Այսօր տեղի ունեցած դատական նիստին ուսումնասիրվել են պաշտպանի միջնորդության հիման վրա ստացված ինտերնետի շարժական կայանի վերծանումները, որով հիմնավորվել է, որ տուժողը Հ.Գևորգյանի հետ գտնվելու ժամանակ մոտ 60 անգամ օգտվել է ինտերնետից և եթե վերջինիս իր կամքից հակառակ էր ամբաստանյալը պահել Հրազդանի կիրճում, ապա տուժողը հնարավորություն է ունեցել այդ մասին որևէ սոցիալական ցանցով տեղյակ պահեր իր հարազատներին կամ մտերիմներին, որը վերջինս չի արել:
Հելսինկյան ասոցիացիայի դիտորդ Ա.Վեզիրյանին տրված հարցազրույցում Հ.Գևորգյանի պաշտպան` Հայկ Հովհաննիսյանը ներկայացրել է նաև այլ մանրամասներ, որոնք հիմնավորում են, որ առաջադրված մեղադրանքը անհիմն է:
Հիշեցնենք ըստ պաշտոնական վարկածի` Հրաչյա Գևորգյանին մեղադրանք է առաջադրվել այն բանի համար, որ նա որոշակի գործողություններ կատարելուն հարկադրելու պայմանով անձին պատանդ վերցնելու և պահելու դիտավորությամբ նախնական համաձայնության գալով Գարիկ Հարությունյանի հետ, պատանդ վերցնելու և պահելու նպատակով , որպես զենք օգտագործվող դանակով կյանքի և առողջությանը համար վտանգավոր բռնության գործադրմամբ ֆիզիկական ազատությունից ապօրինաբար զրկել և իր բնակության վայր են տեղափոխել Նաիրա Հարությունյանին և նրա անչափահաս որդուն` Սուրեն Ջաբուրյանին: Պատանդներին ազատելու պայմանով Ն.Հարությունյանի հորից` Ս.Հարությունյանից հարկադրաբար պահանջել են գումար, որն ստանալուց հետո ազատ են արձակել պատանդներին: Բացի այդ Հրաչյա Գևորգյանը, գտնվելով ազատազրկման վայրում, բազմիցս անգամ Ս. Հարությունյանից շորթման եղանակով, այն է` սպառնալով, որ կնվաստեցնի վերջինիս դստերը` Ն.Հարությունյանին` նրա մերկ նկարների ցուցադրմամբ, ինչպես նաև կվնասի Ն.Հարությունյանին և նրա երեխաներին, պահանջել և ստացել է խոշոր չափերի գումար:
Սույն քրեական գործը արդեն տարի ու կես է գտնվում դատարանում:
Տեսանյութը` Հելսինկյան ասոցիացիայի:
Թողնել մեկնաբանություն