Փաստաբանների հետապնդումներ

Դատարանը Վահե Գրիգորյանի հայցով որոշում է հրապարակելու

098.jpg

Երեւան քաղաքի ընդհանուր իրավասության դատարանում այսօր վերսկսվեց փաստաբան Վահե Գրիգորյանն ընդդեմ փաստաբանների պալատի հայցով նիստը։

Դեռ օգոստոսի 28-ին այս գործով պետք է որոշում հրապարակվեր, սակայն դատավոր Ռուբեն Վարդազարյանը որոշել էր դատաքննությունը վերսկսել։ Դատավորը գտել է, որ լրացուցիչ ապացույցներ հետազոտելու անհրաժեշտություն կա:

Փաստաբան Վահե Գրիգորյանը դատարանից պահանջում էր անվավեր ճանաչել   պալատի նախագահի  և խորհրդի որոշումները։ Նա մեղավոր է ճանաչվել «Փաստաբանի վարքագծի կանոնագրքի» խախտման համար։  Իսկ մեղավոր ճանաչվելու համար հիմք էր հանդիսացել փաստաբան Գեւորգ Գեւորգյանի դիմումը։

Պատմությունը սկսել էր  փաստաբաններից Տիգրան Աթանեսյանի ՖԲ-ում «Attorney at Law» խմբում կատարած գրառումից հետո, հայցվոր Վահե Գրիգորյանի կողմից տրված  մեկնաբանությունից հետո։

«Ինձ թվում է, որ դու [դիմելով պրն. Տ. Աթանեսյանին] պետք է փաստաբանների դպրոցում ժամեր վերցնես դասավանդելու համար «Ինչպիսին չպետք է լինեն Փաստաբանների պալատը եւ այն ներկայացնող անձինք» թեմայով եւ, որպես ուսումնական նյութեր, ունկնդիրներին բաժանես քո գործերով եւ դիմումների հիման վրա քեզ ուղղված նամակները: Իսկ այս նամակի 2-րդ կետին նախորդող պարբերության հեղինակը, որի մտքով անցել է նման պատասխան գրել փաստաբանին, իմ կարծիքով տառապում է կրիտինիզմով՝մի հիվանդություն, որը որոշակի հորմոնային անբավարարության հետեւանքով ժամանակին շեշտակիորեն դանդաղեցրել կամ առհասարակ կասեցրել է անձի մտավորզարգացումը: Դրահամար, չեմ օգտագործի նրա նկատմամբ վիրավորական արտահայտություն՝հասկանալով, որ դա ֆիզիկական դիսֆունկցիայի հետեւանք է»,- գրված էր մեկնաբանության մեջ։

Այսօրվա դատական նիստին Վահե Գրիգորյանն ու նրա ներկայացուցիչը չէին ներկայացել։ Դատավորը մի քանի հարց ուղղեց Փաստաբանների պալատի ներկայացուցիչներին, մասնավորապես՝ Գեւորգ Գեւորգյանը փաստաբան է, թե՞ պալատի աշխատակազմի ներկայացուցիչ, ինչպես նաեւ ՖԲ «Attorney at Law» խմբում միայն փաստաբաննե՞ր են ընդգրկված, թե՞ այլ անձինք էլ կան։

Փալատի ներկայացուցիչ Արտաշես Խալաթյանը նշեց, որ Գեւորգ Գեւորգյանը հանդիսանում է փաստաբան։ Իսկ մյուս ներկայացուցիչը՝ Էմիլ Ամիրխանյանը, ավելացրեց, որ խմբում կարող են լինել նաեւ իրավական թեմաներ լուսաբանող լրագրողներ։

Դատավոր Ռուբեն Վարդազարյանը դատաքննությունը համարեց ավարտված։ Որոշումը կհրապարակվի հոկտեմբերի 30-ին։

  • Տեղադրված .
  • Դիտումներ: 14
0
0
0
s2sdefault

Ռուսաստանում պաշտպանին ձերբակալել և ծեծի են ենթարկել

094.jpg

 

Պահանջում են ազատել պաշտպան Միխայիլ Բենյաշին և քննել նրա հայտարարությունները ոստիկանության անթույլատրելի գործողությունների վերաբերյալ

Human Rights Watch-ը հայտնում է, որ ՌԴ-ի հարավային շրջանում՝ Կրասնոդարում, ոստիկանությունը ձերբակալել է պաշտպանին, զրկել արտաքին աշխարհի հետ կապից և ծեծի ենթարկել կալանավայրում: Իշխանությունները պետք է անհապաղ ազատ արձակեն իրավաբան Միխայիլ Բենյաշին և հետաքննեն ոստիկանությունում կալանքի ժամանակ դաժան վերաբերմունքի մասին նրա հայտարարությունները: Բացի այդ իշխանությունները պետք է դադարեն նրա դեմ քաղաքական ուղղվածություն ունեցող մեղադրանքներ ներկայացնելուց:

Ոստիկանությունը ձերբակալել է Բենյաշին 2018թ. սեպտեմբերի 9-ին, երբ նա հանդիպում էր իր հաճախորդի հետ, ով պատրաստվում էր մասնակցել կառավարության որոշման դեմ կազմակերպված ցույցերին: Կառավարության նոր որոշմամբ բարձրացվել է կենսաթոշակային տարիքը: Այդ օրը Ռուսաստանի 39 քաղաքներում, այդ թվում նաև Կրասնոդարում, ցույցեր էին կազմակերպվել:

Բենյաշը ներկայացնում էր Ռուսաստանի հարավում ձերբակալված ցուցարարներին: Human Rights Watch-ը գտնում է, որ իրավապահ մարմինները 2018թ. չլիցենզավորված ցույցերի և դրանց մասնակիցների նկատմամբ բռնի ուժ են կիրառել: Բենյաշի փաստաբան Ալեքսեյ Ավանեսյանը Human Rights Watch-ին տեղեկացրել է, որ Բենյաշը Կրասնոդար է ժամանել Սոչիից ցույցի նախորդ օրը ցուցարարներին ձերբակալության դեպքում փաստաբան օգնություն տրամադրելու համար:

Բենյաշին բռնի ուժով են տարել ոստիկանություն, որից հետո հերքել նրա այնտեղ գտնվելու լուրը: Բենյաշի փաստաբանը նրան ոստիկանությունում գտել է աթոռին ձեռնաշղթաներով կապված, նրա դեմքը ծեծված և արյունոտված, շրջապատված 3 ոստիկաններով:

Ավանեսյանը պահանջել է իր հաճախորդի հետ առանձին զրուցելու հնարավորություն տրամադրել: Բենյաշն Ավանեսյանին պատմել է, որ ոստիկանները նրան ծեծի են ենթարկել ավտոմեքենայում և ոստիկանության բաժանմունքում: Նա պատմել է, որ ոստիկաններից մեկը նրան հարվածել և հրել է, որի արդյունքում նա գլխով երկաթե չհրկիզվող պահարանին է դիպել, որի պատճառով վնասվել է լսողությունը։

Սեպտեմբերի 10-ին վարչական դատարանը Բենյաշին դատապարտել է 14 օրվա ազատազրկման ոստիկանության «աշխատակցի նկատմամբ անհնազանդություն ցուցաբերելու և հասարակական ցույցերի կարգը խախտելու համար»: Նրա ազատման օրն իշխանությունները նրան կրկին ձերբակալել են՝ «արդարադատությանը խոչընդոտելու և ոստիկանության աշխատակցի վրա հարձակվելու մեղադրանքով»:

Սեպտեմբերի 28-ին Կրասնոդարի շրջանային դատարանը Բենյաշին դատապարտել է 2 ամսվա նախնական կալանքի:

Human Right Watch-ը գտնում է, որ Բենյաշին ոստիականի վրա հարձակման մեղադրանքով մինչ հետաքննությունը կալանքի տակ պահելու համար հիմքերը բացակայում են: Ռուսաստանը Մարդու իրավունքների եվրոպական համաձայնագրի մասնակից կողմերից է, իսկ Մարդու իրավուքների եվրոպական դատարանը բազմիցս նշել է, որ դատարանները նախնական կալանքի ժամանակ չպետք է հիմնվեն «ընդհանուր և վերացական» փաստարկների վրա:

Ավելի մանրամասն՝ https://www.hrw.org/news/2018/10/04/russia-defense-lawyer-arrested-beaten:

  • Տեղադրված .
  • Դիտումներ: 13
0
0
0
s2sdefault

Հրատապ թողարկման համար

092.jpg

Զեկույցը բացահայտում է ակտիվիստների սպանությունների թվի աղետալի աճը

Ըստ նոր «Վե՛րջ տալ սպանություններին» համատեղ զեկույցի, որը վերլուծում է մահացու հարձակումներն ակտիվիստների վրա վեց երկրներում, Front Line Defenders-ը և HRD Memorial Network-ն արձանագրել են 2014 թվականից խաղաղ իրավապաշտպանների 1000-ից ավելի թիրախավորված սպանություններ: Փաստագրված ավելի քան 80% իրավապաշտպանների սպանությունները տեղի են ունեցել հիմնականում Բրազիլիայում, Կոլումբիայում, Գվատեմալայում, Հոնդուրասում, Մեքսիկայում և Ֆիլիպիններում: Միայն Կոլումբիայում արդեն այս տարի շուրջ 100 իրավապաշտպաններ են սպանվել:

Սպանությունները պատահական չեն: Ըստ Front Line Defenders-ի՝ խաղաղ իրավապաշտպան ակտիվիստների թիրախավորված սպանությունները համաճարակային բնույթ են կրում: 2017թ. տարեկան զեկույցում Front Line Defenders-ն արձանագրել էր ավելի քան 300 իրավապաշտպանների սպանություններ 27 երկրներում: Սպանվածների երկու երրորդը պաշտպանել են շրջակա միջավայրը, հողը և բնիկ ժողովուրդների իրավունքները, հաճախ հեռավոր, գյուղական վայրերում, որոնք պաշտպանության, փաստագրման, հաշվետվության և արդարադատության տեսանկյունից անմատչելի են: Առկա տվյալների հիման վրա սպանությունների ընդամենը 12 տոկոսի դեպքում է տեղի ունեցել կասկածյալների ձերբակալում:

«Ամեն մի երկրում, որտեղ մահվան դեպքերն աճում են պետության և բիզնեսի միջև տնտեսական կոռուպցիան և գաղտնի քաղաքական միաբանությունն իրենց ազդեցությունն են ունեցել քաղաքական համակարգի վրա, որը ձևավորվել է էլիտային իշխանությունը վերևում պահելու և անօրինական լռություն պահպանելու համար»,- ասում է Front Line Defenders-ի HRD Memorial Project-ի ղեկավար Ջիմ Լաֆրանը: «Իրենց անգործությունն արդարացնելու համար տասնամյակներ շարունակ Բրազիլիայի, Կոլումբիայի, Գվատեմալայի, Հոնդուրասի, Մեքսիկայի և Ֆիլիպինների կառավարություններն օգտագործել են տաղտկալի և անհեթեթ պատճառաբանություններ՝ ահաբեկչության կազմակերպված հանցագործություններ, թմրանյութերի վաճառքով զբաղվող բանդաներ։ Նրանք շրջանառության մեջ են դնում մի առասպել, թե մեծաքանակ զենքերով կկարողանան կարգավորել իրադրությունը: Այս պարզունակ և վտանգավոր վերլուծությունը անտեսում է կոռուպցիան՝ որպես բռնության հիմնական պատճառ»:

«Վերջ տալ սպանություններին» զեկույցը ներառում է գլուխներ, որոնցում վեց պետություններից յուրաքանչյուրը ներկայացված են տեղերում ռիսկի ենթարկվող ակտիվիստների հետ համագործակցությամբ, ովքեր ամեն օր ենթարկվում են ծանր սպառնալիքների աճող բռնության արձանագրման և դրա դեմ քարոզչության համար: Չնայած սոցիալական և քաղաքական տարբերություններին, վեց պետություններից յուրաքանչյուրը տառապում է խաղաղ տարակարծության բռնի ճնշումներից և արդարադատական համակարգի և կորպորատիվ շահ համակցվածությունից: Զեկույցը նաև շեշտում է արևմտյան կառավարությունների կեղծավորությունը, ովքեր իբրև աջակցում են ժողոովրդավարությանն ու մարդու իրավունքներին, սակայն շարունակում են անմիջական ֆինանսական և անվտանգության աջակցություն տրամադրել աշխարհի որոշ առավել ճնշող վարչակարգերի:

«Այս զեկույցում ներկայացված բոլոր երկրներում իրականացվել է հսկայական ֆինանսավորում, ուսուցում և զենքի մատակարարում, անվտանգության տեխնիկայի և տեխնիկական աջակցություն ոստիկանությանը, հետախուզական և ռազմական ուժեր, ովքեր ներքաշված են իրավապաշտպանների սպանությունների մեջ»,- ասում է Front Line Defenders-ի գործադիր տնօրեն Էնդրյու Անդերսոնը: «Կոռումպացված բռնապետերն ու ամբոխավար իշխանության ներկայացուցիչները համարձակվում են հարձակվել ոչ միայն իրավապաշտպանների, այլև հենց մարդու համընդհանուր իրավունքների գաղափարի վրա»:

Իրավապաշտպանների սպանության և նրանց դեմ բռնության զեկույցում մանրամասն ներկայացված հիմնական գործոնների շարքում են իրավապաշտպանների դեմ արատավորող և զրպարտող քարոզարշավները, երբ նրանց մեղադրում են «հակապետականության» և «զարգացման դեմ պայքարի» մեջ, բռնի կամ ապակայունացնող ուժերը, տնտեսական քաղաքական ուղղությունները, որոնք առաջացնում են բնական ռեսուրսների անխոհեմ վատնում ի վնաս շրջակա միջավայրի և հողի, համայնքային ճամբարների և բնիկ ժողովուրդների իրավունքների ճանաչումն ու պաշտպանությունը մերժելը, իրավապաշտպանների վրա հարձակումների փաստահավաքման և հետաքննության համար ազդեցիկ համակարգի և պաշտպանության ապահովման բացակայությունը, իրավապաշտպանների սպանությունների ժամանակ պետության և/կամ դրա գործակալների միջև գաղտնի համաձայնությունը: Լրացուցիչ տեղեկությունների համար դիմել Էրին Քիլբրայթին, +353857423767, .">.:

Խմբագրության կողմից

HRD Memorial-ը (www.hrdmemorial.org), որը մշակվել է ազգային և միջազգային իրավապաշտպան կազմակերպությունների կոալիցիայի կողմից, հավաքում է դեպքերի վերաբերյալ նյութեր և հարգանքի տուրք է մատուցում այն իրավապաշտպանների հիշատակին, ովքեր սպանվել են սկսած 1998թ.-ից, երբ կոնսենսուսով ընդունվեց իրավապաշտպանների մասին ՄԱԿ-ի հռչակագիրը: Առաջին անգամ HRD Memorial-ի կայքէջը և տվյալների բազան սկսում է իրական պատկեր տալ իրավապաշտպանների սպանությունների մասշտաբների վերաբերյալ: HRD Memorial-ի նպատակն է լինել ոչ միայն հիշատակի հուշարձան և տվյալների բազա, այլև այն իրավապաշտանների կյանքի տոնակատարությունը, իրավապաշտպանների աշխատանքն ու ձեռքբերումները, ովքեր սպանվել են իրենց խաղաղ իրավապաշտպան գործունեության պատճառով:

Զեկույցի առանձնացված տվյալներ

Բրազիլիա

Dom Tomás Balduino փաստահավաք կենտրոնը 2016թ. արձանագրել է 66 իրավապաշտպանների սպանության դեպք: 2017թ. մասսայական սպանությունների թվի աճ է նկատվում այնպես, որ այդ տարի արձանագրվել է 70 սպանության դեպքերից 28-ի դեպքում իրավապաշտպաններ են, 40%-ը սպանվել են կոտորածի ժամանակ:

Կոլումբիա

Չնայած կառավարության և Կոլումբիայի հեղափոխական զինված ուժերի միջև ձեռք բերված խաղաղության համաձայնությամբ վերջին 30 տարիների ընթացքում հիմնական բնակչության շրջանում սպանությունների ամենացածր թիվն է գրանցվել, իրավապաշտպանների սպանությունների թիվը զգալիորեն աճել է: 2018թվականին իրավիճակը չի բարելավվել. 2018թ. առաջին կեսին սպանվել է շուրջ 100 իրավապաշտպան:

Գվատեմալա

Իրավապաշտպաններին զրպարտող քարոզարշավները, նրանց պաշտպանվածության բացակայությունը և հարձակումները պատշաճ կերպով հետաքննելն ստեղծել են մի իրավիճակ, երբ տեղի են ունենում իրավապաշտպանների անպատիժ սպանություններ: Front Line Defenders-ի 2014թ. և 2017թ. տարեկան զեկույցներում արձանագրվել է ընդհանուր առմամբ 45 իրավապաշտպանների սպանությունների մասին: Այս տարի մինչև հիմա սպանվել է 19 իրավապաշտպան, որոնցից 9-ը նույն իրավապաշտպան կազմակեերպության՝ CODECA-ի անդամներ էին:

Հոնդուրաս

2014-2017թթ., 4 տարիների ընթացքում Front Line Defenders-ն արձանագրել է ընդհանուր առմամբ 64 իրավապաշտպանների սպանություններ: Ի տարբերություն 2016թվականի ցուցանիշի՝ 2017թ. սպանված իրավապաշտպանների թիվն զգալիորեն նվազել է, սակայն դա պայմանավորված էր Բերթա Կասերեսի սպանության հարցով բարձրացված միջազգային աղմուկով, այլ ոչ թե մարդու իրավունքների իրավիճակի իրական բարելավմամբ:

Մեքսիկա

2016թ. հունիս - 2017թ. մայիս ամիսների ընթացքում Մեքսիկայում իրավապաշտապանների վրա տեղի է ունեցել 1442 հարձակում, այսինքն՝ օրական 4 դեպք: Միայն Չիապաս և Օախակա նահանգներում օրական 2 իրավապաշտպան է հարձակման ենթարկվում: 2013-2018թթ․ ընթացքում իրականացված 144 սպանություններից 31-ը բաժին է հասնում Օախակային։ 2017թ. սպանվել է 48 իրավապաշտպան, որոնց 58%-ը 4 հիմնական խմբերի են պատկանում՝ իրավապաշտպաններ, ովքեր պաշտպանում են խոսքի ազատությունը և լրագրությունը, իրավապաշտպաններ, ովքեր պաշտպանում են բնիկ ժողովուրդների իրավունքները, իրավապաշտպաններ, ովքեր պաշտպանում են տարածքային/հողային իրավունքները և իրավապաշտպաններ, ովքեր պաշտպանում են արժանապատիվ կենսամակարդակի իրավունքը: 2018թ. առաջին 6 ամիսների ընթացքում սպանվել է 27 իրավապաշտպան:

Ֆիլիպիններ

Ֆիլիպիններում, որտեղ իրավապաշտպաններն արդեն վաղուց թիրախավորված են, արտադատական մահապատիժներն իրավապաշտպանների համար շարունակում են մնալ որպես ամենավտանգավոր սպառնալիք: Առոյոյի նախագահության տարիներին (2001-2010թթ.)՝474 իրավապաշտպաններ, իսկ Աքինոյի նախագահության տարիներին (2010-2016թթ.) սպանվել են 139 իրավապաշտպաններ: Ներկայումս այս ամենը շարունակվում է: Front Line Defenders-ը 2017թ. իր տարեկան զեկույցում Ֆիլիպիններում արձանագրել է իրավապաշտպանների 60 սպանության դեպք, այն դարձնելով Ամերիկայից դուրս իրավապաշտպանների սպանության թվով ամենաբարձր ցուցանիշն ունեցող երկիրը, որտեղ նախորդ տարվա համեմատությամբ սպանությունների թիվը կրկնապատկվել է:

https://www.frontlinedefenders.org/en/launch-stop-killings-report

  • Տեղադրված .
  • Դիտումներ: 29
0
0
0
s2sdefault

Մարտի 1-ի եւ 2-ի որոշումները փաստաբանը նոր է ստացել

077.PNG

Մարտի 1-ի եւ 2-ի որոշումները փաստաբանը նոր է ստացել

Փաստաբանների պալատի խորհրդի 2018 թ մարտի 1-ին որոշումը փաստաբան Նինա Կարապետյանցը ստացել է օրեր առաջ:

Նախորդ տարվա օգոստոսի 9-ին Պալատում մուտքագրվել է Էրեբունի եւ Նուբարաշեն վարչական շրջանների ընդհանուր իրավասության դատարանի դատավոր Արտուշ Գաբրիելյանի դատական սանկցիա կիրառելու մասին որոշումը:

Նախապատմությունը եղել է այն, որ 03.08.17 թ հերթական դատական նիստում դատարանին է հանձնվել անձին զննության ենթարկելու վերաբերյալ արձանագրություն:

Ըստ արձանագրության՝ նիստը սկսելուց անմիջապես առաջ դատական կարգադրիչը ցանկացել է զննության ենթարկել պաշտպան Նինա Կարապետյանցին, ով հրաժարվելով ներկայացնել իր մոտ առկա իրերը, որոնք հատուկ նախատեսված ստուգիչ սարքի կողմից ազդանշան են տվել, հրաժարվել է դատարանի վարչական շենք մուտք գործելուց եւ ըստ էության դատական նիստին մասնակցելուց։

   Արձանագրության վերաբերյալ գրավոր առարկությամբ է հանդես եկել Նինա Կարապետյանցը՝ նշելով, որ իր պարտականությունները կատարելու համար ներկայացել է դատարան, իրեն առաջարկվել է անցնել զննություն, ինքը համաձայնվել է, սակայն նշված գործողությունները փաստացի վերածվել են խուզարկության, ինչից հրաժարվել է, քանի որ դա արգելված է օրենքով: Առաջարկվել է պայուսակը թողնել պահարանում, սակայն քանի որ դրա մեջ գտնվել են իր աշխատանքային գործիքները եւ քրեական գործի նյութերը, ինքը հրաժարվել է:

   Դատարանը գտել է, որ Նինա Կարապետյանցն իր դատավարական իրավունքներից օգտվել է անբարեխղճորեն եւ առանց հարգելի պատճառի՝ չի կատարել իր դատավարական պարտականությունները, ինչով խոչընդոտել է դատական նիստի բնականոն ընթացքին՝ անհարգալից վերաբերմունք դրսեւորելով դատարանի եւ դատավարության մասնակիցների նկատմամբ:

Փաստաբանների պալատում հարուցված կարգապահական գործով Նինա Կարապետյանցը մեղավոր է ճանաչվել Փաստաբանի վարքագծի կանոնագրքի պահանջների խախտման համար՝ ստանալով նկատողություն, իսկ «Փաստաբանության մասին» ՀՀ օրենքի 19 հոդվածի 1-ին մասի 1-ին կետի մասով վարույթը կարճել է:

Ի դեպ, «Փաստաբանության մասին» ՀՀ օրենքի 19 հոդվածի 1-ին մասի 1-ին կետ գոյություն չունի։ Իսկ «Փաստաբանության մասին» ՀՀ օրենքի 19 հոդվածի 1-ին մասը նախատեսում է, որ փաստաբանը պարտավոր է ազնվորեն եւ բարեխղճորեն պաշտպանել վստահորդի իրավունքները եւ օրինական շահերը՝ ՀՀ օրենսդրությամբ չարգելված բոլոր միջոցներով եւ եղանակներով։

   Մարտի 2-ին Փաստաբանների պալատում տեղի ունեցած կարգապահականի նիստում էլ Նինա Կարապետյանցի նկատմամբ կիրառվել է կարգապահական տույժ՝ նկատողություն։ Այս նկատողությանն էլ փաստաբանն արժանացել է 20․07․2017 թ․ դատական նիստից առաջ պայուսակը չբացելու համար։

   Առաջին անգամ   մետաղորսիչ սարքով անցնելուց հետո, պայուսակն ազդանշան է տվել, սակայն նա հրաժարվել է բացել պայուսակը։ Կարգադրիչի հարցին՝ արգելված իր կա, թե ոչ, Նինա Կարապետյանցը հավաստիացրել է, որ չկա, եւ նրան թույլատրվել է մտնել դահլիճ։ Նկատելով, որ կարգադիչները ստիպում են իր գործընկերներ Արայիկ Պապիկյանին եւ Մուշեղ Շուշանյանին բացել պայուսակները, Նինա Կարապետյանցը միջամտել է՝ ինչու՞ է խտրական վերաբերմունք դրսեւորվում։ Իրեն թույլատրել են առաջանալ, իսկ մյուս փաստաբաններին՝ ոչ։ Արդյունքում՝ Նինա Կարապետյանցին նույնպես արգելվել է դահլիճ մտնել։

Դատավոր Արտուշ Գաբրելյանը նիստերի դահլիճ չմտնելը համարել էր անհարգալից վերաբերմունք։

   Իսկ աղմկահարույց գործերով ներգրավված փաստաբանները վստահ են՝ խուզարկություններ իրականացնելով, փորձում էին խոչընդոտել իրենց աշխատանքը։ Ի դեպ, քիչ չեն եղել դեպքերը, երբ պայուսակն ազդանշան է տվել եւ բացելուց հետո պարզվել է, որ այնտեղ միայն գրիչ կա։

  • Տեղադրված .
  • Դիտումներ: 69
0
0
0
s2sdefault
076.png

Փաստաբանների պալատի խորհրդում քննվում էր դեռեւս տարվա սկզբին՝ հունվարի 9-ին,   «Սասնա ծռեր»-ի գործով դատական նիստի ժամանակ փաստաբանների կողմից դահլիճը լքելու կարգապահական գործը։

Հունվարի 9-ի դատական նիստի ժամանակ փաստաբան Լիպարիտ Սիմոնյանի վարաքագիծը գնահատելու եւ դատական սանկցիա կայացնելու համար դատավոր Արթուր Օհանյանը հեռացել էր խորհրդակցական սենյակ։ Խորհրդակացական սենյակից վերադառնալուց հետո պարզվել էր, որ փաստաբաններ Արայիկ Պապիկյանը, Մուշեղ Շուշանյանը, Դավիթ Գյուրջյանը, Հարություն Բաղդասարյանը եւ Հայարփի Սարգսյանը նիստերի դահլիճում չեն։ Նրանք միասնական դիմում են ուղարկել դատարան, որում մասնավորապես նշված էր, որ նրանց պաշտպանյալները լքել են նիստերի դահլիճը եւ իրենց բացակայությամբ հրաժարվում են փաստաբանական ծառայություններից՝ ուստի չեն կարող եւ իրավասու չեն մասնակցել նիստին։

Կարգապահական վարույթի նիստի ժամանակ Արայիկ Պապիկյանը միջնորդեց թույլատրել տեսանկարահանում անցկացնելը։ Նիստը նախագահող Սեդրակ Ասատրյանը հիշեցրեց՝ տեսանկարահանումը թույլատրվում է միայն կողմերի համաձայնությամբ։

«Ո՞վ է դիմողը»,- հարց բարձրացրեց Արայիկ Պապիկյանը, որին ի պատասխան Սեդրակ Ասատրյանը պարզաբանեց․ «Դատավորը։ Ուզում եք ասել՝ հիմա չի աշխատո՞ւմ»։

Պատասխանողը հիշեցնում է՝ սուբյեկտը դատավորն է։

Հիշեցնենք, որ մարտի 14-ին դատավոր Արթուր Օհանյանի լիազորությունները դադարեցվել են։

«Ո՞ւմ եք ուղարկել ծանուցումը։ Դատարա՞ն։ Բայց չէ՞ որ դատավորն է դիմողը, դատարանը չէ»,- հարց բարձրացրեց Արայիկ Պապիկյանը։

   Այնուամենայնիվ, խորհրդակցական սենյակից վերադառնալով՝ ՓՊ խորհուրդը որոշեց արգելել տեսանկարահանումը։ Նիստը նախագահողը տեղեկացրեց՝ Փաստաբանների պալատի նախագահը որոշել է այս գործով դիմող ճանաչել Երեւան քաղաքի ընդհանուր իրավասության դատարանին (դատավոր Ա․ Օհանյան), քանի որ հունվարի 1-ից գործում է Երեւան քաղաքի ընդհանուր իրավասության դատարանը։

Արայիկ Պապիկյանը խնդրեց ուշադրություն դարձնել այն հանգամանքի վրա, որ դիմող ներկայացվել է դատավոր Արթուր Օհանյանը։

«Դատավոր Օհանյանը շեշտվում է ոչ թե նրա համար, որ իրենք պետք է դիմեին։ Ախր տարրական հարց ենք մենք քննարկում»,- ասաց նիստը նախագահող Սեդրակ Ասատրյանը։

Իսկ Արայիկ Պապիկյանը հակադարձեց․ «Եթե ձեզ թվում է՝ տարրական հարցերին չեմ տիրապետում, դուք սխալվում եք։ Ինձ մի վիրավորեք»։ Այնուհետեւ նա հայտարարեց, որ չի մասնակցելու նիստին։ «Մի մասնակցեք, ա՜յ քեզ բան, ձեր իրավունքն է»,- ասաց Սեդրակ Ասատրյանը։

     Փաստաբան Արայիկ Պապիկյանը խնդրեց պարզաբանում, թե ի՞նչ է նշանակում «ա՜յ քեզ բան»-ը։ «Այ քեզ բան, նշանակում է այ քեզ բան»,- պատասխանեց Սեդրակ Ասատրյանը։

   Դրանից հետո Արայիկ Պապիկյանը լքեց նիստերի դահլիճը։

  • Տեղադրված .
  • Դիտումներ: 128
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association