Դատարաններ

Գեորգի Ավետիսյանին նախկին աշխատանքում վերականգնելու մասին հայցը բավարարվեց. Տեսանյութ

Այսօր Էրեբունի և Նուբարաշեն վարչական շրջանների ընդհանուր իրավասության դատարանը (դատավոր Լիզա Գրիգորյան) բավարարեց  Գեորգի Ավետիսյանի՝ ընդդեմ   «Հանրապետական  անասնաբուժասանիտարական և բուսասանիտարական  լաբորատոր ծառայությունների կենտրոն» ՊՈԱԿ-ի՝ աշխատանքից ազատելու մասին հրամանն անվավեր ճանաչելու, նախկին աշխատանքում վերականգնելու և  հարկադիր պարապուրդի գումարը բռնագանձելու  պահանջի մասին հայցը:

Հիշեցնենք, որ Գեորգի Ավետիսյանը Կազմակերպության խտրական վերաբերմունքի  և ղեկավարության ազատման դիմում գրելու պահանջի հետևանքով 30.11 2016թ. ներկայացրել էր դիմում՝ աշխատանքից ազատվելու վերաբերյալ : Իսկ 2016թվականի դեկտեմբերի 2-ին հայցվորը ներկայացրել էր դիմում՝ ուղղված կազմակերպությանը, որը բովանդակել է  պայմանագրի լուծման մասին ծանուցումը հետ վերցնելու մասին պահանջ: Սակայն, 2016 թվականի դեկտեմբերի 12-ին Կազմակերպության տնօրենը մերժել է հայցվորի պահանջը և հայտնել, որ հայցվորը 2016 թվականի դեկտեմբերի 1-ին ազատվել է զբաղեցված պաշտոնից:

Այնուհետև, հայցվորը վկայակոչելով ՀՀ  Աշխատանքային օրենսգրքի 112-րդ, 11-րդ, 37-րդ հոդվածները, հայտնել է, որ աշխատանքային պայմանագրի լուծաման մասին ծանուցումը ներկայացնելու օրվանից հետո եռօրյա ժամկետում հետ վերցնելու աշխատողի իրավունքը գործում է այն բոլոր դեպքերում, երբ աշխատողը պահպանել է աշխատանքային պայմանագիրը լուծելու ծանուցման երեսուն օրվա ժամկետը: Սակայն, կազմակերպության տնօրենը՝ խախտելով համապատասխան օրենքը, հայցվորին ազատել է աշխատանքից:

Այնուհետև Գեորգի Ավետիսյանը դիմել է դատարան և խնդրել դատարանին՝ անվավեր ճանաչել  իրեն աշխատանքից ազատելու մասին հրամանը և իրեն վերականգնել  «Հանրապետական  անասնաբուժասանիտարական և բուսասանիտարական  լաբորատոր ծառայությունների կենտրոն» ՊՈԱԿ-ի լաբորատոր գործունեության և հասարակայնության հետ կապերի գծով տնօրենի տեղակալի պաշտոնում և բռնագանձել նրա միջին աշխատավարձը՝ հարկադիր պարապուրդի ամբողջ ժամանակահատվածի համար:


  • Տեղադրված .
  • Դիտումներ: 2612
0
0
0
s2sdefault

Լրագրող Մհեր Ղալեչյանն արդարացվեց

Այսօր Երևանի Արաբկիր և Քանաքեռ-Զեյթուն վարչական շրջանների առաջին ատյանի դատարանում կայացած դատական նիստում լրագրող Մհեր Ղալեչյանն արդարացվեց: Արդարացվեց նաև նույն գործով Մհեր Ղալեչյանի կնոջ՝ Գայանե Խաչատրյանին մարմնական վնասվածքներ պատճառած Վարդան Հովնիկյանը: 

Հիշեցնենք, որ հարևանների միջև անհաշտությունը ծագել էր հողային վեճի արդյունքում, երբ Հովնիկյանը փորձել է խարդախությամբ սեփականաշնորհել Խաչատրյաններին պատկանող հողատարծքը: Այնուհետև հարևանների միջև վիճաբանություններ են սկսվել: 

Հովնիկյանը մյուս հարևանների հետ նույնպես նմանատիպ խնդիրներ է ունեցել: Վեճերից մեկի ժամանակ Վարդան Հովնիկյանը ոտքով հարվածել է լրագրողների տան դռանը, որտեղ կանգնած է եղել Գայանե Խաչատրյանը, ինչի հետևանքով վերջինս մարմնական վնասվածքներ է ստացել: Այս միջադեպի հիման վրա հարուցված քրեական գործը մտել է դատարան: Այսօր դատախազը պահանջեց պատժել Վարդան Հովնիկյանին և նրա նկատմամբ կիրառել 100 հազար դրամ տույժ:

շարունակել կարդալ

  • Տեղադրված .
  • Դիտումներ: 3625
0
0
0
s2sdefault

Խորենացի փողոցից ձերբակալված երկու երիտասարդներ ազատ արձակվեցին (տեսանյութ)

Այսօր Երևանի Կենտրոն և Նորք-Մարաշ վարչական շրջանների առաջին ատյանի դատարանից ազատ արձակվեցին Խորենացի փողոցից ձերբակալված և հինգ ամիս անազատության մեջ գտնվող երկու երիտասարդներ՝ Նարեկ Սարգսյանը և Ալբերտ Ավագյանը: Սարգսյանի նկատմամբ պատիժ նշանակվեց ազատազրկում 2 տարի 7 ամիս ժամկետով, սակայն, ՀՀ Քրեական օրենսգրքի 70-րդ հոդվածի կարգով  դատարանը  որոշում կայացրեց պատիժը  պայմանականորեն չկիրառել և սահամանել փորձաշրջան 3 տարի ժամկետով, նույն որոշումը կայացվեց նաև Ալբերտ Ավագյանի նկատմամբ և նրանք դատարանի դահլիճից ազատ արձակվեցին: Նարեկ Սարգսյանի պաշտպանը Հելսինկյան ասոցիացիայի փաստաբան Արայիկ Պապիկյանն է:  

շարունակել կարդալ

  • Տեղադրված .
  • Դիտումներ: 3245
0
0
0
s2sdefault

Դատարանն Արբակ Բաբասյանին մի հոդվածով արդարացրեց, իսկ մյուսով՝ դատապարտեց 50 000 դրամի չափով տուգանքի (տեսանյութ)

Arbak ArayikԵրևանի Աջափնյակ և Դավիթաշեն վարչական շրջանների ընդհանուր իրավասության դատարանում այսօր  ընթացող քաղաքացի Արբակ Բաբասյանի գործով  նիստի ժամանակ պաշտպանական ճառով հանդես եկան Բաբասյանի պաշտպան, Հելսինկյան ասոցիացիայի փաստաբան Արայիկ Պապիկյանը և Արբակ Բաբասյանը:

Արայիկ Պապիկյանն իր ճառում նշեց, որ իր պաշտպանյալին ներկայացված մեղադրանքն անհիմն է և Բաբասյանը պետք է արդարացվի: Արբակ Բաբասյանը ևս նշեց, որ ինքն իրեն մեղավոր չի ճանաչում և քրեորեն պատժելի որևէ արարք չի արել:

Ճառերից հետո դատավորը հայտարարեց, որ հեռանում է խորհրդակցական սենյակ և մեկուկես ժամ հետո կհրապարակի Արբակ Բաբասյանի գործով վճիռը:

շարունակել կարդալ

  • Տեղադրված .
  • Դիտումներ: 1444
0
0
0
s2sdefault

Արթուր Հայրապետյանի և Վահրամ Սահակյանի գործը նշանակվեց դատաքննության

Օգոստոսի 5-ին, երևանի Կենտրոն և Նորք-Մարաշ վարչական շրջանների ընդհանուր իրավասության դատարանում տեղի ունեցավ  գրող, լրագրող, հրապարակախոս Արթուր Հայրապետյանի հայցն ընդդեմ Վահրամ Սահակյանի գործով նախնական դատական նիստը: Այս անգամ ևս Վահրամ  Սահակյանը նիստին  չէր մասնակցում:
Նիստի ժամանակ Արթուր Հայրապետյանի փաստաբան Գայանե Ղուլյանը միջնորդեց գործին կցել հարցազրույցներ և մի քանի  հրապարակումներ:
Դատավորի այն հարցին, թե նշանակի՞ արդեն դատաքննություն, արդյոք հաշտության հիմքեր կան, թե՞ ոչ,  Վահրամ Սահակյանի պաշտպան Հարություն Հարությունյանն ասաց, որ նախորդ դատական նիստի ավարտից հետո ևս որոշակի քննարկում են ծավալել, սակայն մերժում են ստացել:
«Այս պահին ևս մենք մեզ փակ չենք համարում քննարկման, բանակցության համար: Եթե դահլիճում Արթուր Հայրապետյանը, ինչպես նախորդ նիստին միջանցքում վերջնականապես կհայտարարի, որ հաշտությունը սպառված է, մենք այդ դեպքում ժամանակ միանշանակ չենք խնդրի»,- ասաց Սահակյանի պաշտպանը:
Իսկ Արթուր Հայրապետյանի պաշտպան Գայանե Ղուլյանն ասաց, որ չնայած, կողմը անընդհատ պնդում է իր հաշտության կնքման պատրաստակամության, կամ ինչ-որ բանակցային եզրեր գտնելու վերաբերյալ, սակայն, որևէ անգամ նման քայլ չի արվել:

շարունակել կարդալ

  • Տեղադրված .
  • Դիտումներ: 1588
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association