Լեւոն Գուլյանը մահացել է 2007թ. մայիսի 11-ին ՀՀ Ոստիկանության շենքում: Նա հարցաքննության էր կանչվել` կապված իր` “Պանդոկ” ռեստորանի մոտ տեղի ունեցած սպանության հետ: Ոստիկանության հաղորդագրության համաձայն` նա փախուստ կատարելու նպատակով ցած է նետվել պատուհանից ու մահացել: Լ. Գուլյանի հարազատները և իրավապաշտպաննեը վստահ են, որ նրան միտումնավոր սպանել են: Լ. Գուլյանի իրավահաջորդների ներկայացուցչի համաձայն` 4 տարվա ընթացքում 3 անգամ ներպետական դատական բոլոր ատյանները կարճել են Լ. Գուլյանի գործի քննությունը: 2010թ. օգոստոսին Վճռաբեկ դատարանը որոշում էր կայացրել վերսկսել գործի քննությունը: 2011թ. հունվարին գործի քննությունը վերսկսվել էր և մարտին կարճվել:
Թողնել մեկնաբանություն