Քրեակատարողական հիմնարկներ

Aram_Aghayan.png
ՀՀ վարչապետ, համաժողովրդական շարժման առաջնորդ Նիկոլ Վովայի Փաշինյանին
«Վարդաշեն» ՔԿՀ դատապարտյալ՝ ՀՀ ԶՈՒ նախկին սպա Արամ Գրիգորի Աղայանից

                                                                                                                          Բաց նամակ

Հարգելի՛ պարոն Փաշինյան, շնորհավորում եմ Ձեզ և ողջ հայ ժողովրդին՝ Ձեր առաջնորդած համաժողովրդական շարժման հաղթանակի, ինչպես նաև ՀՀ վարչապետի պաշտոնում ընտրվելու կապակցությամբ: Այս հաղթանակն անխոս ուղղեց մեր ժողովրդի «կռացած մեջքը» և վերացրեց ժողովրդի մեջ օր օրի խորացող այն վտանգավոր մտայնությանը, թե մեր երկրում ամեն ինչ կորած է և ոչինչ փոխել հնարավոր չէ: Անսահման մեծ է ուրախությունս, երբ տեսնում եմ, որ ՀՀ քաղաքացին այլևս հուսալքված չէ, որ վերջապես նրա մոտ վերականգնվեց հավատը, որ երկրի տերը ինքն է: ՀԱՅԸ գիտակցեց, որ միայն պայքարի միջոցով կարելի է հասնել հաղթանակի, որը նվաճում են և ոչ թե մուրում:

Համայն հայության ջանքերով պետք է վերականգնենք մեր թալանված ու կեղեքված երկիրը և ստեղծենք հզոր Հայաստան՝ ամուր պետականությամբ: Յուրաքանչյուր ոք իր առօրյայում, իր գործունեության մեջ պարտավոր է իր գործը լավ և բարեխիղճ կատարել, պետք է պայքարի իր շուրջը առկա՝ անցյալից մնացած արատավոր երևույթների ու բարքերի դեմ՝ մեր իրականությունից դրանք իսպառ վերացնի՝ հաղթանակը լիարժեք դարձնելով:

Հարգելի՛ պարոն վարչապետ, թեև ըստ ՀՀ օրենսդրության պատժի նպատակն է վերականգնել սոցիալական արդարությունը, ուղղել պատժի ենթարկված անձին և կանխել նոր հանցագործությունների կատարումը, այդուհանդերձ նախորդ իշխանությունը ձևավորել էր արատավոր ավանդույթ՝ ազատազրկված անձանց ուղղումը վրեժխնդրության վերածելու համար, արվում էր ամեն ինչ մարդուն չարությամբ լցնելու և նոր հանցագործությունների կատարման մղելու:

Վստահ եմ՝ Նոր Հայաստանում այդ երևույթները պետք է իսպառ բացառվեն, պետք է կատարվեն լայնածավալ աշխատանքներ՝ անցյալի նեխած համակարգը արմատախիլ անելու և այն քաղաքակիրթ ու զարգացած երկրին բնորոշ համակարգով փոխարինելու ուղղությամբ: Հավատում եմ նաև, որ Նոր Հայաստանի բանտերում այլևս չեն լինի անարդար արդարադատության զոհեր: Հույս ունեմ, որ Դուք կձեռնարկեք անհրաժեշտ քայլերը՝ կեղծ ու ապօրինի դատավարությունների հետևանքով ապօրինաբար անազատության մեջ գտնվող անձանց նկատմամբ արդարության վերականգնման և ՔԿՀ-ների բեռնաթափման ուղղությամբ:

Միանում եմ օրեր առաջ քաղբանտարկյալ Գարեգին Չուքասզյանի կողմից հրապարակված կոչին և ողջունում նրա առաջարկած նախաձեռնությանը:

Հ.գ. Արամ Աղայանի գործի վերաբերյալ գանգատի քննությունը գտնվում է Եվրոպական դատարանում: Իդեպ, Արամ Աղայանն իր դիմումով ցանկություն է հայտնելծառայել Արցախում: Դիմումը բավարարվել է և նա ծառայել է Շուշիում:

  • Տեղադրված .
  • Դիտումներ: 18252
0
0
0
s2sdefault
Bilyan_Smbat.jpg
Ավելի քան 20 օր է, որ ՀՀ ԱՆ «Նուբարաշեն» քրեակատարողական հիմնարկում հացադուլ են հայտարարել «Սասնա Ծռեր» խմբի անդամներ Արմեն Բիլյանը և Սմբատ Բարսեղյանը՝ պահանջելով ապահովել իրենց պատշաճ բուժօգնությունը, ինչպես նաև իրենց տեղափոխել «Արմավիր» ՔԿՀ։

Անձի, առավել ևս կալանավորված անձի կողմից պատշաճ բուժօգնության պահանջը ոչ միայն քննարկման առարկա չի կարող դառնալ, այն էլ տևական ժամանակ, այլ ենթակա է անհապաղ կատարման: Սակայն մինչ օրս քննարկվում է Ա. Բիլյանի և Ս. Բարսեղյանի դիմումների միայն ենթակայության հարցը: Մինչ հարցի կարգավորումը, նշյալ անձանց առողջությունը կարող է անդառնալի վնաս կրել: Այլ ՔԿՀ տեղափոխության մասին դիմում-պահանջը ևս անձի իրավունքն է, առավել ևս, որ այդպիսի պահանջն ունի ավելի քան բավարար հիմնավորումներ և պատճառներ, որոնք ներկայացվել են նաև դատարանում:Նշյալ պարզ և լուծման համար չափազանց դյուրին խնդիրները տևական ժամանակ է չեն լուծվում: Պետության անունից հանդես եկող պատկան մարմիններն ու հաստատությունները՝ դատարան, Քրեակատարողական վարչություն, քրեակատարողական հիմնարկ, որոնք կոչված են ապահովել մարդու իրավունքներն ու ազատությունները, կանխել դրանց խախտումները, անտրամաբանական վարչարարության կամ անգործության դրսևորմամբ հերթական անգամ փաստում են, որ ՀՀ-ում մարդու իրավունքների խախտումները կրում են հանընդհանուր բնույթ, հատկապես պետական մարմինների կողմից: «Հելսինկյան ասոցիացիա» իրավապաշտպան հասարակական կազմակերպությունն իր մտահոգությունն է հայտնում հացադուլի մեջ գտնվող Արմեն Բիլյանի և Սմբատ Բարսեղյանի ներկա առողջական վիճակի, հնարավոր անցանկալի հետևանքների առնչությամբ՝ դատապարտելով բոլոր իրավասու մարմինների անգործությունն ու ձևական վարչարարությունը և պահանջելով՝
  • վերջ տալ ձևական վարչարարությանը և ապահովել Արմեն Բիլյանի և Սմբատ Բարսեղյանի իրավունքների պաշտպանությունը,
  • անհապաղ միջոցներ ձեռնարկել նրանց դիմումներին առարկայական լուծում տալու ուղղությամբ,
  • պատասխանատվության ենթարկել ստեղծված իրավիճակի համար բոլոր մեղավոր պաշտոնյաներին,
  • քրեակատարողական հիմնարկներում ապահովել օրենքով սահմանված նվազագույն անհրաժեշտ պայմաններ, ինչը վերջ կդնի անազատության մեջ գտնվող անձանց իրավունքների մշտական խախտումներին:
«Հելսինկյան ասոցիացիա» իրավապաշտպան ՀԿ10.01.2018թ.
  • Տեղադրված .
  • Դիտումներ: 3746
0
0
0
s2sdefault
Bant.jpg
Երկու օր առաջ  «Դատապարտյալների հիվանդանոց» ՔԿՀ-ում գտնվող դատապարտյալ  Հարություն Հովակիմյանի խոցը պայթել է, որին տեղափոխել են  «Գրիգոր Լուսավորիչ» հիվանդանոց և վիրահատել: Սակայն, նրա մորը՝ Վալենտինա Այվազյանին, տեղեկացրել են, որ երկուշաբթի Հովակիմյանին նորից պետք է տեղափոխեն  «Դատապարտյալների հիվանդանոց»: Այդ մասին Հելսինկյան ասոցիացիային տեղեկացրել է Վալենտինա Այվազյանը: Վերջինս նաև ասել է, որ իր որդու կարերը դեռ չեն հանել, նրա կողքից խողովակներ են կախված և արտադրություն ունի:

   «Այդ կարերով ու շլանգով, ես չեմ հասկանում, ինչպես կարող են նրան տեղափոխել: Ես չգիտեմ՝ ո՞ւմ դիմել, ի՞նչ անել: Միայն չորս օր պահանջվեց, որ ինձ ՑԲ-ից թուղթ տվեցին, որ ես՝ որպես խնամակալ կարողանամ խնամել որդուս»,- ասաց Վալենտինա Այվազյանը:

Այս պահին Հարություն Հովակիմյանը գտնվում է «Գրիգոր Լուսավորիչ» հիվանդանոցի վնասվածքների և օրթոպեդիայի բաժանմունքում:

Իդեպ, Վալենտինա Այվազյանը տեղեկացրել է, որ իր որդին նաև ողնաշարի հետ կապված  խնդիրներ ունի:
  • Տեղադրված .
  • Դիտումներ: 529
0
0
0
s2sdefault

Կարեն Կունգուրցևի հայտարարությունը ՔԿՀ-ից

Karen-1.jpg
Իմ ապօրինի ազատազրկման մեղավորը վերաքննիչ դատարանի դատավորներ մանուշակ պետրոսյանը, մհեր արղամանյանը և մխիթար պապոյանն է: Նրանք պատվերով խորտակում են իմ ճակատագիրը, թաքցնում են 15-ամյա Դավիթի սպանություն կատարողին, նրանք խորտակում են նաև իմ 2 ամսական Դավիթի ճակատագիրը: Ես անմեղ եմ, իրենք լավ գիտեն, բայց «մեղավոր եմ», որ չունեմ հովանավոր և կաշառքի փող:

Կարեն Կունգուրցև, 24.07.2017 թ.:
  • Տեղադրված .
  • Դիտումներ: 1073
0
0
0
s2sdefault
Այսօր Հելսինկյան ասոցիացիայում տեղի ունեցավ մամուլի ասուլիս, որի ժամանակ Հելսինկյան ասոցիացիայի նախագահ, փաստաբան Նինա Կարապետյանցը և ասոցիացիայի փաստաբան Արայիկ Պապիկյանը խոսեցին ՔԿՀ-ներում բուժծառայության խնդիրների մասին:
Մանրամասները՝ տեսանյութում:
  • Տեղադրված .
  • Դիտումներ: 546
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association