի կողմից 2017թ․ դեկտեմբերին): Այսպիսով, ՀԿ-ների բացառումը հակասում է այն ամենին, ինչով հանդես է գալիս ԵԱՀԿ-ը: Միլանում ԵԱՀԿ-ի Նախարարների խորհրդի նիստում ՀԿ-ների նկատմամբ վերաբերմունքը քաղաքացիական հասարակության տարածքի կրճատման ևս մեկ դրսևորում է (տե՛ս Քաղաքացիական համերաշխության հարթակի Համբուրգի 2016թ․-ի հռչակագիրը), այդ թվում `ԵԱՀԿ աշխատանքներում (տե՛ս Քաղաքացիական համերաշխության պլատֆորմի Միլանի հայտարարությունը` ԵԱՀԿ միջոցառումներին մասնակցելու ՀԿ-ների երաշխիքի վերաբերյալ, որը հանձնվեց ԵԱՀԿ բարձրաստիճան ներկայացուցիչներին, այդ թվում Իտալիայի ԵԱՀԿ Նախագահությանը 2018 թ․ դեկտեմբերի 5-ին), և Հելսինկյան եզրափակիչ ակտում ամրագրված սկզբունքներին սպառնացող ահազանգի վաղ նշան է:

Ցավոք սրտի, ՀԿ-ների լիագումար նիստերի դահլիճում բացման և փակման նիստերից ՀԿ-ների բացառման մասին որոշումը իտալական ԵԱՀԿ Նախագահությունը չէր հայտնել ՀԿ-ների գործընկերներին, ինչպես նաև 6-րդ Շրջանաձև ծանոթագրությունը ((MC.INF/8/18 of 12 November 2018), որը վերահաստատեց ԵԱՀԿ կանոնադրությունը՝ բացման և փակման նիստերին ՀԿ-ների ֆիզիկական ներկայության և ՀԿ-ների կենտրոնում Նախարարների խորհրդի նիստերի ուղիղ հեռարձակման վերաբերյալ: Միայն դեկտեմբերի 5-ի երեկոյան ՀԿ-ները տեխնիկական անձնակազմից տեղեկացան, որ նրանց թույլ չի տրվելու ֆիզիկապես ներկա գտնվել Նախարարների խորհրդի հանդիպմանը, այդ ժամանակ արդեն ուշ էր ԵԱՀԿ ղեկավարությանը դիմելու և խնդիրը լուծելու համար: Իտալիայի ԵԱՀԿ նախագահության հետ ժամանակավոր հաղորդակցության բացակայությունը, այսպիսով, պատճառ է հանդիսացել, որ հավատարմագրված ՀԿ-ների ներկայացուցիչները ապարդյուն ծախսեն իրենց ֆինանսական միջոցները 2018 թ. դեկտեմբերի 5-ին ԵԱՀԿ-ին զուգահեռ Քաղաքացիական համերաշխության հարթակի համաժողովից հետո մնալով ևս երկու լրացուցիչ օր ՝ առանց Նախարարների խորհրդի մասնակիցների հետ որևէ իմաստալից բանավեճի կամ փոխշփման: Տեղեկատվության և ՀԿ-ների համար մատչելիությունը պակասը, ցավոք սրտի, Իտալիայի նախագահության ընթացքում պարբերական դարձած խնդիր է:

Նշենք, որ ԵԱՀԿ գործող նախագահը՝ Իտալիայի արտաքին գործերի նախարար Էնցո Մոավերո Միլանեսին ՆԽ հանդիպման փակման ասուլիսում նշեց, որ ինքը տեղյակ չի եղել ՀԿ-ների բացառման մասին, և որ դա սխալ է և «բացասական փորձ, որը հետագայում չպետք է կրկնվի»: Մենք նաև գոհունակությամբ նշում ենք ապագա ԵԱՀԿ գործող նախագահ՝ Սլովակիայի արտաքին գործերի նախարար Միրոսլավ Լայչակի խոսքերն այն մասին, որ Սլովակիան մեծապես հավատարիմ է քաղաքացիական հասարակության հետ համագործակցությանը և 2019 թ․ Բրատիսլավայում ԵԱՀԿ կանոններին ամբողջական համապատասխանությամբ կապահովի ՀԿ-ների մուտքը ՆԽ:

Հուսով ենք, որ բոլոր մտահոգ կողմերը դասեր կքաղեն միլանյան բացասական փորձից: Մենք կրկին կոչ ենք անում ԵԱՀԿ բոլոր դերակատարներին, այդ թվում` նախագահություններին, գործադիր մարմիններին, ինքնավար կառույցներին և մասնակից պետություններին` պաշտպանել և ընդլայնել քաղաքացիական հասարակության տարածքը և ապահովել ԵԱՀԿ-ի իրադարձություններին նրանց չխոչնդոտված և նշանակալի մասնակցությունը:

Մասնավորապես, մենք կոչ ենք անում Սլովակիայի ապագա նախագահությանը

  • • նախագահող աշխատանքային խմբի կազմում նշանակել ՀԿ-ի հետ կապերի ներկայացուցիչ՝ որպես առանցքային մարմին քաղաքացիական հասարակության համար, և պարբերականորեն ՀԿ-ների ապահովել ԵԱՀԿ-ի առաջիկա միջոցառումների ժամանակացույցի և թեմաների, միջոցառումների ձևաչափերի և նախագահության համապատասխան որոշումների վերաբերյալ տեղեկություններ,
  • • ապահովել ՀԿ-ների իմաստալից մասնակցությունը ԵԱՀԿ-ի համապատասխան միջոցառումներին բոլոր երեք հարթություններում անվտանգության համապարփակ մոտեցմամբ,
  • • նշանակել քաղաքացիական հասարակության հարցերով գործող նախագահի անձնական ներկայացուցիչ ԵԱՀԿ տարածաշրջանում բազմակողմ մակարդակում քաղաքացիական հասարակության տարածքի կրճատման խնդրի առնչությամբ Սլովակիայի նախագահության ուժեղ քաղաքական դիրքորոշումը ցույց տալու համար,
  • • ապահովել ՀԿ-ների անարգել մուտքը Բրատիսլավայում կայանալիք ՆԽ հանդիպման բացման և փակման նիստերին և ՆԽ նիստերի ուղիղ հեռարձակումը ԵԱՀԿ կանոններով նախատեսված կերպով ՀԿ-ների կենտրոնում, ինչպես նաև ապահովել պայմաններ միասնական գոտում ՀԿ-ների կողմից հավելյան միջոցառումների անցկացման համար ևՀԿ-ներին ցանկացած համապատասխան տեղեկատվության ժամանակին տրամադրումը,
  • • ապահովել ԵԱՀԿ-ի գործող նախագահի կողմից ԵԱՀԿ զուգահեռ քաղաքացիական հասարակության համաժողովի արդյունքային փաստաթղթերի անհատական ստացում (այլ բարձր մակարդակի Եռյակի անդամների և ԵԱՀԿ դերակատարների հետ միասին),
  • • ապահովել, որ ԵԱՀԿ գործող նախագահը նշի ԵԱՀԿ զուգահեռ քաղաքացիական հասարակության համաժողովի արդյունքային փաստաթղթերի ստացման և ԵԱՀԿ ՆԽ-ում իր ելույթներում քաղաքացիական հասարակության հետ համագործակցության կարևորությունը (մասնավորապես, նրա բացման խոսքում),
  • • ապահովել ԵԱՀԿ զուգահեռ քաղաքացիական հասարակության համաժողովի արդյունքային փաստաթղթերի բաշխումը ԵԱՀԿ բոլոր դերակատարներին, այդ թվում՝ Եռյակին, գործադիր մարմիններին, ինքնավար կառույցներին և մասնակից պետություններին,
  • • իրականացնել առաջնորդություն և ընդունել ուժեղ դիրքորոշում քաղաքացիական հասարակության տարածքի պաշտպանության և ընդլայնման վերաբերյալ ԵԱՀԿ միջոցառումներին ՀԿ-ների հասանելիության վերաբերյալ շարունակվող բանակցությունների ընթացքում:

Լրացուցիչ տեղեկությունների համար դիմել Քաղաքացիական համերաշխության հարթակի (CSP) Քարտուղարությանը Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ հասցեով:

---

1 ԵԱՀԿ կանոնակարգ, էջ. 10, IV.2 (B)-ի 6-րդ պարբերություն (MC.DOC/1/06 of 1 November 2006).

2 «Եթե այլ բան որոշված չէ, բոլոր նիստերը, բացառությամբ քննարկվող և որոշման ենթակա օրակարգի առարկա հանդիսացող կետերի, պետք է ուղիղ հեռարձակվեն բոլոր աշխատանքային լեզուներով հեռուստատեսային կենտրոնում և ՀԿ-ների կենտրոնում` փակ համակարգային հեռուստատեսությամբ»։ Տե՛ս նույն տեղում։

http://www.civicsolidarity.org/article/1565/shrinking-space-civil-society-osce-hits-new-low-ministerial-council-meeting-milano

  • Դիտումներ: 36
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association