News Archive

2018թ. մայիսին Հայաստանում իշխանության խաղաղ փոխանցումն իսկապես ուշագրավ էր: Այնուամենայնիվ, շատ բարձր են հանրային ակնկալիքները, որ մարդկանց կյանքում շոշափելի բարելավումներ կլինեն: Կառավարությունը պետք է ուշադրություն դարձնի առավել խոցելի անձանց երկար ժամանակ անտեսված իրավունքների պահպանմանը», – ասաց Մարդու իրավունքների Եվրոպական խորհրդի հանձնակատար Դունյա Միյատովիչը՝ ամփոփելով սեպտեմբերի 15-ից 20-ը Հայաստան կատարած այցի ընթացքը, որը կենտրոնացած էր կանանց իրավունքների, գենդերային հավասարության և ընտանեկան բռնության, տարբեր անապահով և խոցելի խմբերի անձանց մարդու իրավունքների, ինչպես նաև անցյ…

Անկախության սերնդի հպարտ ներկայացուցիչ լինելով՝ անկախության կարևորությունը տեսնում եմ պապերիս ու ծնողներիս հայացքում ու խոսքերում։ Դարեր շարունակ տանջված ու օտարի լծի տակ ապրած իմ ժողովուրդն արդեն 27 տարի է հպարտությամբ վայելում է իր ազատ երկրի ամեն բացվող առավոտը։ Այս տարի ազատությունն ու անկախությունն էլ ավելի են արժևորվել մեզ՝ հայոց աշխարհի հպարտ քաղաքացիներիս համար։ Մեր ազատատենչ ոգին ևս մեկ անգամ ապացուցեց, որ հայը այլևս երբեք չի խոնարհի իր գլուխը, այլ միշտ բաց ճակատով ու միասնական ոգով կանցնի իր ճամփան։ Շնորհավո՛ր տոնդ, ի՛մ ազատ ու անկախ Հայաստան։ Արփինե Մաթևոսյան, կամավոր

Ինչպես գրում է Կոնգոյի Հանրապետության ազատագրական շարժման գործիչ Պատրիս Լումումբան․ «Միակ բանը, որ մենք ցանկանում էինք մեր երկրի համար արժանապատիվ կյանքի, առանց կեղծավորության արժանապատվության, առանց սահմանների անկախության իրավունքն էր: Կգա մի օր, երբ պատմությունը կասի իր խոսքը»: Հայաստանում այդ օրը եկել է: Մենք ամեն օր ենք ամրապնդում մեր անկաախությունն ու արժանապատվությունը: Հովհաննա Թորոսյան

Կարծում եմ, որ կարեւոր է հիշել, որ մարդու իրավունքների եւ ազատության արժեքի մեր հասկացությունը պետք է աճի զուգահեռ մեր պատկերացման, թե ինչ է նշանակում մարդ լինել: Մենք ապրում ենք արագ առաջընթացի դարաշրջանում՝ ինչպես արտաքին, այնպես էլ ներքին, եւ մեր օրենսդիրները եւ իրավական սկզբունքները պետք է ամեն ինչ անեն այն արտացոլելու համար։ Անի Խուդավերդյան, ՀԱ ներկայացուցիչ ԱՄՆ-ում

Որպես հայազգի հպարտ եմ, որ այսօր ես ապրում եմ ազատ, անկախ Հայաստանում: Համաշխարհային պատմության ընթացքում մարդիկ պայքարել են անկախանալու համար: Այո՛, այն նրանց չի տրվել հեշտությամբ. Բնականաբար, եղել են նաև զրկանքներ, որպեսզի կյանքի կոչեն այդ իղձը: Եվ քանի որ այսօր մենք ապրում ենք այդ իրականության մեջ, ապա մեր 27-ամյա հանրապետության յուրաքանչյուր քաղաքացու կցանկանայի արժանապատվորեն կրել անկախ հայ լինելու գաղափարը: Գեղամ Մելքոնյան

Անկախությունը ես եմ եւ Հայաստանի բոլոր քաղաքացիները։ Ուստի անկախությունը պահպանելու «ծանր բեռ»-ը բոլորինս է։ Պետք է գնահատենք մեր անկախությունը եւ կարողանանք այն ճիշտ օգտագործել՝ ամուր պետություն, պաշտպանված ժողովուրդ ունենալու համար: Թեեւ Հայաստանն արդեն 27 տարի անկախ է, սակայն վերջին երկու տասնամյակում այն բռնազավթված էր։ Հայ ժողովրդի միասնականության շնորհիվ այս տարվա մայիսի 8-ին Հայաստանը կրկին անկախացավ՝ այս անգամ ոչ թե Խորհրդային Միությունից, այլ իշխանությունը զավթածներից։ Շնորհավո՛ր տոնդ, ազա՛տ Հայաստան։ Սուսաննա Պողոսյան

Անկախությունն առաջին հերթին մարդու՝ որպես ամենամեծ արժեքի առկայությունն է մեր երկրում: Այդ արժեքը վերջին քսան տարիներին ավազակապետական իշխանության ջանքերով կորցրել էր իր նշանակությունը: Ինչու եմ ասում մարդը, որովհետև այդ մարդն է ստեղծում անկախ երկրի համար կարևոր մյուս արժեքը՝ ժողովրդավարությունը՝ իր բոլոր դրական դրսևորումներով: Ու թեև ժողովրդից գողացված իշխանությունն ըստ էության արդեն քանի ամիս է վերադարձվել է ժողովրդին, սակայն իշխանության որոշ օղակներ փորձում են հին ռեժիմին հարություն տալ, սակայն՝ ապարդյուն: Անկախություն կերտած ժողովուրդն այս հնարավորությունը չպետք է բաց թողնի ու այլևս թու…

Անկախությունն ինձ համար նշանակում է, երբ որ մարդու մասնավոր սեփականության իրավուքները պաշտպանված են: Հայաստանի դեպքում Խորհրդային միությունից ազատվելը հենց անկախությունն էր, ինչը իմ կարծիքով նշանակում է ազատություն տոտալիտար ռեժիմից և պետականորեն խրախուսվող աթեիզմից: Եվ այս ամենով քայլ կատարվեց դեպի ապակենտրոնացում: Գոռ Մկրտչյան, կամավոր ԱՄՆ-ից

Ինչ է ինձ համար նշանակում անկախությունը: Ւմ կարծիքով, մենք տոնում ենք այն օրը, երբ Հայաստանը 27 տարի առաջ ազատվեց շղթաներից և այսօր կանգնած է որպես ազատ և ինքնուրույն երկիր: Եվ հիմա այսօր Հայաստանը պետություն է սեփական ձայնով, սեփական հպարտ ժողովրդով, սեփական լեզվով և սեփական անունով: Ազատ, անկախ Հայաստան Ժասմին Ավետիսյան, կամավոր Ավստրալիայից