Հարգելի՛ գործընկերներ
Սիրով հրավիրում ենք Ձեզ ԱՄՆ Ժողովրդավարության ազգային հիմնադրամի աջակցությամբ «Մարդու իրավունքների դիտորդում և շահերի պաշտպանություն» ծրագրի շրջանակներում իրականացված «Հանրային պաշտպանի համակարգը Հայաստանում. Բարեփոխումներն անխուսափելի են» զեկույցի ներկայացմանը, որը տեղի կունենա մայիսի 29-ին, երեքշաբթի, ժամը 11.00-13.00-ին «Անի Պլազա» հյուրանոցի «Գառնի» դահլիճում (հասցեն`Երևան, Սայաթ-Նովա 19):
Զեկույցն ամփոփում է ծրագրի և Հայաստանում հանրային պաշտպանության դաշտում առկա մարտահրավերների արդյունքները: Մարտահրավերները բացահայտվել են դատական գործերի լսումների և աղմկահարույց քրեական գործերում ներգրավված մի շարք փաստաբանների աշխատանքի դիտորդման միջոցով: Անցկացրել ենք նաև հարցազրույցներ և ունեցել մասնավոր զրույցներ լրագրողների, իրավապաշտպանների և հասարակական կազմակերպությունների ներկայացուցիչների հետ, հետազոտել և ուսումնասիրել այս հարցի վերաբերյալ համացանցում առկա տեղեկություններ:
Հանդիպմանը հրավիրված են մի շարք արտասահմանյան դիվանագիտական ներկայացուցչությունների և Հայաստանում գործող միջազգային կազմակերպությունների ներկայացուցիչներ, ինչպես նաև փաստաբաններ, լրագրողներ և իրավապաշտպաններ:
Թողնել մեկնաբանություն