• Slideshow1
  • John Hay
  • vladimir-visotskiy
  • Honoré Mirabeau 4
  • Hunter S tomson
  • «Ժողովրդավարությունը վատ վարչակարգ է, բայց ոչ ոք ավելի լավը դեռ չի հորինել»:

    Ուինստոն Չերչիլ ,Բրիտանացի քաղաքական գործիչ
  • «Պետական բռնակալության սարսափը հազվադեպ է տեսնում նա, ով չի փորձում դրան դիմակայել»:

    Ջոն Հեյ ,Ամերիկացի դիվանագետ
  • «Իրական խենթերը քիչ են, ահա և չկա առաջնորդ»:

    Վլադիմիր Վիսոցկի ,Դերասան և պոետ
  • «Կամավոր ստրուկներն ավելի շատ բռնապետներ են ստեղծում, քան թե բռնապետները՝ ստրուկներ»:

    Օնորե Գաբրիել Միրաբո ,Ֆրանսիացի քաղաքական գործիչ
  • «Ազատությունը մեռնում է այն ժամանակ, երբ այն պետք չէ»:

    Հանթեր Ս. Թոմսոն, ամերիկացի լրագրող

Կլոր-սեղան հանդիպման հրավեր

Helsinkyani_nkar_gunavor.jpg

«Մարդու իրավունքների դիտորդում և շահերի պաշտպանություն» ծրագրի շրջանակներում «Հելսինկյան ասոցիացիան» հրավիրում է առաջին կլոր-սեղան հանդիպումը, որը տեղի կունենա 2018թ․ ապրիլի 13-ին, ուրբաթ, ժամը 11․00-13․00-ին, «Անի Պլազա» հյուրանոցի «Գառնի» սրահում։

Հանդիպումը կրում է աշխատանային բնույթ, որին հրավիրված են Փաստաբանների պալատի, Հանրային պաշտպանի գրասենյակի, հասարակական կազմակերպությունների, լրատվամիջոցների ներկայացուցիչներ, անհատ փաստաբաններ՝ հանրային պաշտպանության համակարգում առկա խնդիրներն ու դժվարությունները քննարկելու, ինչպես նաև իրավիճակի բարելավմանն ուղղված առաջարկներ ներկայացնելու նպատակով։ Երկրորդ հանդիպումը նախատեսում ենք հաջորդ ամիս, որն ավելի ընդլայնված ու ներկայացուցչական բնույթ կկրի և ուղղված կլինի ստացված առաջարկների ամփոփմանը։

Օրակարգում՝

  • Հայաստանի Հանրապետությունում հանրային պաշտպանության համակարգում առկա խնդիրների հակիրճ ներկայացում,
  • ԱՄՆ և եվրոպական մի շարք երկրների հանրային պաշտպանության համակարգերի ուսումնասիրության արդյունքների հակիրճ ներկայացում,
  • քննարկումներ, առաջարկների ներկայացում։

Ծրագիրը նպատակաուղղված է Երևան, Գյումրի և Վանաձոր քաղաքներում արդարադատության արդյունավետության բարձրացմանը, հասարակության իրավական իրազեկման և իրավական պաշտպանունակության զարգացմանը: Գործողությունների շարքում իրականացվում է նաև հանրային պաշտպանների ներգրավվածությամբ դատական գործերի դիտորդում տարբեր ատյանների դատարաններում։

«Հելսինկյան ասոցիացիա» ՀԿ

  • Դիտումներ: 108
0
0
0
s2sdefault

Մամուլի հաղորդագրություն

2018թ․ մարտի 19-ին, ժամը 11.00-13.00-ին, «Անի Պլազա» հյուրանոցի «Նաիրի» սրահում տեղի ունեցավ Քաղաքացիական համերաշխության հարթակի (Civic Solidarity Platform, www.civicsolidarity.org) կողմից Հայաստանում իրականացրած փաստահավաք առաքելության «Ապակե պատից այն կողմ. Արդարդատավարության իրավունքը «Սասնա ծռերի» գործերում» զեկույցի ներկայացման արարողությանը։

Զեկույցն ամփոփում է Քաղաքացիական համերաշխության հարթակի շրջանակներում Մարդու իրավունքների միջազգային գործընկերության (IPHR, www.iphronline.org) կողմից կազմակերպած փաստահավաք առաքելության արդյունքները: Ամբողջական զեկույցը հասանելի է www.hahr.amկայքում (տես՝ https://goo.gl/2d6yyi):

Զեկույցը ներկայացրեց Լեհաստանում Մարդու իրավունքների հելսինկյան հիմնադրամի հետազոտությունների բաժնի պատասխանատու Ջոանա Սմետեկը։

Միջոցառմանը ներկա էին Հայստանում գործող օտարերկրյա դիվանագիտական առաքելությունների, միջազգային կառույցների և մարդու իրավունքների ոլորտում գործող կազմակերպությունների ներկայացուցիչներ, ինչպես նաև փաստաբաններ, ժուռնալիստներ, ակտիվիստներ։

 Առաքելությունը տեղի է ունեցել 2017թ. սեպտեմբերի 3-9-ըԵրևանում, նպատակ ունենալով հաստատել «Սասնա ծռերի» դատավարություններում մեղադրյալների պաշտպան փաստաբանների առջև ծառացած խոչընդոտների վերաբերյալ փաստերը: Առաքելության պատվիրակներն անցկացրել են 33 հարցազրույց 45 փաստաբանների, հասարակական կազմակերպությունների, ակտիվիստների, լրագրողների, Փաստաբանների պալատի, ինչպես նաև Հայաստանի իշխանություններիների ներկայացուցիչների հետ:

 «Հելսինկյան ասոցիացիա» ՀԿ

Էլ․փոստ՝ ..

www. hahr.am, www.hrtv.am

  • Դիտումներ: 182
0
0
0
s2sdefault
28908367_1735474779845592_1185719340_n.jpg

Դատարանն ու Փաստաբանների պալատը հանրությանը ծառայող երկու կարևոր կառույցներն են, որոնց թափանցիկ աշխատանքը հանրության համար պետք է լինի բացարձակին մոտ: Հրապարակայնության որևէ սահմանափակում պետք է ուղղակիորեն սահմանվի սահմանադրությամբ կամ օրենքով:

Շուրջ 4 ամիս է՝ ՓՊ խորհրդում կարգապահական վարույթներով նիստերն անց են կացվում փակ: Այդ նիստերի ճնշող մեծամասնությունը վերաբերում են քաղաքական գործերով սանկցիայի ենթարկված, ինչպես նաև պալատին կամ իշխանության մարմիններին որևէ կերպ քննադատող փաստաբաններին: Որպես կանոն, խորհուրդը հաճույքով տույժի է ենթարկում փաստաբաններին: Զարմանալի ոչինչ չկա: Պարզապես պետք է արձանագրել՝

շարունակել կարդալ

  • Դիտումներ: 1582
0
0
0
s2sdefault
Adanalyan_Ruzanna.jpg

Ռուզաննա Ադանալյանն արդեն  չորս տարի պայքարում է 25-ամյա որդու՝ Արտյոմ Ադանալյանի սպանության իրական մեղավորներին պատասխանատվության ենթարկելու և արդարադատության կայացման համար:

Շիրակի մարզի  ընդհանուր իրավասության դատարանում ավարտին է մոտենում Արտյոմ Ադանալյանի սպանության գործով դատավարությունը։
Դատավարության ընթացքում դատավոր Աշոտ Մանուկյանը արդյունավետ կերպով չի իրացրել, բազմիցս խախտել և սահմանափակել է կնոջ արդար դատաքննության իրավունքը՝ թույլ չտալով նրան անգամ միջնորդություններ ներկայացնել դատաքննության ընթացքում։ Արդյունքում՝ դատավարության ողջ ընթացքում կոծկվել են բազմաթիվ խախտումներ, որոնք տեղի են ունեցել  Արտյոմ Ադանալյանի սպանության գործի քննության ընթացքում։
Որդեկորույս մայրն իրականացրել է  սեփական հետաքննությունը, ուսումնասիրել դատական բժշկություն, օրենսդրությունը, հայտնաբերել աղաղակող խախտումներ։
Ռուզաննա Ադանալյանը պնդում է, որ որդու սպանությունը եղել է խմբակային և ոչ թե մեկ անձի կողմից, ինչպես ներկայացվում է քրեական գործում: Նրա համոզմամբ որդու սպանությանը նպաստել և  օժանդակել են իրավապահ մարմնի բարձաստիճան պաշտոնյաներ: Ավելին՝ տուժողի իրավահաջորդը տվյալներ է ձեռքբերել, համաձայն որոնց` որդուն դանակով հարվածելուց հետո նաև թունավորել են շտապօգնության աշխատակիցները: Ըստ փորձաքննության արդյունքների` դեպքի վայրում հայտնաբերվել է շտապօգնության կողմից ներարկված «Ատրոպին» դեղամիջոցի սրվակ, որի փորձաքննությամբ պարզվել է, որ սրվակում առկա է եղել նաև թունավոր նյութ։
Ռուզաննա Ադանալյանը համոզված է, որ որդու սպանությունը եղել է պատվիրված՝ անձնական թշնամության դրդապատճառով: Ռուզաննա Ադանալյանը որդու սպանության պատվիրված լինելու և իրավապահների մասնակցության մասին ահազանգել է համապատասխան պետական մարմիններին, պատվիրատուի մասին հայտնել է նաև Ոստիկանության 6-րդ վարչությանը, սակայն ապարդյուն։

Բացի պետական մարմինների ճնշումներից՝ կնոջը անընդհատ հալածում և սպառնում է նաև նրա ամուսինը, որը ներկա է եղել որդու սպանությանը, սակայն այժմ սպառնում և պահանջում է, որ կինը չպայքարի արդարության համար։
«Ընդդեմ կանանց նկատմամբ բռնության» կոալիցիան ահազանգում է  Ռուզաննա Ադանալյանի կյանքին և առողջությանը սպառնացող վտանգի մասին։ Կինը հայտնվել է սպառնալիքների թիրախում, նրան բազմիցս ծեծի են ենթարկել այդ թվում պետական տարբեր մարմիններում և դատարանում։ Նրա նկատմամբ կազմակերպվել է վրաերթ, որի վերաբերյալ հարուցվել է քրեական գործ։ Կինն այժմ գտնվում է խիստ խոցելի և անպաշտպան վիճակում։  Ուստի՝
Պահանջում ենք
Դատարանից՝ վերականգնել կնոջ արդար դատաքննության իրավունքը։
ՀՀ դատախազությունից՝ ուղղակի վերահսկողություն սահմանել Շիրակի մարզի ընդանուր իրավասությունների դատարանում քննվող Արտյոմ Ադանալյանի սպանության վերաբերյալ գործի արդար քննության և դեպքի իրական հանգամանքների բացահայտման նպատակով։
ՀՀ իրավապահ համակարգից՝ ապահովել Ռուզաննա Ադանալյանի անվտանգությունն ու նրա ներկայացրած ապացույցների վերաբերյալ իրականացնել բազմակողմանի, օբյեկտիվ և սպառիչ քննությունը։

Կոչ ենք անում իրավապաշտպան խմբերին միանալ  ի պաշտպանություն Ռուզաննա Ադանալյանի արված հայտարարությանն ու կազմակերպվելիք հանրային միջոցառումներին։

 «Ընդդեմ կանանց նկատմամբ բռնության» կոալիցիա

«Հելսինկյան ասոցիացիա» ՀԿ
«Հելսինկյան քաղաքացիական ասամբլեայի Վանաձորի գրասենյակ» ՀԿ
«Հանուն հավասար իրավունքների» ՀԿ
Աննա Շահնազարյան
«Կանանց իրավունքների տուն» ՀԿ
«Իրավական նախաձեռնությունների կենտրոն» ՀԿ
«Մեդիա նախաձեռնությունների կենտրոն» ՀԿ
«Խաղաղության երկխոսություն» ՀԿ
Ծովինար Նազարյան
«Հանրային լրագրության ակումբ» ՀԿ
«Էկոլուր» ՀԿ
Լիդա Մինասյան
«Նոր սերունդ» մարդասիրական ՀԿ
«Մեղրու կանանց ռեսուրս կենտրոն» ՀԿ
«Սոսե կանանց հիմնահարցեր» ՀԿ
«Իրավունքի ուժ» ՀԿ
«Ռեգիոնալ զարգացման համագործակցություն» ՀԿ
«ՀԿԿԱ  Էջմիածնի մասնաճյուղ» ՀԿ
«Սոցիալ աջակցություն» ՀԿ
  • Դիտումներ: 1190
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association