2012 թվականին ԼՂՀ զորամասերից մեկում մահացած զինծառայող Թորգոմ Սարուխանյանի իրավահաջորդի ներկայացուցիչները հաջորդ շաբաթ միջնորդություն են ներկայացնելու Վերաքննիչ դատարան՝ պահանջելով քննել հուլիսի 11-ին տուժող կողմի ներկայացրած բողոքը: Այս մասին Epress.am-ի հետ զրույցում ասել է գործով զբաղվող «Հելսինկյան ասոցիացիայի» ներկայացուցիչ, ռազմական փորձագետ Ռուբեն Մարտիրոսյանը: 
2011 թվականին ԼՂՀ զորամասերից մեկում մահացած Գյումրի քաղաքի բնակիչ Թորգոմ Սարուխանյանի գործն առաջին ատյանի դատարանի կողմից քննվել է դատավարական նորմերի խախտմամբ, դատարանը լրիվ և օբյեկտիվորեն չի հետազոտել գործում առկա ապացույցները: Այս մասին ասված է Վերաքննիչ դատարանին ուղղված բողոքում, որը կազմել է տուժողի իրավահաջորդի ներկայացուցիչ, «Հելսինկյան ասոցիացիա» իրավապաշտպան կազմակերպության փորձագետ Ռուբեն Մարտիրոսյանը: Բողոքը Վերաքննիչ քրեական դատարանում ներկայացվելու է այսօր: «Հելսինկյան ասոցիացիա» իրավապաշտպան կազմակերպության իրավապաշտպան, փորձագետ Ռուբեն Մարտիրոսյանը ստացել է ծանուցագիր իրեն անհայտ գործով ԼՂՀ դատարան ներկայանալու պահանջով: Ըստ իրավապաշտպան կազմակերպության՝ սա ոչ միայն ապօրինություն է, այլև փորձագետի դեմ շանտաժ, իր գործունեության վրա ճնշում գործադրելու փորձ:
«Հելսինկյան Ասոցիացիա» իրավապաշտպան կազմակերպությունը զբաղվում է բանակում զինծառայողների սպանությունների, դրանց շուրջ կատարվող քննությունների, ինչպես նաև ՀՀ քաղաքացիների` ԼՂՀ ՊԲ-ում ծառայելու օրինականության հետ կապված խնդիրներով:
Հոկտեմբերի 22-ին Սյունիքի մարզի առաջին ատյանի դատարանի Գորիս քաղաքի նստավայրում կայացել է 2011 թվականի փետրվարի 12-ին ԼՂՀ-ի Խոջալուի զորամասերից մեկում հրազենային վնասվածքից զոհված Թորգոմ Սարուխանյանի գործով հերթական դատական նիստը: Ըստ պաշտոնական վարկածի՝ դեպքից 15-17 օր առաջ զորամասի 3 զինծառայողներ՝ ենթասպա Վիլհելմ Ենգիբարյանը, ԼՂՀ բնակիչներ, ժամկետային զինծառայողներ Ռոբերտ Բադալյանը և Հրանտ Կարապետյանը, ծեծել, հայհոյել և նվաստացրել են Թորգոմ Սարուխանյանին, և նախաքննական մարմինը գտել է, որ այդ 3 անձանց գործողությունների հետևանքով Սարուխանյանը ինքնասպանություն է գործել:
Epress.am-ի հետ զրույցում Թորգոմ Սարուխանյանի մայրը՝ Լենա Սարուխանյանը, ասել է, որ այժմ Ռազմական ոստիկանությունը թաքցնում է գործով անցնող վկաներին, որպեսզի հիմք ընդունի նրանց տված նախաքնանական ցուցմունքները:
This web-site creation was made possible by the support of Counterpart International’s Civil Society and Local Government Support Program and the generous support of the American people through the United States Agency for International through “Helsinki Associaiton”. Content, views and opinions expressed herein are those of the author(s), and the responsibility of Helsinki Association and do not necessarily reflect the views of Counterpart Armenia, USAID or the United States Government.”