Երեւան քաղաքի ընդհանուր իրավասության դատարանի Կենտրոնի նստավայրում այսօր շարունակվեց փաստաբան Վահե Գրիգորյանի հայցն ընդդեմ ՓՊ որոշման։ Փաստաբան Վահե Գրիգորյանը դատարանից պահանջում էր անվավեր ճանաչել պալատի նախագահի և խորհրդի որոշումները։ Պատմությունը սկսել էր փաստաբաններից Տիգրան Աթանեսյանի ՖԲ-ում նյութի հրապարակումիցհետո, երբ հայցվորը՝ Վահե Գրիգորյանը, մեկնաբանություն էր գրել։
«Ինձ թվում է, որ դու [դիմելով պրն. Տ. Աթանեսյանին] պետք է փաստաբանների դպրոցում ժամեր վերցնես դասավանդելու համար «Ինչպիսին չպետք է լինեն Փաստաբանների պալատը եւ այն ներկայացնող անձինք» թեմայով եւ, որպես ուսումնական նյութեր, ունկնդիրներին բաժանես քո գործերով եւ դիմումների հիման վրա քեզ ուղղված նամակները: Իսկ այս նամակի 2-րդ կետին նախորդող պարբերության հեղինակը, որի մտքով անցել է նման պատասխան գրել փաստաբանին, իմ կարծիքով տառապում է կրիտինիզմով՝մի հիվանդություն, որը որոշակի հորմոնային անբավարարության հետեւանքով ժամանակին շեշտակիորեն դանդաղեցրել կամ առհասարակ կասեցրել է անձի մտավորզարգացումը: Դրահամար, չեմ օգտագործի նրա նկատմամբ վիրավորական արտահայտություն՝հասկանալով, որ դա ֆիզիկական դիսֆունկցիայի հետեւանք է»,- գրված էր մեկնաբանության մեջ։
Պատասխանող կողմի ներկայացուցիչ Գեւորգ Մկրտչյանը նշեց, որ հայցվորը դատարանում որեւէ փաստ չի վիճարկում, զուտ իրավական հարց է բարձրացնում: Այսօրվա դատական նիստին հայցվոր Վահե Գրիգորյանը եւ նրա ներկայացուցիչ Մուշեղ Շուշանյանը չէին ներկայացել: Դատավոր Ռուբեն Վարդազարյանը գործը համարեց դատաքննության նախապատրաստված: Դատաքննությունը տեղի կունենա հունիսի 20-ին՝ ժամը 10.30-ին:
Թողնել մեկնաբանություն