Դատարանում հնչեց Արտակ Նազարյանի գործով մեղադրական ճառը. Տեսանյութ

nazaryan12Մարտի 13-ին Տավուշի մարզի Ընդհանուր իրավասության դատարանում դատավոր Սամվել Մարդանյանի նախագահությամբ անցած նիստի ժամանակ հնչել է 2010 թվականին Տավուշի մարզի «Մեհրաբ» զորամասում զոհված լեյտենանտ Արտակ Նազարյանի գործով մեղադրական ճառը:

 

Մեղադրող դատախազներ Հարություն Հարությունյանը և Հայկ Հարոյանը մեղադրյալ Հակոբ Մանուկյանի համար պահանջել են 13 տարվա ազատազրկում, Վահագն Հայրապետյանի, Ադիբեկ Հովհաննիսյանի և Մխիթար Մխիթարյանի համար՝ 4 տարվա, իսկ Հարութիկ Կիրակոսյանի՝ 2 տարվա:

Տուժողի իրավահաջորդ Ծովինար Նազարյանը ճառին պատրաստվելու համար 2-3 շաբաթ ժամանակ է խնդրել՝ պատճառաբանելով դա իր և ընտանիքի անդամների առողջական խնդիրներով: Դատավոր Սամվել Մարդանյանը հաջորդ դատական նիստը նշանակել է մարտի 26-ին:

Հիշեցնենք, որ ըստ պաշտոնական վարկածի՝ Արտակ Նազարյանը ինքնասպանություն է գործել. նրան ինքնասպանության հասցնելու մեջ մեղադրվում են զորամասի մի քանի զինծառայողներ: Թե’ տուժող, թե’ մեղադրվող կողմի ներկայացուցիչները մշտապես դժգոհել էն քրեական գործի ընթացքից, դատախազներին և դատավորին մեղադրել են կողմնապահության մեջ: Պաշտպանական կողմը համաձայն չէ պաշտոնական վարկածի հետ և նշում է, որ գործում բազմաթիվ բացթողումներ կան, իսկ Արտակ Նազարյանը ոչ թե ինքնասպանություն է գործել, այլ սպանվել է:

Նշենք, որ ամբաստանյալներ Հակոբ Մանուկյանը, Վահագն Հայրապետյանը, Ադիբեկ Հովհաննիսյանը, Մխիթար Մխիթարյանը և Հարութիկ Կիրակոսյանը մեղադրվում են ինքնասպանության հասցնելու, իշխանությունը չարաշահելու, իշխանազանցության կամ իշխանության անգործության, ինչպես նաև հանցագործությանը օժանդակելու մեջ:

Տեղեկատվությունը` Epress.am-ի:

  

Տեսանյութը` Հելսինկյան Ասոցիացիայի:

  • Տեղադրված .
  • Դիտումներ: 1012
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association