Արտակ Նազարյանի գործով բողոքի քննությունը հետաձգել են . Տեսանյութ

IMG 10622010 թվականին  բանակում զոհված Արտակ Նազարյանի գործով Վերաքննիչ դատարանի առաջին նիստը հետաձգվել է: «Կոշ» ՔԿՀ-ից չեն բերել ամբաստանյալներից մեկին:
Վերաքննիչ դատարանում այսօր տեղի է ունեցել 2010 թվականին Տավուշի մարզի «Մեհրաբ» զորամասում զոհված ավագ լեյտենանտ Արտակ Նազարյանի իրավահաջորդի և նրա ներկայացուցիչների, ինչպես նաև գործով դատապարտվածներից երկուսի՝ Հակոբ Մանուկյանի և Վահագն Հայրապետյանի բողոքով առաջին դատական նիստը:

Նիստը վարում էր Գրիշա Մելիք-Սարգսյան, Կարինե Ղազարյան, Հենրիկ Տեր-Ադամյան դատավարական կազմը: Քանի որ դատական նիստին չէր ներկայացել ամբաստանյալներից մեկը՝ Ադիբեկ Հովհաննիսյանը, դատախազական կազմը, տուժողի իրավահաջորդ Ծովինար Նազարյանը և նրա ներկայացուցիչ Ռուբեն Մարտիրոսյանը միջնորդել են դատական նիստը հետաձգել:Դատարանը տեղեկացրել է, որ Ադիբեկ Հովհաննիսյանի բացակայության պատճառն այն է, որ նրան տեղափոխել են «Կոշ» քրեակատարողական հիմնարկ: Այլ պատճառաբանություններ Հովհաննիսյանի բացակայության մասին չեն հնչել: Նախագահող Մելիք-Սարգսյանը նկատել է, որ տվյալ ամբաստանյալը առաջին ատյանի վճիռը չի բողոքարկել, սակայն, քանի որ գործը առնչվում է իրեն անմիջականորեն, նրա ներկայությունը դատարանում պարտադիր է: Ուստի Դատարանը բավարարել է նիստը հետաձգելու մասին միջնորդությունը՝ հաջորդ նիստը նշանակելով հուլիսի 29-ին:Դատական նիստին ներկա էին նաև Հայաստանում ԱՄՆ-ի դեսպանատնից ուղարկված երկու ամերիկացի դատավորներ: 

Հիշեցնենք, որ հայցվորները պահանջում են բեկանել դատավճիռը, ուղարկել նոր քննության կամ փոխել վճիռը՝ արդարացնելով ամբաստանյալներին: Նրանք նաև պահանջում են քրեական գործեր հարուցել գործի քննության ընթացքում տեղի ունեցած օրինախախտումների մասով:

Գործը քննելու է Վճռաբեկ դատարանում գործերի քննության կանոններով, այսինքն՝ դատարանը նոր ապացույցներ չի ընդունելու՝ հիմնվելով եղած փաստերի վրա: Միևնույն ժամանակ, գործից կարող են հանվել այն ապացույցները, որոնք, ըստ դատարանի, ձեռք են բերվել օրենքի խախտումով: Համաձայն օրենքի, պաշտպանների միջնորդությունների դեպքում դատարանը կարող է անցնել նաև քրեական գործի քննության վերաքննիչ կարգին, սակայն այդ պրակտիկան Հայաստանի Վերաքննիչ դատարանում գրեթե երբեք չի արվում, ինչի կապակցությամբ շատ անգամ բողոքում են փաստաբանները՝ նշելով, որ Վճռաբեկը գործերը վարույթ չի ընդունում, իսկ Վերաքննիչը հիմնականում գործերը քննում է վճռաբեկության կարգով:
Տավուշի մարզի ընդհանուր իրավասության դատարանը Արտակ Նազարյանին ինքնասպանության հասցնելու մեջ մեղավոր է ճանաչել և դատապարտել է Հակոբ Մանուկյանին՝ 10 տարի ազատազրկման, Վահագն Հայրապետյանին, Մխիթար Մխիթարյանին և Ադիբեկ Հովհաննիսյանին՝ 4 տարի ազատազրկման և Հարութիկ Կիրակոսյանին՝ 3 տարի ազատազրման: Տուժող կողմը պնդում է, որ Արտակ Նազարյանն ինքնասպան չի եղել, նրան սպանել են:

 Տեղեկատվությունը` Epress.am-ի

 

Լուսանկարներն ու տեսանյութը`Հելսինկյան ասոցիացիայի

  • Created on .
  • Hits: 2038
0
0
0
s2sdefault
logoUSAIDlogo23logo

This web-site creation was made possible by the support of Counterpart International’s Civil Society and Local Government Support Program and the generous support of the American people through the United States Agency for International through “Helsinki Associaiton”. Content, views and opinions expressed herein are those of the author(s), and the responsibility of Helsinki Association and do not necessarily reflect the views of Counterpart Armenia, USAID or the United States Government.” 

Designed by Hakob Jaghatspanyan Copyright © 2013 Helsinki Association