Դատարաններ

Դատավորն արգելել է տեսանկարահանում իրականացնել

111.jpg

Երեւան քաղաքի ընդհանուր իրավասության դատարանի դատավոր Դավիթ Գրիգորյանն այսօր արգելել է «Հելսինկյան ասոցիացիա»-ի դիտորդ Գեղամ Մելքոնյանին տեսանկարահանում իրականացնել։ Դիտորդը մասնակցում էր «Սասնա ծռեր» խմբի անդամ Վարուժան Ավետիսյանի որդու՝ Դավիթ Ավետիսյանի առեւանգման փորձի քրեական գործով դատական նիստին։ Այս գործով ամբաստանյալը Արամ Պետրոսյանն է։ Նա մեղադրվում է 2018թ․ ապրիլի 20-ին անչափահաս Դավիթ Ավետիսյանին բացահայտ առևանգելու շուրջ նախնական համաձայնության գալու մեջ։ Քննությամբ դեռևս չպարզված անձանց հետ, խմբի կազմում բռնություն գործադրելով վերջինիս նկատմամբ, փորձել է բացահայտ առևանգել նրան, սակայն հանցավոր մտադրությունն ավարտին չի հասցրել իր կամքից անկախ հանգամանքներում։

Տեսանկարահանման դեմ առարկել է ամբաստանյալի պաշտպան Արմեն Մելքոնյանը։ Նա միաժամանակ դատախազին հիշեցրել է, որ տուժողն անչափահաս է։ Սակայն տուժող կողմը դեմ չի եղել տեսանկարահանմանը։

Շատ են դեպքերը, երբ դատավորները որոշում են կայացնում չտեսանկարահանել միայն պաշտպանական կողմին, իսկ դատավարության մյուս մասնակիցներին տեսանկարահանելը թույլատրվում է։ Դատավոր Դավիթ Գրիգորյանը հաճախ է դատական նիստերի ընթացքում արգելում իրականացնել տեսանկարահանում։ Ի դեպ, այս դատավորը 2016 թ․ օգոստոսի 2-ին որոշում է կայացրել կալանավորել Հաց բերողին՝ Արթուր Սարգսյանին։

  • Տեղադրված .
  • Դիտումներ: 84
0
0
0
s2sdefault

Դատախազության պարզաբանման վերաբերյալ հայտարարություն

indz-hamar-anpatvaber-e-linel--n121783-1.jpg
Հայտարարություն

ՀՀ դատախազության 2018 թ. հոկտեմբերի 4-ի Պարզաբանում Ռուզաննա Ադանալյանի հայտարարությունների

վերաբերյալ վերտառությամբ նյութի մասին

2018թ. հոկտեմբերի 4-ի երեկոյան ՀՀ դատախազությունը տարածել է Պարզաբանում Ռուզաննա Ադանալյանի
հայտարարությունների վերաբերյալ վերտառությամբ հոդված:
Հարկ ենք համարում նշել, որ դատախազության «պարզաբանման» մի շարք մտքեր և պնդումներ չեն
համապատասխանում իրականությանը, իսկ որդեկորույս ծնողի զգազմունքային պահվածքին համահունչ։ Ավելին՝ վերջինիս
ոչ իրավաչափ պահվածքը վկայում է, որ դատախազությունը ոչ միայն զերծ չի մնացել զսպվածությունից և
չեզոքությունից, այլ դրսևորել է վարքագիծ, որը կարող է անթաքույց հովանավորչության տպավորություն ստեղծել:
Այսպես, «պարզաբանման» մեջ նշված է՝
«1. Հ. Թոփչյանին հայտնաբերելու համար օպերատիվ-հետախուզական միջոցառումներ կատարելու վերաբերյալ
հետաքննության մարմնին տրվել են բազմաթիվ հանձնարարություններ, որոնց կատարումն արդյունք չի տվել»:
Հ. Թոփչյանի ՀՀ-ում գտնվելու վերաբերյալ հավաստի ապացույցները դեռևս ամիսներ առաջ ներկայացվել է
դատախազությանը, և անհասկանալի է, որ դատախազության համար նրա հայտնաբերումը մինչ օրս հնարավոր չի եղել:
«2. Փորձաքննության եզրակացությամբ ընդամենը չի բացառվել վնասվածքները ինչպես չափային և այլ
հատկանիշներով նույնական երկու, այնպես էլ մեկ գործիքով պատճառելը»:
Փորձաքննությունների անարժանահավատ լինելը, դրանցում լուսանկարչական հավելվածի բացակայությունը ինքնին
վկայում են, որ դատախազությունը որդեգրել է անթույլատրելի ապացույցների միջոցով կոծկել իրական ճշմարտության
բացահայտումը:
Նույն պատկերն է նաև դատախազության «պարզաբանում» կոչվածի մյուս բոլոր մտքերի և դատողությունների
դեպքերում ևս:
Ուշագրավ է, որ քրեական գործի քննության ընթացքում դատախազությունը պարզաբանումների միջոցով
ներկայացնում է պաշտոնական դիրքորոշում և «պարզաբանումի» միջոցով օբյեկտիվ քննության պատրաստակամության
պատրանք ստեղծում:
Արդյո՞ք այդ «պարզաբանումից» հետո որևէ մեկը կարող է ակնկալել, որ դատարանում մեղադրանքը պաշտպանող
դատախազության ներկայացուցիչն այլևս կաշկանդված չէ:
Կոչ ենք անում դատախազությանը՝ ղեկավարվել ՀՀ Սահմանադրությամբ և Դատախազության մասին օրենքով իրեն
վերապահված իրավասությունների տիրույթ, «պարզաբանումներ» տալ առանց զգացմունքների և քրեական գործի
քննությանը խոչընդոտելու:
Տուժողի իրավահաջորդի ներկայացուցիչներ՝
Նինա Կարապետյանց
Արայիկ Պապիկյան
  • Տեղադրված .
  • Դիտումներ: 980
0
0
0
s2sdefault

Մարդն արդարացվել է կախաղան բարձրացվելուց 140 տարի անց

093.jpg

Մայլս Ջոյսը 1882թ. կախաղան էր բարձրացվել Մաամթրասնայի սպանության համար, չնայած մյուս երկու դատապարտվածները վստահեցնում էին, որ նա անմեղ է:

https://news.sky.com/story/140-years-too-late-pardon-for-man-hanged-for-five-murders-11317166

Կախաղան բարձրացվելուց մոտ 140 տարի անց մարդն արդարացվել է հանցանքից, որը չի կատարել։

Մայլս Ջոյսը մահապատժի է ենթարկվել 1882թ. դեկտեմբերին երկու այլ անձանց հետ միասին նույն ընտանիքի 5 անձանց սպանության համար, թեև մյուս 2 մեղադրյալների պնդման, որ նա անմեղ է: Նա այժմ հետմահու արդարացվել է Իռլանդիայի նախագահ Մայքլ Հիգինսի կողմից. Իռլանդիայի պետության հիմնադրումից ի վեր սա առաջին դեպքն էր: Պարոն Հիգինսն այն բնորոշել է որպես «Իռլանդիայի և Բրիտանիայի պատմության ամոթալի դրվագ» և նշել, որ ներումը «կուղղի պատմական արձանագրությունը»: Մաամթրասնա սպանությունները, որոնք անվանվել են Գոլուեյ հեռավոր համայնքի անունով, որտեղ դրանք տեղի են ունեցել, ցնցեցին Իռլանդիան: 1882թ. օգոստոսին ընտանիքը հարձակման էր ենթարկվել իր տանը: Հարձակման արդյունքում ընտանիքի 6 անդամներից 5-ը սպանվել էին, որոնցից ամենափոքրը 14 տարեկան էր, իսկ ամենամեծը՝ 80:

Պարոն Ջոյսը, ում իռլանդական անունը Մաոլրա Սեոյղը էր, ընտանիքի որոշ մարդկանց հետ կապեր է ունեցել, սակայն միշտ կասկածներ են եղել նրա մեղավորության վերաբերյալ և թե ինչպես է նա դատապարտվել: Բացի նրանից, որ մեղավոր անձինք հաստատել են, որ նա ոչ մի մասնակցություն չի ունեցել սպանություններին, Ջոյսի դատավարությունն անց է կացվել անգլերեն, մի լեզու, որն անհասկանալի էր գալերեն խոսողի համար: Կային նաև հարցեր ենթադրյալ ականատեսների վստահելիության վերաբերյալ, ովքեր հետագայում վճարվել են այն ժամանակ Իռլանդիայի լորդ լեյտենանտի պահանջով, սակայն այս ամենը բավարար չէր պարոն Ջոյսին կախաղանից փրկելու համար: 2015թվականին Իռլանդիայի կառավարության կողմից դեպքի վերաբերյալ զեկույցի հանձնարարական է տրվել, որը եզրակացրել է, որ նա սխալ է դատապարտվել:

  • Տեղադրված .
  • Դիտումներ: 108
0
0
0
s2sdefault

«Սասնա ծռեր»-ին օժանդակելու մեջ մեղադրվողն ազատ արձակվեց

Kentroni_dataran.jpg

«Սասնա ծռեր»-ին օժանդակելու մեջ մեղադրվող Կարեն  Խաչատրյանն այսօր 800 000 դրամ գրավի դիմաց ազատ արձակվեց։  Դռնփակ նիստում  Երեւան քաղաքի ընդհանուր իրավասության դատարանը որոշեց բավարարել  նրա պաշտպան Արայիկ  Պապիկյանի միջնորդությունը։ Հատուկ Քննչական ծառայությունը դիմել էր դատարան  ապրիլի 8-ից կալանավորված Կարեն Խաչատրյանի խափանման միջոցը եւս երկու ամսով երկարացնելու համար։ Կարեն Խաչատրյանը մեղադրվում է «Սասնա ծռեր» խմբի անդամներից երկուսի հետ հեռախոսային խոսակցություն ունենալու եւ նրանց խորհուրդ տալու մեջ։ Մինչդեռ,  ըստ նրա պաշտպան Արայիկ Պապիկյանի, առաջադրված մեղադրանքը եւ հանգամանքները շինծու են եւ չեն համապատասխանում իրականությանը։

  • Տեղադրված .
  • Դիտումներ: 1388
0
0
0
s2sdefault

Դատարանում կքննվի ՔԿՀ-ում մահացած Հրաչյա Գևորգյանի իրավահաջորդի բողոքը

Hrach_nkar.jpg

2018թ. փետրվարի 20-ին, ժամը 17:00-ին Երևան քաղաքի ընդհանուր իրավասության դատարանում (Շենգավիթ) կքննվի Արմավիր ՔԿՀ-ում մահացած կալանավոր Հրաչյա Գևորգյանի իրավահաջորդի (ներկայացուցիչների) բողոքը:

Հր. Գևորգյանի մահվան փաստով հարուցված քրեական գործը ՀՔԾ-ում կարճվել էր: Գևորգյանի մայրը պնդում է, որ նրան սպանել են: Իրավահաջորդի ներկայացուցիչները ներկայացրել էին բազմաթիվ փաստեր և ապացույցներ այն մասին, որ Հր. Գևորգյանի մահը վրա է հասել մի շարք պաշտոնատար անձանց և բուժաշխատողների անգործության կամ հանցավոր գործողությունների հետևանքով:

  • Տեղադրված .
  • Դիտումներ: 1040
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association