Լրագրող Մհեր Ղալեչյանն արդարացվեց

Mher5555555.png
Այսօր Երևանի Արաբկիր և Քանաքեռ-Զեյթուն վարչական շրջանների առաջին ատյանի դատարանում կայացած դատական նիստում լրագրող Մհեր Ղալեչյանն արդարացվեց: Արդարացվեց նաև նույն գործով Մհեր Ղալեչյանի կնոջ՝ Գայանե Խաչատրյանին մարմնական վնասվածքներ պատճառած Վարդան Հովնիկյանը: 

Հիշեցնենք, որ հարևանների միջև անհաշտությունը ծագել էր հողային վեճի արդյունքում, երբ Հովնիկյանը փորձել է խարդախությամբ սեփականաշնորհել Խաչատրյաններին պատկանող հողատարծքը: Այնուհետև հարևանների միջև վիճաբանություններ են սկսվել: 

Հովնիկյանը մյուս հարևանների հետ նույնպես նմանատիպ խնդիրներ է ունեցել: Վեճերից մեկի ժամանակ Վարդան Հովնիկյանը ոտքով հարվածել է լրագրողների տան դռանը, որտեղ կանգնած է եղել Գայանե Խաչատրյանը, ինչի հետևանքով վերջինս մարմնական վնասվածքներ է ստացել: Այս միջադեպի հիման վրա հարուցված քրեական գործը մտել է դատարան: Այսօր դատախազը պահանջեց պատժել Վարդան Հովնիկյանին և նրա նկատմամբ կիրառել 100 հազար դրամ տույժ:

Նույն գործի շրջանակներում քննվեց նաև Վարդան Հովնիկյանի դստեր՝ Մարիամ Հովնիկյանի բողոքը, իբր թե Գայանե Խաչատրյանի ամուսինը՝ Մհեր Ղալեչյանը այդ միջադեպի ժամանակ կոտրել է իր հեռախոսը:

 Այսօրվա նիստի ժամանակ Մհեր Ղալեչյանն իր ելույթում ասաց, որ նման բան չի եղել և չէր կարող լինել, քանի որ ինքը ոչ հեռախոս է տեսել, ոչ էլ այն կոտրել է:

 «Դատախազն իր ճառում իմ մեղադրական միակ հանագմանքը համարեց այն, որ դատափորձագիտական եզրակացությամբ 34 000 դրամի վնաս է հասցվել հեռախոսին: Դա իմ մեղքն ապացուցող հանգամանք չի: Բայց, այն մասին թե ես եմ արդյոք այդ հեռախոսը ջարդել, այդ մասին ո՛չ նախաքննությունում, ո՛չ այստեղ որևէ խոսք, որևէ հիմնավորող ապացույց ես չեմ լսել»,- ասաց Մհեր Ղալեչյանը:

 Նա նաև նշեց, որ նույնիսկ մատնահետքաբանական հետազոտություն չի արվել, որպեսզի հեռախոսի վրա գոնե գտնեին իր մատնահետքերը, դեպքի վայրում զննություն չի կատարվել, վկաների չեն հարցաքննել: Նա նշեց, որ այս ամենն ընդամենը հիմնված է Մարիամ Հովնիկյանի սուտ ցուցմունքների հիման վրա: Իսկ նախաքննությունն ու դատախազն աշխատել են փնթի ու թերի:
  • Տեղադրված .
  • Դիտումներ: 2727
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association