Փաստաբանների հետապնդումներ

056.jpg

Փաստաբան Վահե Գրիգորյանը դատարանից պահանջում էր անվավեր ճանաչել Փաստաբանների պալատի նախագահի և խորհրդի որոշումները։ Նա մեղավոր է ճանաչվել «Փաստաբանի վարքագծի կանոնագրքի» խախտման համար։ Իսկ մեղավոր ճանաչվելու համար հիմք էր հանդիսացել փաստաբան Գեւորգ Գեւորգյանի դիմումը։

Պատմությունը սկսել էր այն բանից հետո, երբ փաստաբան Տիգրան Աթանեսյանը ՖԲ-ում «Attorney at Law» խմբում կատարել էր գրառում, որի Վահե Գրիգորյանը, արձագանքել էր հետևյալ մեկնաբանությամբ․ «Ինձ թվում է, որ դու [դիմելով պրն. Տ. Աթանեսյանին] պետք է փաստաբանների դպրոցում ժամեր վերցնես դասավանդելու «Ինչպիսին չպետք է լինեն Փաստաբանների պալատը եւ այն ներկայացնող անձինք» թեմայով եւ, որպես ուսումնական նյութեր, ունկնդիրներին բաժանես քո գործերով եւ դիմումների հիման վրա քեզ ուղղված նամակները: Իսկ այս նամակի 2-րդ կետին նախորդող պարբերության հեղինակը, որի մտքով անցել է նման պատասխան գրել փաստաբանին, իմ կարծիքով տառապում է կրիտինիզմով՝ մի հիվանդություն, որը որոշակի հորմոնային անբավարարության հետեւանքով ժամանակին շեշտակիորեն դանդաղեցրել կամ առհասարակ կասեցրել է անձի մտավոր զարգացումը: Դրա համար չեմ օգտագործի նրա նկատմամբ վիրավորական արտահայտություն՝ հասկանալով, որ դա ֆիզիկական դիսֆունկցիայի հետեւանք է»։ Երեւան քաղաքի ընդհանուր իրավասության դատարանի Կենտրոնի նստավայրում այսօր տեղի ունեցավ գործով դատաքննությունը։ Հայցվոր Վահե Գրիգորյանն ու նրա ներկայացուցիչը չէին ներկայացել դատարան։ Պատասխանող կողմի ներկայացուցիչ Արտաշես Խալաֆյանն առարկեց միջնորդության դեմ եւ նշեց, որ հայցը պետք է մերժել։

Գործով որոշումը կհրապարակվի օգոստոսի 28-ին։

  • Տեղադրված .
  • Դիտումներ: 8
0
0
0
s2sdefault
055.jpg

Հաց բերողի հիվանդության մասին տեղեկանքը արդյո՞ք փաստաբանը չի տրամադրել իրավասու մարմիններին

  

Երեւան քաղաքի ընդհանուր իրավասության դատարանում այսօր շարունակվեց փաստաբան Տիգրան Եգորյանի հայցադիմումի քննությունը կարգապահական գործով ՀՀ փաստաբանների պալատի խորհրդի 16.10.2017թ. որոշումն անվավեր ճանաչելու պահանջի մասին։

Կարգապահական պատասխանատվության ենթարկելու համար հիմք է հանդիսացել «Ազատություն և Հայրենիք» հիմնադրամի հոգաբարձուների խորհրդի անդամներ Արուսյակ Հայրապետյանի և Թեհմինե Ենոքյանի դիմումները։ Նրանք հայտնել են, որ «Ազատություն և Հայրենիք» հիմնադրամի շահառու է հանդիսանում 2016 թվականի հուլիսի 31-ից կալանավայրում գտնվող Արթուր Սարգսյանը («Հաց բերողը»): Դիմող կողմը նշել է, որ հիմնադրամն Արթուր Սարգսյանի գործով 2016 թվականի դեկտեմբերի 22-ին ՀՀ քննչական մարմիններին ներկայացրել է նամակ՝ իրազեկելով, որ Արթուր Սարգսյանը տառապում է Բեխտերևի հիվանդությամբ, ինչը բացառում է պատիժը կալանավայրում կրելը: Դիմող կողմը հայտնել է, որ Արթուր Սարգսյանի ընտանիքի անդամների հավաստմամբ, նրա հիվանդության մասին համապատասխան փաստաթղթերը հանձնվել են Արթուր Սարգսյանի փաստաբան Տիգրան Եգորյանին, մինչդեռ, նշված տեղեկությունը փաստաբանն իրավասու մարմիններին չի ներկայացրել։ Դիմողները անհանգստություն են հայտնել նաև այն մասին, որ Արթուր Սարգսյանի փաստաբանն առանց ներքին ատյանները սպառելու դիմել է ՄԻԵԴ: Դիմելով Պալատ՝ դիմողները խնդրել են միջոցներ ձեռնարկել փաստաբան Տիգրան Եգորյանին կարգապահական պատասխանատվության ենթարկելու համար:

Կարգապահական գործի քննության ընթացքում փաստաբանն առարկել է դիմողի կողմից ներկայացված հանգամանքների դեմ՝ նշելով, որ Արթուր Սարգսյանին կալանքից ազատելու հիմք է հանդիսացել ոչ թե դիմողի կողմից ՀՀ Հատուկ քննչական ծառայություն ներկայացված, այլ իր կողմից Մարդու իրավունքների եվրոպական դատարան ներկայացված դիմումը, որը պարունակում էր նաև Արթուր Սարգսյանի հիվանդության վերաբերյալ տեղեկություն։ Հենց Մարդու իրավունքների եվրոպական դատարանի կողմից ՀՀ կառավարությանը նշված հարցի կապակցությամբ ուղղված հարցումների արդյունքում է Արթուր Սարգսյանն ազատվել կալանքից, իսկ նրա հարազատները քրեական գործի ընթացքից առհասարակ տեղյակ չեն եղել, ուստի նրանց ներկայացրած փաստերը չեն կարող հիմք հանդիսանալ կարգապահական պատասխանատվության ենթարկելու համար: Փաստաբանը նշել է, որ իր կողմից բազմաթիվ գործողություններ են կատարվել Արթուր Սարգսյանի իրավունքներն ու օրինական շահերը պաշտպանելու նպատակով, ուստի իրեն կարգապահական պատասխանատվության ենթարկելու հիմքերը բացակայում են:

Այնուամենայնիվ, ՓՊ խորհուրդը որոշել էր փաստաբան Տիգրան Եգորյանի նկատմամբ կիրառել կարգապահական տույժ՝ ապահովելով մասնակցությունը իր հաշվին 6 ամսվա ընթացքում լրացուցիչ վերապատրաստման դասընթացներին՝ քրեական 15 դատավարության բնագավառի թեմայով, 8 ակադեմիական ժամ ժամաքանակով:

Այսօրվա դատական նիստին փաստաբան Տիգրան Եգորյանը հայցադիմումի լրացում ներկայացրեց։ Փաստաբանների պալատի ներկայացուցիչ Արտաշես Խալաֆյանը ժամանակ խնդրեց հայցադիմումի լրացմանը ծանոթանալու եւ դիրքորոշում հայտնելու համար։

Դատավոր Կորյուն Ափինյանի որոշմամբ նիստը հետաձգվեց մինչեւ սեպտեմբերի 11-ը։

  • Տեղադրված .
  • Դիտումներ: 8
0
0
0
s2sdefault
038.png

Ինչպես հայտնում է Amnesty International UK-ն իր նոր զեկույցում, ցնցող է այն փաստը, որ 2017 թվականին աշխարհում հարյուրավոր ակտիվիստներ պարզապես սպանվել են մարդու իրավունքների խաղաղ պաշտպանության համար:

Ըստ կազմակերպության հաշվումների, վերջին 20 տարիների ընթացքում մարդու իրավունքների և իրավապաշտպանության ոլորտում ակտիվ գործունեության համար սպանվել է 3500 մարդ, այսինքն, ամեն տարի միջին հաշվով 175 մարդ:

Ինչպես հայտնում է Amnesty International UK-ն, այս ամենը շարունակվում է նաև մեր օրերում, և դրությունն անգամ ավելի է վատթարանում: Ինչպես նշում է Frontline Defenders-ը, 2014 թվականին արձանագրվել է 145 սպանություն, որը 2015-ին գրեթե կրկնապատկվել է ՝ հասնելով 281-ի:

Այս իրավապաշտպանները թիրախավորված են, քանի որ նրանք սպառնալիք են տարբեր ուժերի համար՝ թե՛ կառավարությունների և թե՛ ընկերությունների:

Դուք կարող եք վտանգի ենթարկվել՝ կախված նրանից, թե ով եք և ինչի համար եք պայքարում:

Ամբողջական նյութը, որը ներկայացնում է նաև իրավապաշտպանության ամենավտանգավոր վեց ոլորտները, տես այստեղ՝ https://www.amnesty.org.uk/most-dangerous-activism։

  • Տեղադրված .
  • Դիտումներ: 20
0
0
0
s2sdefault

Խիստ նկատողություն փաստաբանին՝ կարծիք հայտնելու համար

Mushegh_amar.jpg

Փաստաբան Մուշեղ Շուշանյանը խիստ նկատողության արժանացավ մամուլում հնչեցրած կարծիքի համար։ Փաստաբանների պալատի խորհուրդը քննարկման առարկա էր դարձրել «Hraparak.am» եւ «aravot. am» կայքերում Մուշեղ Շուշանյանի հնչեցրած կարծիքը՝ իրեն կարգապահական պատասխանատվության ենթարկելու համար։

Հիշեցնենք, որ նախորդ տարվա հունիսի 21-ին դատական նիստում դատարանը հեռացրել էր «Սասնա ծռերի» անդամ Վարուժան Ավետիսյանին ժողովրդին կոչովդիմելու համար, հայտարարվել էր ընդմիջում, որից հետո Մուշեղ Շուշանյանը նիստերի դահլիճ չէր վերադարձել՝ հայտարարելով, որ Վարուժան Ավետիսյանն իրեն թույլ չի տալիս իր բացակայությամբ մասնակցել նիստերի: Մուշեղ Շուշանյանի այս քայլն Արտուշ Գաբրիելյանը որակել էր որպես անհարգալից վերաբերմունք դատարանի նկատմամբ եւ կիրառել դատական սանկցիա՝ կարգապահական վարույթ հարուցելու համար դիմում ուղարկելով Փաստաբանների պալատ:

Պալատը որոշել էր կարգապահական պատասխանատվության ենթարկել Մ. Շուշանյանին։ Շուշանյանը «Hraparak.am»-ին տված հարցազրույցում ՓՊ խորհուրդը գնահատել էր որպես արտակարգ դատարան եւ պատժիչ մարմին փաստաբանների մի մասի համար։

«Դա մենակ իմ դեպքում չէր, ես կցանկանայի նշել Տիգրան Եգորյանի դեմ կարգապահական վարույթը: Ուղղակի խայտառակություն էր նման որոշում կայացնելը։ Էդ վարույթի արդյունքում պարզ դարձավ, թե ինչ է տեղի ունեցել ու Տիգրան Եգորյանի դեմ էդ կարգապահական վարույթի հետեւում ինչեր են կանգնած, ու առհասարակ դա ինչ նպատակ է հետապնդում։Ասեմ, որ երեկ կեսօրին ես Խորհրդին գրություն էի ուղարկել՝ պահանջելով տրամադրել մի շարք փաստաթղթեր եւ տեղեկություններ հայտնել, որ ես կարողանամ իմ բացատրություններն ու դիրքորոշումը ներկայացնել, ինչպես նաեւ այդ գրությամբ խորհրդի անդամներից յոթին առաջարկել էի ինքնաբացարկ հայտնել։ Դա խորհրդի այն անդամներն էին, ովքեր Արայիկ Պապիկյանի գործով էին, թեպետ իրենք վարույթը կարճել էին՝ դատական նիստերի դահլիճից դուրս գալու համար, բայց կարճել էին այն հիմնավորմամբ, որ դատական սանկցիա կիրառելու դիմումն օրենքով սահմանված կարգի խախտմամբ է ընդունվել, ու միեւնույն ժամանակ իրենք դիրքոորոշում էին հայտնել դահլիճից փաստաբանի դուրս գալու վերաբերյալ: Իմ միջնորդության մեջ ես դա գնահատել էի որպես անգրագետ իրավական դիրքորոշում: Այդ փաստաբաններն էին Նելլի Հարությունյանը, Հրանտ Անանյանը, Մելանյա Առուստամյանը, Սիմոն Բաբայանը, Տիգրան Խուրշուդյանը, Կարեն Մեժլումյանը եւ Արայիկ Ղազարյանը։ Խորհուրդը, սակայն, իմ միջնորդությունները քննության չառավ ու հապշտապ կերպով որոշում կայացրեց կարգապահական պատասխանատվության ենթարկելու մասին։ Ես նկատողություն ստացա։ Այս ամենն ինձ հիմք է տալիս ասելու, որ խորհուրդը արտակարգ դատարան եւ պատժիչ մարմին է դարձել փաստաբանների մի մասի համար»,- փաստաբան Մուշեղ Շուշանյանի խոսքերն ընթերցեց նիստը նախագահող Տարոն Սիմոնյանը։

«aravot. am» կայքում էլ փաստաբանն«անգրագետիրավականդիրքորոշումէ» որակել պալատի այն դիրքորոշումը,թե բոլոր դեպքերում փաստաբանի նիստերիդահլիճիցդուրսգալնանթույլատրելիէ՝անկախիրպաշտպանյալիդիրքորոշումից։

   Հարցին, թե ո՞ր իրավական նորմն է թույլ տալիս՝ Մուշեղ Շուշանյանը պատասխանել էր՝ չի ցանկանում բացել փակագծերը։ Նա այդ հարցին կանդրադառնաորոշումն ստանալուց հետո։

Կողմերը խորհրդի նիստին ներկա չէին։ Խորհրդակցական սենյակից վերադառնալուց հետո ՓՊ խորհուրդը որոշեց Մուշեղ Շուշանյանին ենթարկել կարգապահական տույժի՝ խիստ նկատողության։

  • Տեղադրված .
  • Դիտումներ: 2226
0
0
0
s2sdefault
013.jpg

Ոչ պաշտոնական թարգմանություն

Առաջարկություն թիվ 2133 (2018)․ նախնական տարբերակ

Տես՝ http://assembly.coe.int/nw/xml/XRef/Xref-XML2HTML-en.asp?fileid=24933&lang=en

1.Հղում անելով Եվրոպայի խորհրդի անդամ պետություններում մարդու իրավունքների պաշտպանների պաշտպանության վերաբերյալ Խորհրդի 2225 (2018) բանաձևին (http://assembly.coe.int/nw/xml/XRef/Xref-DocDetails-en.asp?FileID=24932&lang=en)՝ Խորհրդարանական վեհաժողովն առաջարկում է, որպեսզի Նախարարների հանձնաժողովը

1.1. շարունակի երկխոսությունը Խորհրդի և իրավապաշտպանների միջև՝ մասնավորապես Խորհրդի պատկան մարմինների աշխատանքների շրջանակներում կանոնավոր կերպով իրականացնելով կարծիքների փոխանակում նրանց հետ,

շարունակել կարդալ

  • Տեղադրված .
  • Դիտումներ: 522
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association